Amos 9:9 - Tedim Bible

⁹ Keimah in thu ka pia ding a, anhaihna ciang tawh an a kihaih mah bangin keimah in Israel mite ka lok niloh ding hi. A hoih lo teng a kipaihkhiat theih nadingin minam dangte lakah ka haih ding hi.

Tedim Bible Revision 2017

⁹ Keimah in thu ka pia dinga, anhaihna ciang tawh an a kihaih mah bangin keimah in Israel mite ka lok niloh ding hi. A hoih loteng a kipaihkhiat theih nadingin minam dangte lakah ka haih ding hi.

Amos 9:9 Referans Kwoze

Luka 22:31

Zeisu in, “Simon, Simon aw, Satan in buhhum bangin nang hong haih nuam hi.

Thu-hilhkikna 28:64

Topa in leimong khat panin mong khat, minamte’ lakah note hong thehthang ding hi; tua lai-ah note leh na pu na pate un a theih nai loh sing leh suang tawh a kibawl pasian dangte’ na na sem ding uh hi.

Isaiah 30:28

Ama husan in, ngawng dong a banto, a taii tuikhang bang ahi hi. Amah in minamte’ thuak siatnate haihna sungah a haih hi; amah in lamkhialsak kamkaihna pen mite’ khaguh ah a thuah hi.

Siampi Laibu 26:33

Keimah in minamte lakah note kong thehthang ding a, keimah in namsau a paai panin dokin note kong delh ding hi; na leitang uh gamkhing hi ding a, na khuapite uh a sia hi ding hi.

Jeremiah 31:36

Amah in, “Topa in kong cih-inah, hih a kip mahmah leitung, vantung ngeinate a kikhel hun ciang bekin, Israel mite’ suan leh khakte in gam a nei ngei nawn kei pan ding uh hi,” a ci hi.

Jeremiah 46:28

Topa in kong cih-inah, ka nasem pa Jakob’ suante aw, lau kei un. Bang hang hiam cih leh note kong ompih hi. Note kong thehthangna gamte khempeuh ka susia khin ding a, ahih bangin note kong susia khin kei ding hi. A kilawm zahin kong thuhilh ding a, daantat loin kong mawk nusiat kei ding hi,” a ci hi.

Jeremiah 49:36

Vantung mun li panin huihpi ka mutmang sak ding a, Elam gam pana ka hawlkhiatte mun khempeuh ah kikhen thangsak-in a tun’ lohna uh gam khat beek ka omsak kei ding hi.

Ezekiel 5:10

Tua kong daantahna hangin nang Jerusalem khuapi sungah pate in a tapate’ sa ne-in, tapate in a pate uh’ sa ne ding uh hi. No a mite kong daantat ding a, a suakta kha sunsunte nangawn mun khempeuh ah kong thehthang gawp ding hi.

Ezekiel 5:12

Note seh thum suah seh khat pen cina leh gilkialin khuapi sungah na si ding uh hi. Seh thum suah seh khat, khuapi kiim-ah namsau-in na si ding uh hi. A om lai seh thum suah seh khat ahih leh mun khempeuh ah hong thehthangin namsau tawh kong delh ding hi.

Ezekiel 20:38

Note lak panin a lehdo thei mite leh kei tungah hong mawh mite ka la khia ding hi. Tu lai takin a om pakna uh gam panin ka la khia ding a, ahi zongin Israel gamah ka ciahsak kik kei ding hi. Tua ciangin Topa ka hihna thu na thei ding hi,” hong ci hi.

Ezekiel 36:19

Amaute’ nuntakna zia leh a gamtatnaziate uh tawh kizui-in amaute tungah thu ka khen a, gamdang mun citeng-ah amaute ka thehthang hi.

Isaiah 27:12

Israel mite aw, tua ni ciangin Eufrates gunpi panin Izipt Luipi dongin Topa in tuancil ding a, note khat khatin hong kikaikhawm ding hi.

Isaiah 28:28

Mi khatpeuh in antang cilvui ahi hiam? Hi lo hi, amah in cil paisuak ngitnget lo hi; a sakol tawh buhcilnapei a kihualsak ciangin amah in kitamvui-sak lo hi.

Ezekiel 39:28

Tua ciangin, minam dangte khut sungah sal-in amaute puakin, tua khit ciangin amaute khat zong siit loin kaikhawm kikin a gam sung uh ka tun’pih kimna hangin amaute Topa Pasian ka hihna thu, keima mite in hong thei ding uh hi.