Daniel 11:11 - Tedim Bible

¹¹ Izipt kumpipa zong heh mahmahin Siria kumpipa in zo gawp ding a, a galkapte tampi tak a matsak ding hi.

Tedim Bible Revision 2017

¹¹ Egypt kumpipa zong heh mahmah in Syria kumpipa sim gawp dinga, a galkapte tampi tak a matsak ding hi.

Daniel 11:11 Referans Kwoze

Daniel 8:7

Heh lua mahmah ahih manin tua tuutal tuangawp a, a ki tegel a suktan sak hi. Tuutal in a nan’ zawh na’ng thahatna nei lo ahih manin lei kiden’na a, a huh zo ding kuamah a om kei hi.

Daniel 11:5

“Khanglam kumpi a hong thahat ding hi. Ahi zongin a galkap mang lianpente khat thahatpen dinga gam lianzaw a uk ding hi.

Daniel 11:44

Tua ciangin, nisuahna lam leh saklam pan-a thu piang in amah patau sak ding a, thangpaihna tawh gal do-in mi tampi tak a that ding hi.

Daniel 2:38

Amah in mi’ teen’na leitung teng, ganhing teng leh vasate uk dingin a hong koih hi. Tua kham lutang in nangmah na hi hi.

Jeremiah 27:6

Tu-in hih gamte, ka nasempa ahi Babilon kumpipa Nebukhadnezzar’ khut sungah ka pia khin zo hi. Gamsate nangawn ama’ nasem dingin ka pia lai hi.

Late 76:10

Mite’ hehna in nangmah hong kiphatna piangsak ding a, na hehna pan a suakta sun mite in nangmah pahtawina pawi bawl ding uh hi.

1 KUMPI MASATE 20:28

Tua ciangin Pasian’ mi khat a nai-ah hong pai-in Israel kumpipa kiangah, “Topa in hih bangin ci hi. ‘Siriate in, “Topa in mualtung pasian hi a, amah in kuam sung pasian hi lo hi,” ci uh ahih manin hih a lian mihonpi khempeuh nangma khut sungah kong pia ding a, keimah in Topa ka hihna na thei ding hi,’ ci hi,” a ci hi.

1 KUMPI MASATE 20:13

Tua ciangin en in, Israel kumpi Ahab kiang nai-ah kamsang khat hong pai-in, “Topa in hih bangin ci hi; Hih mihon tampi khempeuh na mu khin hiam? En in, tu ni-in nangma khut sungah kong pia ding hi; tua ciangin keimah in Topa ka hihna na thei ding hi, ci in,” a ci hi.

Daniel 11:12

A galhat man leh galkap tampi a thahna hangin kisa thei mahmah ding a, ahih hangin a gualzo tawntung kei ding hi.

Daniel 11:40

Siria kumpipa hun a bei dektak ciangin, Izipt kumpipa in amah a sim ding hi. Siria kumpipa in a tha neih teng siit loin tuikhang bangin, sakol tawh, sakol galkapte tawh, teembaw tampi tawh Izipt a do ding hi.