Amos 9:13 - Tedim Bible

¹³ Topa in hih bangin ci hi: An a kihauh luat manin, anlak a kizawh ma-in lo khawhkik hun tungin, leenggahte, leenggahzu-a bawl a kizawh ma-in, a suankik hun hong tun’ ding hun nuam hong tung ta ding hi. Mual lian khempeuh panin leenggahzu khum hong taak khia-in, mual neu khempeuh tungah leenggahzu luang ding hi.

Tedim Bible Revision 2017

¹³ Topa in hih bangin ci hi: An a kihauh luat manin, an lak a kizawh ma-in lo khawhkik hun tungin, leenggahte, leenggahzu a bawl a kizawh ma-in a suankik hun hong tun ding, hun nuam hong tung ta ding hi. Mual lian khempeuh panin leenggahzu khum hong taak khia-in, mual neu khempeuh tungah leenggahzu a luang ding hi.

Amos 9:13 Referans Kwoze

Joel 3:18

Tua hun ciangin mual tung gam khempeuh leenggui lo hi ding a, mual neute khempeuh tungah bawng nawi luang ding a, Judah gam sung khempeuhah tui tampi om ding hi. Topa’ biakinn panin lui tui khat hong luang khia ding a, Shittim kuam khempeuh kawtsak ding hi.

Johan 4:35

Tu-a kipan kha li ciangin buh at a hun ding hi, ci thei hilo na hi uh hiam? Ke’n kong cih-inah, buh min zo a, a at hun ta hi ci-in khua dakin en un.

Isaiah 55:13

Ling tangin taksing hong po ding a, lingkung tangin mui kung hong po ding hi; tua pen Topa’ adingin phawk tawntungna, a kilakhia lo ding a tawntunga om lim khat hi ding hi,” a ci hi.

Siampi Laibu 26:5

Na cil uh ante lenggah lawh hun dong kimang ding a, leenggah minte in lo pawi hun dong kimang ding hi; note in na kham takun na an uh na ne ding uh a, lungnuam takin na gam sung uhah na teeng ding uh hi.

Ezekiel 36:35

Hih leitang pen gammang tulak a bang ngei hi napi-in tu-in Eden Huan a batna leh a kisusia, a kiluhgawp, a kinusiacip khuapite pen tu-in a muanhuai kulh tawh ki-umin a sungah mi a ten’na thu mi khempeuh in gen belin nei ding uh hi.

Joel 3:20

A kithat mite’ phu ka la ding a, a mawhte ka khahkhong kei ding hi. Judah gamah mi teeng tawntung ta ding a, Jerusalem ah a khang khangin mi om tawntung ding a, Zion Mual-ah Topa teeng ding hi.

Late 97:5

Topa’ mai, leitung mi khempeuh Topa’ mai-ah mualliante in khuainun bangin tui suak uh hi.

Thukhente 5:5

Topa mai-ah mualte kiliing hi, Israelte’ Pasian, Topa’ mai Sinai gal khatah.

Amos 9:5

Mihonpite’ Topa Pasian in, leitung lawngin leitung in tuisuak a, leitunga teeng mi khempeuh kap uh hi. Nail Gunpi bangin leitung buppi khang toin kiamsuk ding hi.

Piancilna 49:11

A sakolno leenggui-ah khihin, a lano leenggui hoih pen-ah khihin, amah in a puante leenggah zu sungah sawpin a puansilhte leenggah tuisan sungah sawp hi;

Isaiah 16:10

An tampi a pian’ ngeina lo lai-ah lungdamna leh nuamna om nawn lo hi; leenggui lote sungah lasakna om lo a, lungdam-a kikona om nawn lo hi; leenggah cilna ah kuamah in leengtui suk lo hi; leenggah lawh cianga kikona aw kidaisak ta hi.

Ezekiel 28:26

Tua gam sungah lungmuang takin teeng ding uh a, amaute in inn lamin, leengguite suan ding uh hi. Israel mite a simmawh minam dangte daan ka pia ding a, Israel mite ahih leh lungmuang takin om hithiat ding uh hi. Tua ciangin keimah in Topa amau’ Pasian ka hihna thu thei ding uh hi,” hong ci hi.

Joel 2:24

Na ancilna phual uh an tawh kidim ding a, na koihna uh um-le-beel khempeuh, leenggahzu leh sathau tawh kidim ding hi.