Daniel 10:3 - Tedim Bible

³ Zu leh sa ahi a, an lim ahi zongin bangmah ka ne kei a, nipi kalthum a bei mateng ka sam zong ka hiat kei hi.

Tedim Bible Revision 2017

³ Zu le sa ahi a, an lim ahi zongin bangmah ka ne kei a, nipikal thum a bei mateng ka sam zong ka hiat kei hi.

Daniel 10:3 Referans Kwoze

Mattiu 6:17

Nomau in an na tan’ uh ciangin na an tan’na uh mi mai-ah kilang loin, a kilang lona-ah a om na Pa uh mai-ah a kilat nadingin na sam sathau nilh un la, na mai uh phiat un.

Amos 5:11

Note in mi zawngte tuancilin, a an teng uh laksak na hih manun, suangseek inn na lam hangun a sungah na teeng kha kei ding uh a, leenggui lo hoih na neih hangun a leenggahzu na dawn kha kei ding uh hi.

Daniel 11:8

Amah in amaute’ milim pasiante leh na manpha ngun leh khamte Izipt gamah a pua ding hi. Kum tawm vei sung bek kilemna a om ding hi.

1 KORIN MASA 9:27

Midangte thu ka hilh khit ciangin hawlkhiatna ka thuak loh nadingin ka pumpi tumin, ka bawlsia hi.

Nahum 2:9

Ngunte la un! Khamte la un! Khua sungah sum manpha bei cih om thei lo a, van manpha bei cih om thei lo hi.

Daniel 6:18

Kumpipa a innah ciahkik a, tua zan tawntung an ngawl a, gualnopna zong a bawl kei hi. Tua zanin a ihmu thei peuhmah kei hi.

JOB (Job) 33:20

Cinapa in an ne zo lo a, an a lim pen nangawn a kihtha suak hi.

2 SAMUEL NIHNA 19:24

Tua ciangin kumpipa dawn dingin Saul’ tupa Mefibosheth hong paisuk hi; kumpipa a paikhiat ni-a kipan lungnuamin hong tun’ kik ni dong, amah in a khete zeem lo, a khamul puah lo, a puante zong sawp lo hi.

Luka 7:46

Ka lu sathau nong nilhsak kei hi. Amah in ahih leh, ka khe paknamtui tawh hong nilhsak hi.

Daniel 10:12

Tua ciangin amah in, “Daniel aw, lau kei in. Kiniamkhiat dinga na lungsim na khentat masak pen ni a kipan, tua thu na theihtheih nadingin Pasian in na thungetna a hong za zo hi. Na thungetna bang a hong pia dingin ka hong pai hi.