Amos 8:12 - Tedim Bible

¹² Mihingte, leilu pan leitaw dong, nisuahna pan nitumna dong, Topa’ thu kanin vak kawikawi ding uh a, ahi zongin mu zo lo ding uh hi.

Tedim Bible Revision 2017

¹² Mihingte, leilu pan leitaw dong, Topaʼ thu kanin vak kawikawi ding uh a, ahi zongin mu zo lo ding uh hi.

Amos 8:12 Referans Kwoze

Mattiu 12:30

Kei tawh kipawl lote in, ka lang khatah a om hi. Keimah tawh a khawmkhawm lote in a kithehthang sak hi.

Daniel 12:4

Tu-in Daniel aw, beina hun a tun’ mateng laibu khakcip in la, a tungah ciamtehna koih in. A kal lakah mi tampite’ pilna khangin, bang thu piang hiam cih thei tel nuamin kileh kawikawi ding uh hi,” hong ci hi.

Paunak 14:6

Mi a simmawh theite in pilna a zon’zon hangin ngah zo lo a, thu ngaihsun theite in olno takin ngah thei uh hi.

Ezekiel 20:31

Tu ni ciang dongin note in a kipia ngei letsongte mah puakin tua milimte mah biakna-in na tate uh na hal uh ciangin no leh no a kininsak tawm na hi uh hi. Tua bangin na gamtat khit uh ciangin no Israel mite in kei kiangah thu a dong dingin nong pai lai uh hi. Keimah in a nungta Topa Pasian ka hih mah bangin, note’ thudotin ka om het kei taktak ding hi.

Ezekiel 20:3

“Ezekiel aw, Topa Pasian ahi keimah in amaute tungah ka gen, ‘Kei tungah thu a dong dingin hong pai na hi uh hiam? Keimah in a nungta Topa Pasian ka hih mah bangin note’ thudotin ka om het kei ding hi, ci-in gen in,’ hong ci hi.

1 SAMUEL MASA 3:1

Tu-in Eli’ khut nuai ah naupang Samuel in Topa’ na sem hi. Tua hun lai-in Topa’ kammal manpha mahmah hi; mangmuh muhna om lo hi.

Paunak 29:18

Pasian’ lamlahna a kizuih lohna gam-ah, gamsung mite phengtat uh a, Pasian’ thukham a zui mite a lungdam hi.

Paunak 1:28

Tua bang hun ciangin kei nong sam ding uh a, ahi zongin kong dawng kei ding hi. Lim takin kei nong zong ding uh a, ahi zongin koi mah-ah nong mu kei ding uh hi.

Hosea 5:6

A tuute uh leh a bawngte uh tawh Topa tungah biakna pia dingin paipih ding uh a, ahi zongin a mawkna suak ding hi. Topa in amaute nusia khin ahih amanin amah mu zo lo ding uh hi.