Amos 7:4 - Tedim Bible

⁴ Tua ciangin Topa Pasian in hih bangin hong musak leuleu hi: Amah in meikuang tawh a mite daan pia dingin hong kithawi a, tuipite keutum sak a, leitung zong haltum dingin hong kipan hi.

Tedim Bible Revision 2017

⁴ Tua ciangin Topa Pasian in hih bangin hong musak leuleu hi: Meikuang tawh a mite gim a pia dingin amah hong kithawi a, tuipite keu tumsakin leitung zong a hal tum dingin a hong kipan hi.

Amos 7:4 Referans Kwoze

Amos 7:1

Topa Pasian in hih bangin hong mu sak hi: Kumpipa’ gan an ding lopa a ki-at khit phet, sel kik dingin a kisak lai takin, Topa in kauphe honpi piangsak hi.

Mangmuhna 4:1

Tua thute khit ciangin ka et leh, vantungah kong vang khat kihongin a om ka mu hi. “Hong kahto in. A nung ciangin a piang ding nate ka hong lak ding hi,” ci-in a masa-a, kei kiangah hong gen peengkhul aw banga nakpi-a kiko aw ka zak ciangin,

Hebru 1:7

Lam khat panin: “Ama vantungmite in huih nung bang ahi zongin, A nasemte meikuang bang ahi zongin a piangsak hi,” ci-in vantungmite ngaihsunin a gen hi.

Nahum 1:6

Ama hehna kua in nang zo ding a, a lunghamna kua in thuak zo ding ahi hiam? A hehna meikuang bangin hong khahkhia a, ama mai-ah suangtumpi kitamzan hi.

Micah 1:4

Meikhuk sunga khuainun kikoih bangin, ama khe nuai-ah mual liante tuisuak ding a, mual tung panin tui a luan’sak bangin, guam sungah tua mualte luang suk ding hi.

Amos 7:7

Topa in hih bangin hong musak hi. Khaukhai zang-a a kiciang kulh gei khatah, Topa a ding ka mu a, a khut sungah khaukhai khat tawi hi.

Amos 5:6

Topa zong un, tua hi leh na nungta ding uh hi. Amah na zon’ kei uh leh, Josef mite tungah amah mei bangin hong kuang ding a, tua mei in Bethel-a om mite kang tumin, tua mei a phelh ding kuamah om lo ding hi.

Amos 4:11

Sodom leh Gomorrah khuapite ka suksiat bangin, note pawl khat kong susia hi. Meikhuk panin a kitenkhia, singkhuah khat tawh na kibang uh hi. Tua bang hi napi-in kei lamah nong kihei kei uh hi, Topa in ci hi.

Amos 1:7

Tua ahih ciangin Gaza khuapi kulh ka kangsak ding a, a mun muanhuai teng kangtum mang ding hi.

Amos 1:4

Tua ahih manin Hazael innkuante mei tawh ka hal ding a, a meikuang in kumpi Benhadad’ munmuanhuaite kangtum ding hi.

Joel 2:30

“Tua ciangin vantung leh leitungah hilhkholhna lim ahi, sisan kiluan’ sakna, meikatna, leh meikhu lompi hong om ding hi.

Jeremiah 21:12

David’ suante aw! Topa in a cih-inah: Zingsang simin man takin thu khen un la, mi bawlsiapa’ khut sung pan a bawlsiatpa hon khia un. Tua bang na hih kei uh leh na siatna bawlnate hangun ka hehna mei bangin a kuang ding a, kuamah in a phelh zo kei ding hi.

Jeremiah 4:4

Judah mite leh Jerusalem khua mite aw, Topa’ tungah vun at un la, na lungtang uh vun at un. Na tua cih kei leh na bawl uh mawhnate hangin, ka hehna mei bangin hong kuangkhia ding a, a phelh zo kuamah om lo ding hi,” a ci hi.

Isaiah 27:4

Leenggui lo tungah ka heh nawn kei hi. Lingte leh lingkungte om hi leh keimah kuan khia-in tuate ka haltum ding hi.

Thu-hilhkikna 32:22

Bang hang hiam cih leh ka hehna in mei tawh kuang a, Leinuai thukna mun dong kuang hi, leitung leh a tunga piangte kangtum a, mualte’ bulpite’ kuangsak hi.

Gamlak-vakna 16:35

Topa kiang panin mei hong paikhia a, paknamtui a pia mi zanih leh sawmngate kangtum hi.

Siampi Laibu 10:2

Topa’ omna mun panin mei hong pai khia-in amaute kang a, Topa mai-ah a si uh hi.

Joel 1:19

Topa aw, nangma tungah kong kiko hi, Bang hang hiam cih leh mei in a kattum tawh kibangin, lonona leitang khempeuh leh singkung khempeuh keu mang khin hi.

Amos 2:5

Tua ahih ciangin Judah gamsung ka kangsak ding a, Jerusalem munmuanhuai teng kangtum ding hi.

Ezekiel 21:3

Israel gam mite tungah Topa ahi keima thugen, hih bangin gen in: ‘Note ka hong langpan’ hi. Ka namsau dokin, note a sia a pha a kibangin kong that mang khin ding hi.