Amos 8:11 - Tedim Bible

¹¹ Keimah in leitungah kial kong tun’sak hun hong tung ding hi. Tua kialpi in an leh tui duhna kial hi lo ding a, Topa’ thu zak nop mahmahna kial hi ding hi. Topa Pasian ahi keimah in hih thu kong gen khin hi.

Tedim Bible Revision 2017

¹¹ “Keimah in leitungah kialpi kong tunsak hun hong tung ding hi. Tua kialpi pen anletui duhna kialpi hi lo dinga, Topaʼ thu zaknop mahmahna kialpi hi ding hi. Topa Pasian ahi keimah in hih thu kong gen khin hi.

Amos 8:11 Referans Kwoze

Late 74:9

Kote in ka mailam thu ding uh ka thei kei uh hi; kamsang khat zong om nawn lo a, bang tanvei hi ding ci-a a thei kuamah ka om kei uh hi.

1 SAMUEL MASA 3:1

Tu-in Eli’ khut nuai ah naupang Samuel in Topa’ na sem hi. Tua hun lai-in Topa’ kammal manpha mahmah hi; mangmuh muhna om lo hi.

2 KHANG TANGTHU NIHNATE 15:3

Hun saupi sung Israel in Pasian man tawh om lo, thu a hilh siampi tawh om lo, thukham tawh om lo hi;

1 SAMUEL MASA 28:6

Saul in Topa thu a dot ciangin, Topa in mang tawh hita leh, Urim tawh hita leh, kamsangte tawh hita leh dawng lo hi.

Ezekiel 7:26

Lungkhamna khat khit khat a ban banin na tuak ding uh a, thusia bekbek na za za ding uh hi. Kamsangte kiangah thu na dong ding uh hi. Siampite in mite tungah hong hilh ding thu thei lo ding uh a, upate in hong gen ding mel thei lo ding uh hi.

Mattiu 9:36

Amah in mihonpite a muh ciangin hehpihhuai a sa hi. Bang hang hiam i cih leh, tua mite in a cing om lo, kikhenthang a, a gim tuute bangin a om uh hi.

Micah 3:6

“Ka mite lam khialsak na hih manun, mailam thugen theihna maang na mu nawn kei ding uh a, bangmah na genkhol thei nawn kei ding uh hi. Kamsangte aw, note’ hun bei ta ding a, ni in hong tumsan ta ding hi,” ci hi.

1 SAMUEL MASA 28:15

Tua ciangin Samuel in Saul kiangah, “Bang hangin keimah sap tohna tawh hong nawngkaisak na hi hiam?” a ci hi. Saul in dawngin, “Nakpi takin ka lungkham hi; bang hang hiam cih leh Filistiate in kei hong do a, kei kiang panin Pasian kihei khia-in kamsangte tawh ahi a, mang tawh ahi zongin hong dawng nawn lo hi; tua ahih ciangin ka gamtat ding hong gen dingin nang kong sam hi,” a ci hi.

Isaiah 5:6

Lo khul-in ka bawl ding hi; kipuah loin, kikho lo ding a, lingkung leh lingte khang ding hi; ama tungah meiite in zong guah a zuksak loh nadingin thu ka pia ding hi.

Paunak 29:18

Pasian’ lamlahna a kizuih lohna gam-ah, gamsung mite phengtat uh a, Pasian’ thukham a zui mite a lungdam hi.

Hosea 2:3

A gamtat hoih lohna khawl kei leh, a nu sung pan a suah lai-in a guaktangin a om mah bangin, a puan teng hawk khiatsakin a guaktangin ka om sak ding a, a keu, bangmah a po zawh lohna gamlak bangin ka bawl ding a, dangtakin a si ding hi.