Daniel 1:19 - Tedim Bible

¹⁹ Kumpipa in amaute khempeuh hopih a, Daniel, Hananiah, Mishael leh Azariahte adang teng khempeuh sangin a hoih zawk tuan lam uh a mu hi. Tua ahih ciangin kumpi inn-a vaihawm pawl a suak uh hi.

Tedim Bible Revision 2017

¹⁹ Kumpipa in amaute khempeuh hopih a, Daniel, Hananiah, Mishael le Azariah-te a dang teng khempeuh sangin a hoih zawk tuan lam uh a mu hi. Tua ahih ciangin kumpi inn-a vaihawm ulian pawl a suak uh hi.

Daniel 1:19 Referans Kwoze

Daniel 1:5

Amaute in kumpi inn sunga nasem dangte mah bangin ni simin an leh leenggahzu tawh vak dingin kumpipa in thu a pia hi. Tua banga kumthum sung sinna a neih khit uh ciangin amaute kumpipa’ mai-ah a kilak kik ding uh ahi hi.

Paunak 22:29

Ama nasepna-ah a siam mahmah mi na thei kha hiam? amah in mi mawkmawkte’ na sem lo ding a, kumpite’ na sem ding hi.

Piancilna 41:46

Izipt kumpipa Faro’ nasemin a tum ciangin Josef kum sawmthum pha hi. Faro’ omna panin Josef paikhia a, Izipt gamsung khempeuhah pai hi.

Jeremiah 15:19

Tua ahih manin Topa in, “Nong kilehkik leh kong koihna ngei ah kong koih ding a, ka na na semkik ding hi. Thu manpha lo gen loin thu manpha na gen leh, ka kamsang-in kong zang ding hi. Amaute nang kiangah hong pai ding uh a, nang na hih leh amau’ kiangah na pai kei ding hi.

1 KUMPI MASATE 17:1

Tu-in Gileah gamsung Tishbe khua panin Tishbe mi Elijah in Ahab kiangah, “A mai-ah ka din’na Israel Pasian, Topa in a nungta ahih mah bangin keima thu tawh loin daitui ahi a, guah ahi zongin hong tung ding kumte sungah om lo ding hi,” a ci hi.

Daniel 1:6

Tua banga a kiteelte in Judah mi vive ahi Daniel, Hananiah, Mishael leh Azariahte ahi uh hi.

Daniel 1:7

Innsung mang lianpenpa in amaute minthak phuah a, Daniel’ min dingin Belteshazzar, Hananiah min dingin Shadrak, Mishael min dingin Meshak, Azariah min dingin Abednego a phuak hi.

Daniel 1:18

Kumpipa sehsa kumthum a cin’ khit ciangin Ashpenaz in khangnote khempeuh kumpipa kiangah a paipih hi.

Daniel 2:13

Tua ahih ciangin mi pilte khempeuh thahlup khit nang thu kipia a, tua thahlup dingte sungah Daniel leh a lawmte teng zong a kihel uh hi.

Daniel 3:29

Tu-in minam kimte, minam tuamtuamte, paunam tuamtuamte mi khat peuhpeuh in Shadrak,’ Meshak,’ Abednego-te’ Pasian gensiatna kam pau a om leh kibalnen gawp ding a, a inn uh a kisuksiat sak ding hi ci-in thukhamna ka bawl hi. Bang hang hiam cih leh hi banga hon thei pasian dang peuhmah om lo hi,” a ci hi.

Daniel 1:4

Tua mite in kumpi inn sunga nasem siamte a suah theih nadingun a mel hoih, pumpi tung poina neilo, a navak, hoih taka pilna kisinsak, na a thei baih lungsim navakte ngentang ding ahi hi. Ashpenaz in amaute Babilon lai leh pau a hilh ding ahi hi.