Amos 7:8 - Tedim Bible

⁸ Tua ciangin Topa in kei kiangah, “Amos aw, bang na mu hiam?” hong ci hi. Kei zong dawngin, “Khaukhai khat mu ing,” ka ci hi. Tua ciangin Topa in, “En in, ka mi Israelte a khialhna uh a kitheih nadingin, hih khaukhai tawh ka en hi. Amaute daan ka piak ding ka khiamkik nawn kei ding hi.

Tedim Bible Revision 2017

⁸ Tua ciangin Topa in kei kiangah, “Amos aw, bang na mu hiam?” hong ci hi. Kei zong dawngin, “Khaukhai khat mu ing,” ka ci hi. Tua ciangin Topa in, “En in, ka mi Israel-te a khialhna uh a kitheih nadingin hih khaukhai tawh ka en hi. Amaute gim ka piak ding ka khiakik nawn kei ding hi.

Amos 7:8 Referans Kwoze

Amos 8:2

Topa in, “Amos aw, bang na mu hiam?” hong ci a, “Seeng sunga kikoih singgah min ka mu hi,” ci-in ken zong ka dawng hi. Tua ciangin Topa in, “Ka mi Israelte adingin a bei hun uh tung ta hi. Amaute daan ka piak ding ka khawl nawn peuhmah kei ding hi.

Kah la 2:8

Topa in Jerusalem kulhpi a kipuk ding a ngaihsun khin zo hi. Amah in a vekpi in a kisia khin dingin a sehzo hi. Tausangte leh kulhpite tu-in a kisia khin pikpek ta hi.

Jeremiah 15:6

Nangmah in kei nong taisan zo hi, Topa in kong ci hi, kei nong nungngat niloh hi; tua ahih manin ka khut kong zan-a kong susia hi—ka hehna ka ki-ipip zo nawn kei hi.

Micah 7:18

Topa aw, nang tawh a kibang Pasian dang om lo a, a om lai na gamluah mite’ mawhna na maisak hi. Nang na heh paisuak kei a, na itna kip nong lak hi.

Isaiah 28:17

Keimah in thutan’na pen khau khai bangin ka bawl ding a, thuman’na pen khaukhai sikbawk bangin ka bawl ding hi; gial in na zuau buk uh dengkhia ding a, tui in na bukna mun uh susia ding hi,” ci hi.

2 KUMPI NIHNATE 21:13

Keimah in Jerusalem tungah Samaria a kitehna khau leh Ahab’ innkuan khaukhai sikbawk ka khai ding hi; tua ciangin mi khat in pakan a nul bangin keimah in Jerusalem nulin ka lumlet ding hi.

Zekhariah 5:2

Vantungmi in, “Bang mu na hi hiam?” ci-in hong dong a, kei zong, “Laizial a leeng khat ka mu a, a dung pi sawmthum pha-in, a vai pi sawm leh pi nga pha hi,” ci-in ka dawng hi.

Isaiah 34:11

Ahih hangin gamlak simbu leh leh a ham zalzal simbu in, gamsung teng luah ding uh a, simbupi leh muu om ding uh hi. Pasian in Edom gam tungah buaina a khaukhai khai sukin kisiatna khaukhai sikbawk khia ding hi.

Amos 7:7

Topa in hih bangin hong musak hi. Khaukhai zang-a a kiciang kulh gei khatah, Topa a ding ka mu a, a khut sungah khaukhai khat tawi hi.

Zekhariah 4:10

A ma uh a telh loh manin ka mite lungkia uh a, ahi zongin Zerubbabel in biakinn lam nasep a makaihna a muh uh ciangin a lung uh damkik ding hi,” hong ci hi. Vantungmi in, “Meivak sagihte in, leitung khempeuh a etna Topa’ mittang sagih ahi hi,” hong ci hi.

Hosea 1:6

Tua ciangin Gomer gai kikin tanu khat nei hi. Topa in zong Hosea kiangah, “Na tanu’ min dingin hehpih loh, a cih nopna Lo-ruhamah phuak in; bang hang hiam cih leh Israel mite ka hehpih nawn kei ding a, a mawhna uh ka maisak kei ding hi.

Zekhariah 4:2

Amah in, “Bang na mu hiam?” ci-in hong dong hi. Kei zong, “Kham tawh a kibawl meivakkhuam khat ka mu hi. Tua meivakkhuam in meivak sagih nei a, meivak tui koih nading hai khat zong a khuam dawnah om hi. Tua meivak sagihte in meivakkhau nei ciat uh hi.