Amos 7:7 - Tedim Bible

⁷ Topa in hih bangin hong musak hi. Khaukhai zang-a a kiciang kulh gei khatah, Topa a ding ka mu a, a khut sungah khaukhai khat tawi hi.

Tedim Bible Revision 2017

⁷ Tua ciangin Topa in hih bangin hong musak hi: Khaukhai zangin a kiciang kulh gei khat ah, Topa a ding ka mu a, a khut sungah khaukhai khat a tawi hi.

Amos 7:7 Referans Kwoze

2 KUMPI NIHNATE 21:13

Keimah in Jerusalem tungah Samaria a kitehna khau leh Ahab’ innkuan khaukhai sikbawk ka khai ding hi; tua ciangin mi khat in pakan a nul bangin keimah in Jerusalem nulin ka lumlet ding hi.

Mangmuhna 21:15

Kei tawh kiho mi in khuapi tawh, khuapi kong vangte, kulhte teh nadingin kham pumpeeng khat a tawi hi.

Mangmuhna 11:1

Tua nung ciangin ciangkhut tawh kibang pumpeeng khat kei hong piak khit ciangin, “Tho in la, Pasian’ biakinnpi ahi zongin, biakna tau ahi zongin, biakinnpi sungah a bia mite ahi zongin teh in.

Ezekiel 40:3

Amah in tua khuapi nai-ah hong paipih a, sumngo bangin a tee mi khat ka mu hi. Tua mipa in pikhau khat leh piciang khat tawi a, kongpi gei-ah ding hi.

Kah la 2:8

Topa in Jerusalem kulhpi a kipuk ding a ngaihsun khin zo hi. Amah in a vekpi in a kisia khin dingin a sehzo hi. Tausangte leh kulhpite tu-in a kisia khin pikpek ta hi.

Isaiah 34:11

Ahih hangin gamlak simbu leh leh a ham zalzal simbu in, gamsung teng luah ding uh a, simbupi leh muu om ding uh hi. Pasian in Edom gam tungah buaina a khaukhai khai sukin kisiatna khaukhai sikbawk khia ding hi.

Isaiah 28:17

Keimah in thutan’na pen khau khai bangin ka bawl ding a, thuman’na pen khaukhai sikbawk bangin ka bawl ding hi; gial in na zuau buk uh dengkhia ding a, tui in na bukna mun uh susia ding hi,” ci hi.

2 SAMUEL NIHNA 8:2

Tua ciangin amah in Moab mite zo a, amaute khauzang khat tawh tehin, lei lakah amaute lumsak hi; amah in thah dingin gual nih leh khah dingin gual khat dim teh hi. Tua ciangin Moab mite in David’ nasemte suakin siah puak uh hi.

Piancilna 28:13

En in, tua tung san-ah Topa ding a, “Keimah in na pa Abraham’ Pasian leh Isaak’ Pasian, Topa ka hi hi; nang leh na suan-le-khakte' tungah tu-a na lupna leitang kong pia ding hi;

Amos 7:6

Tua ciangin Topa in zong a lungsim hong kheel kik a, “Na muh bangin hih zong hong piang nawn lo ding hi,” Topa Pasian in hong ci hi.

Amos 7:8

Tua ciangin Topa in kei kiangah, “Amos aw, bang na mu hiam?” hong ci hi. Kei zong dawngin, “Khaukhai khat mu ing,” ka ci hi. Tua ciangin Topa in, “En in, ka mi Israelte a khialhna uh a kitheih nadingin, hih khaukhai tawh ka en hi. Amaute daan ka piak ding ka khiamkik nawn kei ding hi.

Zekhariah 4:10

A ma uh a telh loh manin ka mite lungkia uh a, ahi zongin Zerubbabel in biakinn lam nasep a makaihna a muh uh ciangin a lung uh damkik ding hi,” hong ci hi. Vantungmi in, “Meivak sagihte in, leitung khempeuh a etna Topa’ mittang sagih ahi hi,” hong ci hi.