Daniel 1:20 - Tedim Bible

²⁰ Kumpipa in bangbang thu haksa nono a dot hangin, hi mi lite in ama gamsung khempeuh a, mitphial siamte leh aisan theite khempeuh sangin a zah sawmin a siamzawk lam uh a mu hi.

Tedim Bible Revision 2017

²⁰ Kumpipa in bangbang thuhaksa nono a dot hangin, hih mi lite pen ama gam sung khempeuh a mitphial siamte le aisan theite khempeuh sangin a zah sawmin a siam zawk lam uh a mu hi.

Daniel 1:20 Referans Kwoze

Paikhiatna 8:19

Mitphial siamte in Faro' kiangah, “Hih in Pasian’ nasepna ahi hi,” ci uh hi. Ahih hangin Faro’ lungsim khauh a, Topa’ gensa bangin amah in amaute’ thu ngai lo hi.

Isaiah 19:3

Izipt mite’ lungsim hawmsuak ding a, amau’ geelnate ka siasak ding hi; amaute in milimte leh khongkhai theite, vankah theite leh aisan theite thu dong ding uh hi;

JOB (Job) 19:3

Kei nong simmawh niloh a, tua banga na gamtatna ah maizumna mel na nei thei kei hi.

Nehemiah 4:12

Amaute lakah a teeng Judah mite khuapi sungah hong pai ciangin, ka galte uh a omna khempeuh ciat panun hong pai-in kote hong sim nading thu, sawm vei tak hong hilhkhol uh hi.

Gamlak-vakna 14:22

Izipt leh gamlakah ka hihsa ka minthan’na leh ka limte mu khin napi-in sawm vei kei hong ze-etin keima aw a ngai lo mite,

Paikhiatna 8:7

Ahih hangin mitphial siamte in amau' siamna tawh tua bangmah bawl thei uh a, Izipt leitang tungah uiphukte omsak uh hi.

Paikhiatna 7:22

Ahih hangin Izipt mitphial siamte in amau’ siamna tawh tua bangmah bawl thei uh hi; tua ahih ciangin Faro’ lungsim a khauh ngei mahin khauh a, Topa’ gensa bangin amah in amaute’ thu ngai lo hi.

Piancilna 41:8

Tua ahih ciangin zingsangin a lungkham hi; amah in mi sawlin Izipt mitphial siamte khempeuh leh a mi pil khempeuh samsak hi; Faro in amaute kiangah a mang gen a, ahih hangin Faro tungah a khiatna a gen thei kuamah om lo hi.

Piancilna 31:7

ahi zongin na pa un kei hong khemin, ka thaman sawm vei khel khin a, ahih hangin kei hong gimsak ding Pasian in amah phal lo hi.

Daniel 5:17

Daniel in kumpipa kiangah, “Letsong pen kei hong pia kei in la, midang khatpeuh pia zaw in. Ahi zongin tua lai kigelh kong simsak ding a, a khiatna kumpipa kong hilh ding hi.

Daniel 2:21

Amah in hun leh khuahunte kheel; kumpite a koih a, lah a lakhia hi. Amah in mite pilna leh theihna a pia hi.

Daniel 2:13

Tua ahih ciangin mi pilte khempeuh thahlup khit nang thu kipia a, tua thahlup dingte sungah Daniel leh a lawmte teng zong a kihel uh hi.

Late 119:99

Ka siate khempeuh sangin thu ka telzaw hi, bang hang hiam cih leh na teci pan’nate ka ngaihsunsun hi.

Ezekiel 28:3

Daniel sangin pil na kisa zaw a, theih loh a nei loin na kingaihsun hi.

Daniel 1:17

Pasian in tua khangno lite lai theih siamna leh pilna thukte a pia hi. Daniel pen mangmuhna leh mang khiat siamna a pia hi.