Daniel 10:20 - Tedim Bible

^20-21 Amah in, “Bang hanga na kianga hong pai ka hi hiam cih na thei hiam? Thuman Laibu sung kigelh thute lak dinga hong pai ka hi hi. Tu-in ciahkik in, Persia gam a uk kumpipa tawh ka kido ding hi. Tua khit ciangin Grik gam a uk kumpipa a hong kilang ding hi. Israelte a cing vantungmi Mikhael longal kei a hong huh ding kuamah a om kei hi.

Tedim Bible Revision 2017

^20-21 Amah in, “Bang hangin na kiangah hong pai ka hi hiam, cih na thei hiam? Thuman Laibu sungah a kigelh thute a lak dingin a hong pai ka hi hi. Tu-in ciahkikin, Persia gam a cing vantungmi tawh ka kido ding hi. Tua khit ciangin Grik gam a cing vantungmi a hong kilang ding hi. Mikhael longal kei a hong huh ding kuamah a om kei hi.

Daniel 10:20 Referans Kwoze

Daniel 8:21

Keltal in Grik kumpi gam hi a, a mit kikal-a po ki in kumpi masapen a cih nopna ahi hi.

Daniel 10:13

Persia gam a uk kumpipa in ni sawmnih leh nikhat sung a hong nial hi. Tua ciangin vantungmi thupite khat ahi Mikhael in kei hong panpih dingin a hong pai hi. Bang hang hiam cih leh Persia gam sungah keimah guak bek ka om hi.

Sawltak 12:23

Amah in Pasian’ min phat lo ahih ciangin Pasian’ vantungmi khat in thakhatin amah sat a, thante in a ne uh a, a si hi.

Daniel 7:6

Ka et lai leh kamkei tawh a kibang sapi dang khat ka mu hi. A nungzangah vasa-kha tawh a kibang kha li a nei hi. Tua sapi in lutang li nei a, ukna aana ama tungah a kipia hi.

Isaiah 37:36

Tua ciangin Topa’ vantungmi kuankhia-in Assiria mite’ giahphual ah mihing tulza leh tulsawmgiat leh tulnga that hi; zingsang ciangin mite a thawh ciangin hihte khempeuh mi si luang bekbek a na hi hi.

Ezra 4:4

Tua ciangin tua gam a, midang teengte in Judah mite lungkia sakin inn a lam lai ding uh lausak uh hi;