Daniel 10:16 - Tedim Bible

¹⁶ Tua ciangin pasal mel tawh a kibang mi khat thakhatin ka mai-ah hong suak-a ka muk a hong lawn’sak hi. Tua ciangin kamka-in thugen dingin ka kisa hi. Ka mai-a dingpa kiangah, “Topa aw, ka mangmuhna in ka tha hong zawsak lua ahih manin ka ci liin a pha thei kei hi.

Tedim Bible Revision 2017

¹⁶ Tua ciangin pasal mel tawh a kibang mi khat thakhatin ka mai ah hong om a, ka muk a hong lawnsak hi. Tua ciangin thugen dingin ka kisa hi. Ka mai-a a ding pa kiangah, “Topa aw, ka maangmuhna in ka tha hong zawsak lua ahih manin ka ci-lin a pha thei kei hi.

Daniel 10:16 Referans Kwoze

Daniel 8:15

Keimah Daniel in mangmuhna a khiatna thei nuamin ka hanciam hi. Thakhat thu-in mihing meel tawh a kibang khat ka mai-ah a hong ding hi.

Isaiah 6:7

Amah in ka kam hong bi a, “En in, hih in na muk su-kha zo hi; na mawhna beita a, na khialhna kimaisak zo hi,” hong ci hi.

Jeremiah 1:9

Tua ciangin Topa in a khut tawh hong zam phei-in ka muk hong lawn sak-a hong hopih hi. “En in, ka thute na kam sungah kong koih khin zo hi.

Daniel 8:27

Keimah Daniel in, ni tawmvei sung thazaw gawpin ka ci a na hi. Tua ciangin tho-in, ka nasep ngei semkik dingin kumpi innah ka pai hi. Ka mangmuhna thu thei zo lo ka hih manin cih nading meel thei loin dap takin ka om hi.

Daniel 8:17

Gabriel hong pai-in ka kiangah hong ding a, lau lua mahmah ka hih manin lei tungah ka puk hi. Amah in, “Leitungmi aw, a khiatna thei in. Mangmuhna pen hun beina ding lahna ahi hi,” ci-in ka kiangah a hong gen hi.

Daniel 7:28

Hih tangthu a beita hi. Hih thu ka ngaihsut ciangin kei, Daniel ka lau mahmah a, ka meel a daang gawp hi. Ahih hangin hih thu keima lungsim sung bekah ka koih hi.

Daniel 7:15

Ka mangmuhnate in hong linglawng sakin a hong patausak mahmah hi.

Mangmuhna 1:13

tua meivak sagih laizang ah mihing tapa tawh kibang mi khat ahi zongin ka mu hi. Tua mi in a khe dongin puanza silhin, a awmah kham kawnggak gakin,

Johan 20:28

Thomas in, “Ka Topa leh ka Pasian aw,” a cih ciangin,

Luka 21:15

Bang hang hiam na cih uh leh, na galte khempeuh un hong nial theih loh hong sel theih loh nadingin gen theihna kam leh pilna note kong pia ding hi.

Luka 1:64

Tua leh, thakhatin Zekhariah kam kihong a, a leii kikhah a, Pasian phatin a pau thei hi.

Daniel 12:8

A thugen ka za a, ahih hangin tel takin ka thei kei hi. Tua ahih ciangin, “Topa aw, bang ci bangin beina a hong piang ding hiam?” ci-in ka dong hi.

Daniel 9:21

Tua ka nget lai takin, ka mangmuh masak sunga ka muh mipa Gabriel, ka omna munah a hong leengsuk hi. Tua hun in nitak lam biakna piakna hun laitak ahi hi.

Ezekiel 33:22

Tua ama tun’ ni ding a zan nitakin Topa’ vangliatna ka sungah hong om lam ka kiphawk a, tua mipa hong tun’ ni zingsangin Topa in kei hong pau thei sak kik hi.

Ezekiel 3:27

Ahi zongin nang kong hopih kik ciangin kong pausak thei kik ding a, amaute kiangah, “Topa Pasian in hih bangin ci hi,’ na ci ding hi. Tua ciangin mi pawlkhat in na thu hong ngai ding a, ahi zongin amaute pen a lehdo thei minam ahih manin pawlkhat in na thu hong ngai lo ding uh hi,” hong ci hi.

Ezekiel 1:26

Tua a kuum tung zangah, sapfeiros suangmanpha tawh a kibawl kumpi tokhom bang pian khat om a, tua tokhom tungah mi tawh a kibang pian lim khat tu hi.

Thuhilh-sia 1:18

Pil semsem lehang kilunghimawh semsem a, tam thei semsem lehang hong gim sak semsem zawsop hi.

Thukhente 13:8

Tua ciangin Manoah in Topa kunh a, “Topa aw, kong thuum hi, na hong sawl Pasian’ mipa ko kiangah hong paisak kik in la, a hong suak ding naupang ka bawl nading uh hong hilhsak in,” a ci hi.

Thukhente 6:15

Tua ciangin amah in ama kiangah, “Kong thuum hi, Topa aw, Israelte bangci hot khiat ding ka hi hiam? En in, keimah behte in Manasseh sungah a hat lopen hi a, ka innkuan sung panin kei in a neu pen ka hi hi,” a ci hi.

Thukhente 6:13

Gideon in ama kiangah, “Kong thuum hi, sia aw, Topa in kote tawh hong om ahih leh, bang hangin hih nate khempeuh ko tungah hong tung ahi hiam? Ka pate un kote tungah hong genin ‘Topa in Izipt panin eite hong paipih to hilo ahi hiam?’ a cih uh a lamdang ama sepnate khempeuh koi-ah om ahi hiam? Ahih hangin tu-in Topa in kote hong paaikhia-in, Midiante’ khut sungah hong pia khin hi,” a ci hi.

Joshua 5:14

Amah in, “Hi lo hi; Topa’ galkapte a ukpa-in tu-in kong pai hi,” a ci hi. Joshua lei-ah bok sukin bia a, ama kiangah, “Ka Topa in a nasempa bang hong sawl nuam ahi hiam?” a ci hi.

Paikhiatna 4:13

Ahih hangin amah in, “Oh, ka Topa aw, hong thum ing, mi dang khat sawl zaw in,” ci hi.

Paikhiatna 4:10

Ahih hangin Moses in Topa' kiangah, “Oh, ka Topa aw, tu-ma-siah hita leh, na nasempa' tungah thu na gen-a kipan hita leh, keimah in thugen ka siam kei hi; ka kam pau ol-in, ka pau awk hi," ci hi.

Daniel 4:19

Tua ciangin Belteshazzar zong a kici Daniel in a lungmang lua ahih manin tawmvei sung bangmah gen thei loin a om hi. Kumpipa in, “Belteshazzar aw, mang leh a khiatna huhau in na lung mangsak zenzen kei in,” a ci hi. Belteshazzar in, “Kumpipa aw, na mangmat leh a khiatna pen na galte tungah tungzaw hen.

Daniel 8:18

Amah in thu a hong gen lai takin, sibupin lei lakah ka tuk hi. Ahih hangin amah in hong domto-in a hong dingsak kik hi.