Amos 9:2 - Tedim Bible

² Lei to sukin misite omna Leinuai-ah a va tun uh hangin tua lai-ah amaute ka su ding a, vantungah a kah toh uh hangin zong, tua lai mahah amaute ka su veve ding hi.

Tedim Bible Revision 2017

² Lei to sukin misiteʼ omna Leinuai ah a va tun uh hangin tua lai ah amaute ka su dinga, vantungah a kah toh uh hangin zong, tua lai mahah amaute ka su veve ding hi.

Amos 9:2 Referans Kwoze

Jeremiah 51:53

Babilon khua vantung-ah a kahtoh theih a, a sangpi-ah kip takin gal dalna a bawl theih hangin, Topa in kong cih-inah, kei’ kiang panin amah susia ding mi a hong pai teitei ding hi.

Obadiah 1:4

Muvanlai bangin sangpi-ah lengin, aksite lakah bu na bawl hangun, No kong khiasuk veve ding hi, Topa in a ci hi.

Luka 10:18

Zeisu in, “Satan in khuaphia bangin vantung pan hong kiasuk ke’n ka mu zo hi.

Jeremiah 49:16

Na kihtakhuaina leh na kisaktheihna in nang hong khem zo hi. Suangken lakah na teeng a, mualsang tungah na teeng hi. Muvanlai bu zahin sangpi-in na teen’ hangin tua lai mun panin kong lakhia suk veve ding hi, Topa in kong ci hi.

Isaiah 2:19

Leitung liingsak gawp dingin Topa a thawh ciangin, amah kihtakna leh alian ama minthan’na panin, suanghawm sung leh leihawm sungah mite bu ding uh hi.

JOB (Job) 26:6

Pasian’ muhna-ah misite’ gam kilang sinsen a, a muh theih lohna dingin a liah bangmah om lo hi.

JOB (Job) 20:6

Migilopa lianin vantung a banto zongin, lian mahmah in a lutang in meii lak a banto zongin,

JOB (Job) 34:22

Gamtatsia mite a buk theih nadingun a seel zo ding, khuamial khuazing koi mah-ah om lo hi.

Ezekiel 26:20

Tang lai-a a sisa mite tawh a teeng khawm dingin misite’ khua Leinuai-ah kong puak ding hi. Siatna a thuak tawntung lei nuai-a omte lakah kong koih ding a, a sisate tawh na om ding hi. Tua lai panin a hingte lakah a om kik dingin nong kik nawn kei ding hi.

Ezekiel 31:14

Tua ahih ciangin tu-a kipanin singkung khat beek, bang zahin tui a ngah hangin tua zahin khangin, a dawn in meiipi banin sang zo ngei nawn lo ding hi. Misite omna Leinuai khua a zuan ding a si thei mihingte mah bangin, singkung khempeuh a si ding ahi ta hi.

JOB (Job) 22:13

Ahi zongin nangmah in, Pasian in bang thei ding ahi hiam? Meii in Pasian tuamcip hi—eite’ thu bang hong ci khen theih ding ahi hiam?’ na ci hi.

JOB (Job) 24:23

Pasian in amah a lungnuamin nungta sak a, ahi zongin amaute langpanin, encik tawntung hi.