Daniel 1:21 - Tedim Bible

²¹ Sairas, Babilon kumpi a suah dong kumpi innah Daniel a om to paisuak hi.

Tedim Bible Revision 2017

²¹ Sairas, Babylon kumpi a suah hun dong, kumpi inn ah Daniel om to paisuak hi.

Daniel 1:21 Referans Kwoze

Daniel 6:28

Tua ahih manin Darias kumpi ahih laitak leh Persia mi Sairas kumpi ahih lai takin, Daniel nuamsa-in a om hi.

Daniel 10:1

Sairas in Persia gam kumpi-a a suah zawh kumthum a phak lai takin, Belteshazzar a kici Daniel tungah thu khat a kipia hi. Tua thu pen a maan hi a, theihtel hak mahmah ahih manin mangmuhna tawh tel takin a kilak hi.

Ezra 1:1

Persia kumpipa Sairas’ kum khatna kumin, Jeremiah’ tung tawnin Topa’ thugen a tun’ theih nadingin, ama gam sung khempeuh ah tangkona khat bawlin lai-in zong a gelh nadingin Persia kumpipa Sairas’ lungsim ah Topa in suak sak hi. Amah in hih bangin hih hi:

Ezra 1:2

“Persia kumpipa Sairas in hih bangin ci hi: Vantung Pasian, Topa in leitung kumpi gam khempeuh keima tungah hong piakhin a, Judah gam sung Jerusalem khua ah ama adingin inn khat ka lamsak ding hong sawl hi.