Amos 9:11 - Tedim Bible

¹¹ Tua ni ciangin inn tawh kibangin a siasa David innkuan, keimah in ka puahkik ding a, a vang teng hu-in, a sia teng ka puahkik ding a, nidanga a ngeina lui mah uh ka bangsak kik ding hi.

Tedim Bible Revision 2017

¹¹ Tua ciangin inn tawh kibangin a sia sa David ukna gam keimah in ka puahkik dinga, a vang teng hu-in, a sia teng ka puahkik dinga, a nidang a a ngeina lui mah uh ka bangsakkik ding hi.

Amos 9:11 Referans Kwoze

Isaiah 16:5

itna kip tawh kumpi tokhom khat kiphut ding a, thuman sep ding a manlang, thutang zongin, thu a khen mipa pen David’ buk sunga tua tokhom tungah thuman tawh tu ding hi.”

Late 80:12

Tua ahih ciangin, lampi-a pai khempeuh in ama gah a lawh theih nadingin, bang hangin nangmah in a daigawl suvang na hi hiam?

Isaiah 63:11

Tua ciangin amaute in hun lui lai, ama nasem Moses’ hun phawk uh hi. Ama tuuhonte a cing tuucingpa, tuipi sung pan a, a paikhiatpih Topa koi-ah om ta ahi hiam? Amaute’ tungah a Kha Siangtho a piapa,

Hosea 3:5

Tua khit ciangin Israel mite in Topa amau’ Pasian leh a kumpipa uh David lamah hong kihei kik ding uh hi. Tua hun ciangin amaute in Topa zahtakin, ama letsongte sang ding uh hi.

Ezekiel 36:11

A mihing a ganhing in kong pungsak ding a, a nidang sangin tam na phazaw ding uh hi. Ta tampi tak na nei ding uh hi. Ni dangin na om ngei bangun kong omsak kik ding a, a nidang sangin a cithei zaw-in kong bawl ding hi. Tua ciangin Topa ka hihna thu na thei ding uh hi.

Ezekiel 17:24

Tua ciangin singkung sangte phukin, singkung neute a liansakpa, singkung hingte keusakin, singkung keute a hingsak kik Topa ka hihna thu gam sunga om singkung khempeuh in thei ding uh hi. Topa ahi keimah in hih thu ka gen khin a, hih dingin ka gen bangin ka gamta ding hi,” hong ci hi.

Kah la 5:21

Topa aw kote hong kaikhawm kik in! hong kaikhawm kik in! A beisa sau veipi lai mah bangin hong thaksuaksak kik in.

Jeremiah 46:26

Amaute a that nuam Babilon kumpipa Nebukhadnezzar leh a uliante’ khut sungah amaute ka pia ding hi. Tua khit ciangin Topa in kong cih-inah, nidang lai bangin Izipt gamah mi a teeng kik ding hi.

Isaiah 5:5

Tu-in, ka leenggui lo tungah ka hih ding note tungah kong gen ding hi. A daai ka lakhia ding a, kinemang ding hi; a gawl ka susia ding a, kituancil ding hi.

JOB (Job) 1:10

Amah leh a innkuan leh a neihsate khempeuh na hutna-in a kimkotah dai khan hilo na hi hiam? Ama hihna khempeuh ah thupha na pia a, gen zawh lohin ama neihsa pung hi.

Micah 7:14

Topa aw, nangma tuu ahi na mite na ciangkhut tawh hong cing in. Gamnuam lei hoihna sungah amau guakin om uh hi. Taanglai huna mah bangin, Bashan leh Gileah gam nuamah tasak in.

Micah 5:2

Bethlehem Efrathah khua aw, nang in Judah gamah khuaneupen khat na hi a, ahi zongin nang’ sung panin Israel a uk ding khat ka piangsak ding hi. Ama gui in nidang lai, taangtawng pek tawh kizom hi.

Jeremiah 30:9

Topa, amau’ Pasian’ na ahi zongin, amaute’ kumpi-a ka koih ding David’ na ahi zongin a sem zaw ding uh hi.

Late 143:5

Hunluite ka phawk a, nangma sepsate khempeuh ka ngaihsunsun hi; na khut in a sepsa nate ka lungngaingai hi.

Late 89:40

Nangmah in ama kulhte khempeuh na sukham khin a, ama gal panmunkipte a sia na suah khin hi.

Gamlak-vakna 24:18

Israel hang takin a om sungin, Edomte kisuankhia ding hi, A galte ahi Sheir zong, kisuankhia ding hi.

Isaiah 58:12

Tang lai-a a kisia na munte uh na lamkik ding uh a, khang tampi sung a kisia bulpite na dingtosak kik ding uh hi; note pen, kulhsia a puahkik, teen’ nadingin mun siate a ngei a bangsak kikte hong kici ding hi.

Isaiah 65:9

Jakob sung panin Judah minamte thupha ka pia ding a, amau’ suan leh khakte in mualtung gam a luah ding uh hi. Keima na hong sem, keima teel mite, tua gamah teeng ding uh hi.

Jeremiah 18:9

Minam khat peuhpeuh ahi zongin, gam khat peuhpeuh ahi zongin lam ding leh phut dingin hun khat peuhpeuh lai-in ka gen khin zo ahi zongin,

Obadiah 1:17

Ahih hangin Zion mualah pawlkhat a suakta ding uh a, mun siangtho a suak ding hi. Jakob innkuante in amau gam mah a luah kik ding uh hi.

Micah 7:8

Ka galte aw, kei tungtang ah lungdam kei un. Ka puk hangin ka thokik ding hi. Khuamial sungah ka om hangin Topa in khuavak hong pia ding hi.

Micah 7:11

Jerusalem khuamite aw, na khuapi kulh uh a kician’ kik ding hun hong tung ding a, tua hun ciangin na gamgi uh nakpi takin kikhan’ ding hi.

Zekhariah 6:12

Ama kiangah, ‘Topa in hih bangin ci hi: “Hih mipa in sing bangin A Sel a kici mipa ahi hi. A omna peuhpeuh-ah amah cithei ding a, Topa’ biakinn lamkik ding hi.

Zekhariah 12:7

Tua ciangin Judah galkapte tungah gualzawhna ka pia masa ding a, David’ suan-le-khakte leh Jerusalem khuamite’ minthan’na in Judah mi dangte’ minthan’na sangin lianzaw tuan lo ding hi.

Zekhariah 14:10

Leilu lam Geba khua panin leitaw lam Rimmon khua dong, leitang khempeuh, zanglei suak ding hi. Ahi zongin Jerusalem khuapi pen bangmah ci loin a sangpi-in om ding a, Benjamin Kongpi pan-a kipan, ni danga kongpi a omnasa Kiu Kongpi dong, leh Hananel Tausang panin kumpipa’ leenggahcilna phual ciang dong ban ding hi.