Daniel 11:12 - Tedim Bible

¹² A galhat man leh galkap tampi a thahna hangin kisa thei mahmah ding a, ahih hangin a gualzo tawntung kei ding hi.

Tedim Bible Revision 2017

¹² A galhatna hang le galkap tampi a thahna hangin kisathei mahmah dinga, ahih hangin a gualzo tawntung kei ding hi.

Daniel 11:12 Referans Kwoze

1 PETER MASA 5:5

Tua mah bangin khangnote aw, a khan’ sawt upate ukna na mang un. Ahi hi. Note khempeuh in khat leh khat na kizep nadingun kiniamsakna na silh un. Bang hang hiam na cih uh leh, “Pasian in a kisatheite a kham hi; a lungniamsakte kiangah hehpihna thupha a pia hi.”

1 TIMOTI MASA 3:6

Kisaktheihna tawh hai-in, Dawimangpa’ thuak mawhna thukhenna a thuak ding lauhuai ahih ciangin pawlpi sungah a tum thak mi ahi kei ding hi.

Daniel 8:25

A lungsim daplan lua ahih manin zuau phuah siamna tawh a hih peuhpeuh a tangtun’ ding hi. Amah kiliansak lua-in, theihkholh lohin mi tampi susia-in, a lianpen kumpite’ kumpipa nangawn a langpan’ ding hi. Ahih hangin mihing thahatna kizang loin amah a kisusia ding hi.

Daniel 5:23

Vantung Topa langah na pang hi. A biakinnpi hai leh kuangte la-in sabuai tungah nangmah tawh, na u liante tawh, na zite leh na zi-neute uh tawh zu dawnna-in na zang uh hi. Theihna a neilo, a mu thei lo, khua a za thei lo, ngun, kham, sumngo, sik, sing leh suang tawh a kibawl pasiante’ min na phat uh hi. Na nuntakna leh na hihna khempeuh a hong uk Pasian na zahtak kei hi.

Ezekiel 28:17

Na mel hoihna na kisaktheihpih kha a, na minthan’na in hong hai tatsak hi. Leilak ka hong den’na a, kumpi dangte hilhkholhna-in nang ka hong koih hi.

Ezekiel 28:5

Sumbawl na siamna tawh na hauhna na behlap a, na hauhna na kisaktheihpih hi.

Ezekiel 28:2

“Ezekiel aw, Tai-ar khuapi a ukpa kiangah Topa Pasian keimah in ka gen nop thu, ama tungah hih bangin gen in: Kisak theihna lungsim lianpi nei-in tuipite’ laizang ah pasian’ tokhom tungah tu-in, kei in pasian khat ka hi hi, na ci hi. Nang in pasian bangin pil na kisak hangin, mihing khat na hi lel bek hi.

Paunak 16:18

Kisaktheihna in siatna hong tuak sak a, kiphatsakna in pukna hong piang sak hi.

2 KHANG TANGTHU NIHNATE 32:25

Ahih hangin a lungsim kiphasak ahih manin ama tungah phattuamna a kibawl bangin Topa tungah Hezekiah lungdam lo hi. Tua ahih manin amah leh Judah leh Jerusalem tungah Topa’ hehna hong tung hi.

2 KHANG TANGTHU NIHNATE 26:16

Ahih hangin amah a thahat ciangin a siat nadingin a kiphatsakna hong khang hi. Bang hang hiam cih leh Topa a Pasian tungah amah khial a, paknamtui biakna tau tungah paknamtui hal dingin Topa’ biakinn sungah lut hi.

2 KHANG TANGTHU NIHNATE 25:19

Nangmah in, ‘Mu in, Edom mite ka vat khin hi,’ na ci a, na lungsim in nang hong kisathei sak hi. Tu-a na minthan’na zah tawh innah om in; bang hangin nangmah leh Judah mite na pukkhawm nadingun buaina piangsak ding na hi hiam?” a ci hi.

2 KUMPI NIHNATE 14:10

Nangmah in Edom na vat khin a, na lungsim in nang hong liansak hi. Na minthan’na tawh lungkim in la, innah om in; bang hangin nang tukin, Judah tawh nang na tuk nadingin buaina piangsak ding na hi hiam?” a ci hi.

Thu-hilhkikna 8:14

na lungsim uh lianin, salsuahna Izipt gam panin no hong paikhiatpih,

Daniel 11:11

Izipt kumpipa zong heh mahmahin Siria kumpipa in zo gawp ding a, a galkapte tampi tak a matsak ding hi.

Daniel 11:13

Siria kumpipa khatvei kuan kikin amasa sanga a tam zaw galkap a kaikhawm ding hi. A hun kicingta a kisak ciangin galkap tampi leh galhiam kicing pikpek tawh a kuankhia ding hi.