Amos 7:5 - Tedim Bible

⁵ Tua ciangin Topa Pasian kiangah ka thuum a, “Topa aw, khawl dih in. Na mite, minam tawm hi-in zawngkhal mahmah uh ahih manin, amaute in bangci thuak zawh peuhmah ding uh ahi hiam?” ka ci hi.

Tedim Bible Revision 2017

⁵ Tua ciangin Topa Pasian kiangah ka thum a, “Topa aw, khawl dih in. Na mite, minam tawm hi a, zawngkhal mahmah uh ahih manin bangci-in thuak zo ding uh ahi hiam?” ka ci hi.

Amos 7:5 Referans Kwoze

Late 85:4

Kote’ kihotkhiatna Pasian aw, kote ka ngei uh hong bangsak kik in la, kote tunga na lungkim lohna beisak ta in!

Joel 2:17

Topa’ na a sem siampite, biakinn sung innlim leh biakna tau kikal-ah, kapin thu ngen uh hen la, “Topa aw, na mite hong hehpih in. Minam dangte in, ‘Na Pasian uh koi-ah om hiam?’ ci-in kote hong simmawhsak kei in la, amaute’ nuihsatin hong omsak kei in,” ci uh hen.

Jeremiah 30:19

Tuate sung panin lungdamna la kisa ding a, gualnopna aw kiza ding hi. Amaute ka pungsak ding a, tawmkha bek a hi kei ding uh hi. Amaute ka kipahtawi sak ding a, ka neusak kei ding hi.

Isaiah 10:25

Bang hang hiam cih leh a sawt loin note tungah ka thangpaihna bei ding a, ka hehna amaute’ tung tuin, amaute sia ding uh hi.

Isaiah 1:9

Vanglianpen Topa in eite tawmno khat a nungta-in hong siit hi kei leh, eite pen Sodom khua bang khinin, Gomorrah khua bang i suak khin ta ding hi.

Zekhariah 4:10

A ma uh a telh loh manin ka mite lungkia uh a, ahi zongin Zerubbabel in biakinn lam nasep a makaihna a muh uh ciangin a lung uh damkik ding hi,” hong ci hi. Vantungmi in, “Meivak sagihte in, leitung khempeuh a etna Topa’ mittang sagih ahi hi,” hong ci hi.

Gamlak-vakna 14:19

A lian nangma itna kip tawh a kizui leh Izipt panin tu hun dong hih mite na maisakna tawh kizui-in hih mite’ mawhna maisak in, kong thuum hi,” a ci hi.

Ezekiel 9:8

Tua bangin mi a kithah lai takin keimah guak ka om hi. Kei zong lei-ah bokin, “Topa Pasian aw, Jerusalem tungah na hehna hangin Israel mi a omlai sun khempeuh that mang khin ding na hi hiam?” ci-in ka kiko hi.