Amos 8:3 - Tedim Bible

³ Tua ni ciangin kumpi inn sunga lungdam lasakna awgingte, kahna awging suak ding hi. Mun khempeuhah mi siluang dim ding a, mun citengah kipaithangin gamdai ding hi,” Topa in ci hi.

Tedim Bible Revision 2017

³ Tua ni ciangin kumpi inn ah lungdam lasakna awgingte, kahna awging suak ding hi. Mun khempeuh ah misi dim dinga, mun citeng ah kipaithangin gamdai ding hi,” Topa in ci hi.

Amos 8:3 Referans Kwoze

Amos 5:23

La sa-in na gamlumnate uh khawl un; na lasakna uh a gingte ka za nuam kei hi.

Amos 5:16

Tua ahih ciangin Topa, mihonpite’ Pasian in hih bangin ci hi: Mihon omna lamkabom khempeuh ah, mite in nasa-in thuumin tau ding uh a, kongzing khempeuh ah kap ding uh hi. Khua neu-a mite a thuum dingin kisam ding a, a kah siam mite a kap dingin kicial ding hi.

Siampi Laibu 10:3

Tua ciangin Moses in Aaron’ kiangah, “Topa in ‘Ka kiang nai-a a omte kiangah keimah a siangthoin ka kilak ding a, mite khempeuh mai-ah keimah hong kiminthangsak ding hi,’ a ci hi,” ci-in a gen hi. Aaron pau loin om hi.

Nahum 3:3

sakol tung tuangte’ galsimna, namsau phe zalzal, teipi te zalzal! Siluang hawm sim zawh ding hi lo, kiciangin vum venvan. Tua tung mah tawnin gal kido!

Amos 8:10

Na lungdam pawite uh dahna ka suaksak ding a, na lasaknate uh kahna awging ka suaksak ding hi. Dahna limin puanhampi na silh ding uh a, na sam uh zong na mettol ding uh hi. A tapa khat neihsun a sihsuah nupa na bang ding uh hi. Tua hun in a tawp dongin nasia semsem ding hi.

Amos 4:10

Izipt gama kong tun’sak bangin, note lakah gimna kong tungsak hi. Gal sungah na tangval teng uh ka sisak a, na sakolte uh kong paihkhiat sak hi. Na giahphual sungte uh, a uihna na nakngeek uh kong zensak hi. Tua bang hi napi-in kei lamah nong kihei kei uh hi, Topa in ci hi.

Joel 1:13

Siampite aw, puanhampi silhin kap un la, biakna tau-a nasemte aw, thum un. Ka Pasian’ na a semte aw, biakinn sungah tum un la, zan thapai-in dahna lim puanhampi silh un. Note’ Pasian’ inn sungah piak ding, an leh leenggahzu om nawn lo hi.

Joel 1:11

Lo khote aw, dah un; leenggui ciingte aw, kap un; mangbuh leh mangbuhham, leh lo an khempeuh bei ta hi.

Joel 1:5

No zukhamte aw, tho un la kap un. No leenggahzu dawnte aw, thuumin tau un. Na zu dawn ding teng uh beimang ta hi.

Jeremiah 22:18

Tua ahih manin Judah kumpipa Josiah’ tapa Jehoiakim’ thu tawh kisai-in Topa in hih bangin kong ci hi: “Amaute in, ‘Sanggampa aw,’ ‘Sanggamnu aw,’ ci-a a sih ciang uh a, a kikah bangun amah a sih ciangin a kah kei ding uh a, ‘Topa aw,’ ‘Kumpipa aw,’ ci-in a kah kei ding uh hi.

Isaiah 37:36

Tua ciangin Topa’ vantungmi kuankhia-in Assiria mite’ giahphual ah mihing tulza leh tulsawmgiat leh tulnga that hi; zingsang ciangin mite a thawh ciangin hihte khempeuh mi si luang bekbek a na hi hi.

Late 39:9

Hih banga bawl nangmah na hih manin pau loin ka om a, ka kam ka ka kei hi.

Kah la 2:10

Jerusalem puteekte in pau loin leilakah tu uh a, dahna lim lahna in ippi puan silhin a lu zang uh leivui a buak uh hi. Jerusalem nungak note in a kun ngelhngalh uh hi.

Amos 6:4

Saiha kibawl lupna tungah a lum hithiat, tutphah nip tungah a kizia hiathiat, tuuno sa leh bawngno sa, duhduha a ne, note in gimna na thuak ding uh hi.

Amos 6:5

David bangin la phuah nuam na sa uh a, la saknate na tum nuam uh hi.

Amos 6:8

Topa Pasian thupi takin kiciam khin a, Topa, mihonte’ Pasian in hih bangin ci hi: Israelte’ kiphatsakna ka hua a, a munmuanhuaite uh ka mu nuam kei hi. Tua ahih manin a khuapi leh a sunga om teng, galte khut sungah ka pia ding hi.

Zefaniah 1:7

Topa Pasian’ mai-ah gamdai takin om un! Topa’ ni hong nai ta hi. Topa in biakna-a sa gawh bangin a mite a go dingin kithawi a, a gawh ding mite sian’suah khin hi.