Amos 8:5 - Tedim Bible

⁵ Note in na lungsim sung uhah, “I ante i zuak theih nadingin, zumkhak hun sung i ngak lah hi. I mangbuhte i zuak theih nadingin, cik ciangin sabbath ni bei ding hiam? I an tehna seu neu seekin, sum tampi i ngen nuam a, tawi khaina man lo zangin, a hong leite i khem nuam hi.

Tedim Bible Revision 2017

⁵ Note in na lungsim sung uh ah, “I ante i zuak theih nadingin zum khak hun bei ding i ngaklah hi. I mangbuhte i zuak theih nadingin cik ciangin Sabbath ni bei ding ahi hiam? I an tehna seu neuseekin sum tampi i ngen nuam a, tawikhaina man lo zangin a hong leite i khem nuam hi.

Amos 8:5 Referans Kwoze

Hosea 12:7

Sumbukte in tawi tehna man lo zang uh a, amaute in mi khem ding nuam a sa uh hi.

Siampi Laibu 19:36

Note in tawi khaina maan, tawisuang maan, seu maan, bung maan, na nei ding uh hi: keimah in Izipt gam panin a hong paikhiatpih Topa na Pasian uh ka hi hi.

Isaiah 1:13

Bangmah-a kimang lo piaknate hong paipih nawn kei un; paknamtui halna ka kih hi. Khadet ni, sabbath ni leh thupi tak-a na kikhopnate uh mawhna tawh kidim ahih manin ke’n ka thuak zo kei hi.

Paunak 20:23

Tawisuang nam nih a zangte, Topa in mudah a, amah in tawikhaina man lote hoihsa lo hi.

Paunak 16:11

A maan tawikhaina leh tawitehnate Topa’ aa hi a, tawisuang khempeuh ama bawlsa ahi hi.

Paunak 11:1

Topa in tawikhaina man lo a zangte mudah a, tawikhaina man a zangte tungah lungkim hi.

2 KUMPI NIHNATE 4:23

Tua ciangin amah in, “Bang hangin tu ni-in ama kiangah pai ding na hi hiam? Kha det ni ahi a, sabbath ni ahi zongin hilo hi,” a ci hi. Amah in, “Hong hoih na ding hi,” a ci hi.

Gamlak-vakna 10:10

Na lungdam hun uh, a kiseh na pawi hunte uh, leh kha kipat hunte-in, note in na meihal baiknate uh leh thunuam-a na biak piaknate uhah zong peengkulte na tum ding uh hi; tuate in na Pasian uh mai-ah phawkna-in kimang ding hi; keimah in Topa na Pasian uh ka hi hi,” a ci hi.

Isaiah 58:13

“Note in sabbath siangthosakin, keima ni siangtho ni-in na nasepna panun khawlin, sabbath ni pen deihhuai sa-in, Topa’ ni siangtho pen pahtawi-huai na cih uh a, note in pahtawi-in, note’ deihna bang zui loin, note’ ut bang hih loin mot pau loin na om uh leh,

Kolose 2:16

Tua ahih ciangin annek tuidawn ahi zongin, pawikham ni, kha det ni, Nipi ni tawh kipawl thute ahi zongin, note kuamah in kidongin thu kikhensak kei un.

Malakhi 1:13

Note in, ‘Hihte cimtak khin hang,’ ci-in nap nong nitsan lel uh hi. Keimah biak nadingin a kigu ganhing khatpeuh ahi a, a liam a bai, ahih kei leh a cina peuh nong paipih uh hi. Tua bangte, a sang dingin hong ngaihsun na hi uh hiam?

Paikhiatna 31:13

“Israel mite' tungah gen in, ‘Note in keima' sabbathte na tang ding uh hi, bang hang hiam cih leh hih in keimah, Topa in note a hong siangthosak ka hihna na theih nadingun na khang tawntungun keimah leh note' kikal-ah lim khat ahi hi.

1 SAMUEL MASA 20:5

David in Jonathan kiangah, “En in, zingciang in kha det ni hi a, kumpipa tawh sabuai-ah pel loin ka tut ding ahi hi; ahih hangin a ni thum ni nitak dongin lo sungah ka buk theih nadingin kei hong paisak in.

Zekhariah 5:6

Kei zong, “Bang ahi hiam?” ci-in ka dong hi. Amah in hong dawng a, “Tua in ciangpi hi a, gamsung khempeuh’ mawhna lim ahi hi,” hong ci hi.

Zekhariah 5:8

Tua ciangin vantungmi in, “Hih numei in gitlohna lim ahi hi,” hong ci hi. Tua ciangin vantungmi in ciangpi sungah tua numei hensuk kik a, a sin tawh tua ciangpi sinkik hi.

Hosea 12:8

Israel mite in, “Tu-in ka hau uh a, kote’ adingin neihsa tampi ka ngah uh hi,” ci uh hi. Ahi zongin a hauhna teng un a mawhna teng uh loh zo lo hi.