Amos 8:13 - Tedim Bible

¹³ Tua ni ciangin nungakte leh tangvalte, dangtakin puk ding uh hi.

Tedim Bible Revision 2017

¹³ Tua ni ciangin nungakte le tangvalte dangtakin puk ding uh hi.

Amos 8:13 Referans Kwoze

Hosea 2:3

A gamtat hoih lohna khawl kei leh, a nu sung pan a suah lai-in a guaktangin a om mah bangin, a puan teng hawk khiatsakin a guaktangin ka om sak ding a, a keu, bangmah a po zawh lohna gamlak bangin ka bawl ding a, dangtakin a si ding hi.

Kah la 2:21

Khangno leh khanghamte kongzing tengah si uh hi. Galte in nungak tangval teng namsau tawh a thatlum uh hi. Amaute hehpih loin na heh ni-in na thatlum sak hi.

Kah la 1:18

Topa in a thutang ahi hi. Bang hang hiam cih leh keimah in ama thu a mang lo ka hi hi. Mun khempeuh-a a om mite aw ka thu genna hong ngai un. Ka thuaknate hong mu dih un. Ka khangno numei pasalte sal-in a kipua khia hi.

Zekhariah 9:17

Tua thu bangzah takin hoihin nuam ding ahi hiam! Anlim nekna in tangvalte thahatsak ding a, leenggahtui thak dawnna in nungakte thadimsak ding hi.

Kah la 2:10

Jerusalem puteekte in pau loin leilakah tu uh a, dahna lim lahna in ippi puan silhin a lu zang uh leivui a buak uh hi. Jerusalem nungak note in a kun ngelhngalh uh hi.

Jeremiah 48:18

“Dibon khua-a teeng mite aw, na minthan’na mun sang panin hong kumsuk un la, leivui lakah hong tu un! Bang hang hiam cih leh Moab gam hong sim dingte hong pai-a na kulhte uh hong suksiatsak zo uh hi.

Isaiah 40:30

Khangnote nangawn gim-in kituk ding a, khanglai mite a tha uh bei ding hi;

Late 63:1

Pasian aw, nangmah in keima Pasian na hi hi, nangmah kong zong hi, ka lungsim khempeuh tawh nang kong deih hi; tui om lohna gamkeu bangin ka pumpi in nang hong deih hi.

Thu-hilhkikna 32:25

Namsau in amaute gamlakah susia in, inn sungah launa lianpi om ding a, tangval leh nungak, naungek nawi nete sam kangsate tawh susia khawm ding hi.

Isaiah 9:17

Tua ahih ciangin amau’ tangvalte tungah Topa lungdam lo a, pa nei lote leh a meigong numeite uh tungah hehpihna nei lo hi; bang hang hiam cih leh mi khempeuh in Pasian’ thu khual loin siatna a bawl vive hi a, kam khempeuh in haina thu gen uh hi. Hih thute khempeuh hangin ama hehna dam zo nai lo a, ama khut kilamto lai hi.

Hosea 2:5

A nu uh a paktat hi a, tua ahih manin amaute, tua a paai numei in zumna mel thei loin a gamta ahi hi. Amah in, “Ka it pasal dangte kiangah ka pai ding hi; amaute in an leh tui, samul puan leh saihadial puan, leh oliv thau leh zu hong pia uh hi,” a ci zaw lai hi.