Amos 8:14 - Tedim Bible

¹⁴ Samariah milim pasian Ashimah min tawh kiciam a, ‘Dan khuapi pasian a nungta ahih mah bangin,’ a ci mite leh ‘Beersheba khuapi pasian a nungta ahih mah bangin,’ a ci mite pukin thokik nawn lo ding uh hi,” ci hi.

Tedim Bible Revision 2017

¹⁴ Samaria milim pasian Ashimah min tawh kiciam a, ‘Dan khuapi pasian a nungta ahih mah bangin,’ le ‘Beer-sheba khuapi pasian a nungta ahih mah bangin,’ a ci mite pukin thokik nawn lo ding uh hi,” a ci hi.

Amos 8:14 Referans Kwoze

Amos 5:5

A bia dingin Be-ersheba-ah pai kei un. Beth-el-ah hong zong kei un, a mawkna suak ding hi. Gilgal-ah zong lut kei un, Gilgal mite, sal a suak ding uh hi lel hi.

Thu-hilhkikna 9:21

Tua ciangin note’ khialhna na, na bawlsa uh bawngno, mei tawh halin sukhamin, leivui bangin a neel dongin ka gawizan hi; tua ciangin mualtung pan-a hong luangsuk lui sungah a vuite ka lawn hi.

Sawltak 9:2

hih Lampi a zui numeite ahi zongin, pasalte ahi zongin a muh ciangin, khau tawh a khih khit ciangin Jerusalem khua-ah paipih dingin Damaskas khua kikhopna inn ukte kiangah vaikhakna lai piak nading siampi ukpa kiangah a ngen hi.

Sawltak 24:14

Ahih hangin amaute in biakna pawl tuam a cih uh Lampi thu bangin ka pute ka pate’ Pasian ka bia hi ci-in kong pulak hi. Thukham lai leh Pasian’ kamsangte’ Lai Siangtho sungah a kigelh khempeuhte ka um hi.

Sawltak 19:23

Tua lai takin Lampi thu hangin thusia a piang hi.

Sawltak 19:9

Mi kimkhat in lungkhauh a, um loin a om uh a, Lampi thu mite mai-ah a kosia uh ahih ciangin Paul in amaute kiang pan paikhia a, nungzuite atuamin a khen khit ciangin Tirannas laihilhna sanginn ah ni simin thu a kikum uh hi.

Sawltak 18:25

Tua pa in Lai Siangtho siam a, Topa’ Lampi thu sintel-in, lungsim lawpna tawh Zeisu thu a tel takpi a hilh hangin, Johan baptaizna thu bek a thei hi.

Zefaniah 1:5

Innkhumzang ah kahto-in, ni, kha leh aksi a bia mi khempeuh ka susia ding a, keimah hong bia-in, keima tungah thuman ding gen napi-in, Milkom pasian’ min tawh a kiciam teiteite zong, ka susia ding hi.

Amos 5:2

Israel puk khin a, thokik ngei nawn lo ding hi. Lei lakah lum dildel a, a phongto ding kuamah om lo hi.

Hosea 13:16

Israelte in a Pasian uh lehdo ahih manin a mawhna uh thuak ding uh hi. Gal sungah amaute si ding uh a, a naungeekte uh lei kiden’ nading a, a nupi naupaaite uh kikuikham ding hi, ci hi.

Hosea 13:2

Tua hi napi-in amaute khial thuah semsem uh a, a biak ding uh milim bawl uh hi. Amau’ ngunte milimin bawl uh a, a hoih takin khutsiamte bawlsak uh hi. Tua ciangin, “Hihte tungah biakna pia un,” ci uh hi. Mihing in milim bia-in nam tazen uh hi.

Hosea 10:5

Beth-aven khua a bawngno milim a taanna hangun Samaria khuapi sunga a teeng mite lau-in liing ding uh a, amaute leh tua milim na a sem siampite thuum ding uh hi. A etlawmna teng a maiman’ ciangin tau ding uh hi.

Hosea 4:15

No Israel mite, kei tungah citak loin nong taisan hangun, note bangin Judah mite khial kei ta hen. Gilgal-ah ahi a, Beth-aven-ah ahi zongin pai kei un la, tua lai munah Topa’ min tawh na kiciam kei un.

Jeremiah 51:64

‘Babilon khuapi’ gitlohna hangin a tungah gimna ka tung sak ding a, tu-a bangin Babilon khuapi zong tum sukin a hong dawkto kik nawn kei ding hi,’ ci-in gen in” a ci hi. Jeremiah’ thugenna tu-a ciang ahi hi.

Jeremiah 25:27

Tua ciangin Topa in hong hopih a, “Amaute kiangah, ‘A vanglian Topa, Israel mite’ Pasian in hih bangin ci hi: Dawn un. Kham un la, lua un. Note’ kiangah namsau hong pai sak ding ka hih manin tuk un la, tho zo nawn kei un,’ va ci in.

Paunak 29:1

Kihilhhilh napi-a a mang nuam lote, bawl phatkik zawh nawn loh dongin kisia ding hi.

Late 140:10

Amaute tungah mei-am kuang zusak in! A thokik zo nawn lo dingin dum sungah amaute kia suk sak in!

Late 36:12

Hia lai-ah siatna bawlte cimawh-in kun uh a, amaute kisuncip sukin, tho zo lo uh hi.

2 KHANG TANGTHU NIHNATE 36:16

ahih hangin a mite tungah Topa’ hehna a suah ciang dong, a hehna a kidamsak zawh nawn loh ciang dongin amaute in Pasian’ kamtaite zahpihin, a thute simmawhin, a kamsangte thusim lo niloh uh hi.

2 KUMPI NIHNATE 10:29

Ahih hangin Beth-el leh Dan ah a omkhawm bawngnote ahi, Israelte a khialhsakna, Nebat’ tapa Jeroboam’ khialhnate panin Jehu kiheikhia lo hi.

1 KUMPI MASATE 16:24

Amah in Shemer’ tung panin ngun talen nih-in Samaria mual lei hi; amah in kulh tawh a mual um a, tua mual a neipa Shemer’ min tamin a lamsa khuapi min Samaria phuak hi.

1 KUMPI MASATE 14:16

Tua ciangin ama khialhna leh Israelte a khialhsakna ahi Jeroboam’ khialhna hangin amah in Israel nusia ding hi,” a ci hi.

1 KUMPI MASATE 12:32

Tua ciangin Jeroboam in Judah a, om pawi tawh a kibangin a kha giatna a ni sawm-le-nga ni-in pawi khat bawl a, biakna tau tungah biaknate pia hi; tua mah bangin amah in Beth-el ah bawlin ama bawlsa bawngnote tungah biakna pia hi. Tua ciangin amah in ama bawlsa mual tunga biakna siampite Beth-el ah koih hi.

Thu-hilhkikna 33:11

Topa aw, ama’ nate tungah thupha pia in la, a khut tawh a nasepnate saang in; a galte’ kawng su-tan in la, a din’ kik nawn loh nadingun amah a mudahte sugawp in,” a ci hi.

Isaiah 24:20

Leitung pumpi zukham bangin hoi ding a, huihpi in a mut buk bangin awn ding hi. Ama mawhnate in nengcip gawp ding a, amah pukin thokik zo nawn ngei lo ding hi.

Micah 1:5

Pasian tungah Israelte’ mawhna leh khialhna hangin hih thute khempeuh piang hi. Israelte’ khialhna kua ngawh ding i hi hiam? Samaria mite ngawh ding ahi hiam? Judah gam sungah milim bia-a khial kua ahi hiam? Jerusalem mite ahi hi.

Paunak 24:16

Mihoihte, sagih vei dong a puk hangin thokik kik thei a, migilote ahih leh tuahsiatna tuakin kithallot hi.

Amos 5:1

Israel mite aw, kap kawm-a kong thugenna, lim takin na ngai un: