Amos 9:1 - Tedim Bible

¹ Biaknatau gei-ah Topa a ding ka mu a, hih bangin thu a pia hi: “Biakinn lim khempeuh a kilin’ theih nadingin biakinn khuampi luzang satgawp in. Tuate satkham in la mite’ luzang tusak in. Tua lai panin a suakta kha teng, gal sungah ka sisak ding hi. A taikhia, a suakta, kuamah om lo ding hi.

Tedim Bible Revision 2017

¹ Biakna tau gei ah Topa a ding ka mu a, hih bangin thu hong pia hi: “Biakinn bulpi khempeuh a kilin theih nadingin biakinn khuampi luzang nakpi takin sat gawp in. Tuate satkham inla, miteʼ luzang tusak in. Tua lai panin a suakta teng gal sungah ka sisak ding hi. A tai khia, a suakta, kuamah om lo ding hi.

Amos 9:1 Referans Kwoze

Late 68:21

Ahih hangin Pasian in, mawhna tawh a gamtapa leh a galte’ lutangte sukham ding hi.

Mangmuhna 1:17

Tua mi ka muh ciangin kei in a khe kiangah mi si bangin ka puk hi. Tua lai takin amah in a khut taklam ka tungah nga-in, “Lau kei in Keimah in a masa bel leh a nunung bel mi ka hi hi.

Johan 1:18

Pasian kuamah in a mu ngei kei hi. Pa’ ang sungah a om Tapa khat bek in Pasian hong kilangsak hi.

Habakkuk 3:13

Na mihingte a honkhia dingin na paikhia a, na teel kumpipa, a honkhia dingin na kuankhia hi. Mi gilote a makaipa na sugawp a, a nungzui khempeuh tawh zong na sumai hi.

Amos 3:14

Amau’ khialhna hangin Israelte daan ka piak ni ciangin, Beth-el a, biakna taute zong ka susia ding a, biakna tau kite kitanin lei-ah kia ding hi.

Isaiah 6:1

Uzziah Kumpipa a sih kumin, a sang mahmah, a lian kumpi tokhom tungah Topa a tu ka mu hi; ama kumpi puanpi pen biakinn sung teng dim hi.

Johan 1:32

Tua lo adang Johan teci pan’na in, “Kha Siangtho vantung pan vakhu bangin hong kumsuka, tua pa tungah a tuang ka mu hi.

Zefaniah 2:14

Tuuhon leh bawnghonte, tua khua sungah lumin, ganhing namkim phualpi suak ding hi. Gunva leh gunvapite, bangtung zawl-ah tuang ding uh a, kongvangneu-ah keising khuang-in, sangkil tungah va-ak ham ding hi. Taamtaak sing tawh a kilam innte maimang ding hi.

Ezekiel 10:4

Kherubte’ tung panin Topa’ minthan’na hong pai khia-in biakinn kongah va om hi. Tua ciangin biakinn sungah meiipi hong kai a, biakinntual ah Topa’ minthan’na taang zeizai hi.

Ezekiel 9:2

Leilu lam biakinn kongpi pua lam panin thakhatin mihing guk hong pai a, hiam khat ciat hong tawi uh hi. Saihadial puan a silh, laigelh nading a tawi mi khat tawh zong hong paikhawm uh hi. A vekpi-un sumngo biaknatau gei-ah hong ding uh hi.

Ezekiel 1:28

Tua a taang khuavak in meii lakah sakhituihup kai-in a neih mel nam tuamtuam khempeuh nei kim hi. Topa’ vangliatna lim pen tu-a ka gen bang ahi hi; Hih bang ka muh ciangin lei lakah ka bok suk a, tua ciangin awging khat ka za hi.

Jeremiah 48:44

Lauhuaina pana a taisim mite dum sungah a kia ding hi. Dum sung pan a, a hong kah khia mite, thang ah a awk veve ding hi. Bang hang hiam cih leh Moab ka daantah ni-in hih nate ka tung sak ding hi, Topa in kong ci hi.

Isaiah 30:16

“Hi lo! Sakol tungah manlang takin i tai ding hi,” ci na hih uh ciangin note na taikhia ding uh a; “Sakol zaptel tungah i tuang ding hi,” ci na hih uh ciangin note hong delh mite zong zaptel ding hi.

2 KHANG TANGTHU NIHNATE 18:18

Tua ciangin Mikaiah in, “Tua ahih ciangin Topa’ thugen za in: Topa a kumpi tokhom tungah tu a, a taklam leh a veilam ah vantung mihon khempeuh a ding ka mu hi;

Sawltak 26:13

ni sangin a tangzaw, kei leh kei tawh hong paikhawmte kimkot ah hong taang, sun lai takin vantung pan khuavak khat ka mu hi, Kumpipa aw,

Mangmuhna 8:3

Kham kuang a tawi adang vantungmi khat in zong hong pai-in biakna tau kiangah ding a, tokhom mai-ah a om kham biakna tau tungah a om misiangthote khempeuh thungetna tungah sun’ sawn dingin paknamtui a pia hi.

Late 68:22

Topa in, “Note in sisan sungah na khe uh sil-in, na uite un, galte si a liak theih nadingin Bashan mual panin galte lakhia kikin, tuipi thuk sung panin ka kaikhia kik ding hi,” a ci hi.

Jeremiah 11:11

Tua ahih ciangin Topa in kong cih-inah, en un, a suahtak theih loh uh gimna amau’ tungah ka tungsak ding a, kei kiangah a hong kap liang uh zongin ka dawng nawn kei ding hi.

Jeremiah 42:16

na kihtaktak uh namsau in Izipt gamah note hong that veve ding a, na kihtaktak uh kialpi in zong Izipt gamah note hong nung delh veve-in tua lai munah na si veve ding uh hi.

Ezekiel 15:7

daan ka pia ding hi. Mei panin khat vei a suahtak khit hangin, tu-in mei in amaute kangtum ding hi. Amaute daan ka piak ciangin Topa ka hihna thu na thei ding hi.

Amos 7:17

Amaziah aw, tua bangin kampau na hih manin Topa in nang kiangah, “Na zi pen khua sungah numei paktat suak ding a, na tate, gal sungah si ding uh hi. Na gam kiphelkhamin midang tungah kipia ding a, lawkite gam sungah nang na si ding hi. Israel mite, gal matin kipai khiatpih ding hi,” ci hi,” a ci hi.

Zefaniah 1:12

Tua hun lai takin Jerusalem khua sung, meivak tawh ka zong ding a, thu phawk loin amau’ ngeina bang bangin om cip a, ‘Topa in a pha hita leh a sia hita leh, bangmah bawl ngei lo hi,’ a ci mite, daan ka pia ding hi.

Joshua 10:18

Tua ciangin Joshua in, “Suangtum lianpite leihawm gong lik nelh un la, a cing dingin a gei-ah mi koih un;

Amos 7:9

Isaak’ suan leh khakte’ biakna munte kinusia cipin, Israel mite’ siangtho munte kisusia ding a, Kumpi Jeroboam’ innkuante a do dingin gal ka kuansak ding hi,” hong ci hi.