Amos 9:4 - Tedim Bible

⁴ Galte in sal dingin hing mat ta le uh zong, namsau tawh a thah nadingun thu ka pia ding hi. Amaute’ hoih nading ngaihsun het loin, amaute suksiat ding ka sawm hi,” ci hi.

Tedim Bible Revision 2017

⁴ Galte in a sal dingin hing mat ta le-uh zong, namsau tawh a thah nadingun thu ka pia ding hi. Amauteʼ hoih nading ngaihsun het loin, amaute suksiat ding ka sawm hi,” a ci hi.

Amos 9:4 Referans Kwoze

Siampi Laibu 26:33

Keimah in minamte lakah note kong thehthang ding a, keimah in namsau a paai panin dokin note kong delh ding hi; na leitang uh gamkhing hi ding a, na khuapite uh a sia hi ding hi.

Jeremiah 44:11

“Tua ahih manin a vanglian Topa, Israel mite’ Pasian in kong gen-inah: En un, note susia dingin na langkhat uhah kei ka ding ding a, Judah gam khempeuh ka susia ding hi.

Jeremiah 21:10

Bang hang hiam cih leh Topa in kong cih-inah, hih khuapi’ hoih nading hi lo siat nadingin ka lungsim ka khensat khin zo hi. Babilon kumpipa’ khut sungah ka pia ding a, amah in mei tawh a hal ding hi,’ na ci ding hi.

Ezekiel 5:12

Note seh thum suah seh khat pen cina leh gilkialin khuapi sungah na si ding uh hi. Seh thum suah seh khat, khuapi kiim-ah namsau-in na si ding uh hi. A om lai seh thum suah seh khat ahih leh mun khempeuh ah hong thehthangin namsau tawh kong delh ding hi.

Siampi Laibu 17:10

“Israel mite sung pan hita leh, amau’ lakah a peem mi khualte sung pan hita leh mi khat in sisan khatpeuh peuh a nek leh, sisan a ne mipa ka maisiat ding a, ama mite lak panin amah ka khen khia ding hi.

Ezekiel 5:2

Umcihna lim na man ciangin khuapi lim sungah seh khat haltum in. Tua ciangin seh khat la leuleu in la, khuapi kiim-ah na pai kawmin na namsau tawh satnen in. A om lai seh khat pen huih lakah lawn in. Keimah in namsau tawh ka sat ding hi.

Jeremiah 39:16

“Ethiopia mi pa Ebedmelek’ kiangah pai in la, ‘A vanglian Topa, Israel mite’ Pasian in hong gen-inah: En in, Hih khuapi hoih nading hi lo, a siat nading ka gen sate ka tungsak ding a, tua ni a hong tun’ ciangin nangmah in zong na mu ding hi.

Jeremiah 24:6

Amaute lim takin ka kem ding a, hih gamah ka lakik ding hi. Amaute ka khangto sak ding a, ka susia kei ding hi; ka suan ding a, ka botkhia kei ding hi.

2 KHANG TANGTHU NIHNATE 16:9

Bang hang hiam cih leh ama lamah a lungsim a paubang lo mite’ tangin ama vangliatna a lak dingin Topa’ mit in leitung khempeuh en kawikawi hi. Hih thu-ah na hai gamtat khin hi; bang hang hiam cih leh tu-a kipanin galdonate na nei ding hi,” a ci hi.

Jeremiah 12:12

Sehnel gam mualsang panin a susia dingte hong pai zo uh hi. Gam mong khat panin gammong khat dongah a lungmuang kuamah om lo hi. Bang hang hiam cih leh Topa’ namsau in mi khempeuh a vattuk hi.

Amos 9:8

Keimah in hih a khial Israel kumpigam ka encik a, hih leitung panin amaute ka susia ding hi. Ahi zongin a vekpi-un susia mang loin, pawlkhat ka siit lai ding hi.

Zekhariah 8:10

Tua hun ma-in mi ahi a, ganhing ahi zongin na a sem dingin kuamah in cial zo lo a, galte kihtakna hangin kuamah a ut utin om thei lo hi. Mi khat leh khat ka kidosak hi.

Piancilna 44:21

Tua ciangin nangmah in na nasemte' kiangah, ‘Ka mit tawh amah ka muh theih nadingin kei' kiangah amah hong tonpih suk un,’ na ci hi.

Paikhiatna 14:24

Zingsang ciangin Topa in mei leh meii khuam sung panin Izipt mi honpite en sukin, Izipt mi honpite phial gawp a,

Late 34:17

Huh ngen dingin thumante a kiko ciangin Topa in za a, a haksakna khempeuh panun amaute honkhia hi.

Jeremiah 39:12

“Jeremiah la un. Limtak-in kem un la, bawlsia kei un. Ama’ deih bangbangin na gamta un,” a ci hi.