Amos 7:17 - Tedim Bible

¹⁷ Amaziah aw, tua bangin kampau na hih manin Topa in nang kiangah, “Na zi pen khua sungah numei paktat suak ding a, na tate, gal sungah si ding uh hi. Na gam kiphelkhamin midang tungah kipia ding a, lawkite gam sungah nang na si ding hi. Israel mite, gal matin kipai khiatpih ding hi,” ci hi,” a ci hi.

Tedim Bible Revision 2017

¹⁷ Amaziah aw, tua bangin kampau na hih manin Topa in nang kiangah, ‘Na zi pen khua sungah numei paktat suak dinga, gal sungah na tate si ding uh hi. Na gam kiphelkhamin midang tungah kipia dinga, lawkiteʼ gam sungah nang na si ding hi. Israel mite, galmatin kipaipih ding hi,’ ci hi,” a ci hi.

Amos 7:17 Referans Kwoze

Hosea 9:3

Bang hang hiam cih leh Topa’ gam sungah na om suak kei ding uh a, Izipt gamah pai kikin, Assiria gam sungah an siang lo na ne ding uh hi.

2 KUMPI NIHNATE 17:6

Hoshea’ kum kua-na kumin Assiria kumpipa in Samaria la a, amah in Assiria ah Israel mite ciahpih a, Halah gam sung, leh Gozan gam a, gun om Habor, leh Media khuapite sungah amaute koih hi.

Ezekiel 4:13

Tua ciangin Topa in, “Israel mite, gamdangah ka thehthang hun ciangin thukham in nek dingin a kham an ninte tu-a mah bangin ne ding uh hi,” hong ci hi.

Jeremiah 28:16

Tua ahih manin Topa in a hong gen-inah: ‘En in, hih leitung panin nangmah kong lakhia ding hi. Topa langpan’na thu gen na hih manin tu kum sung mahin na si ding hi,’ hong ci hi,” a ci hi.

Amos 7:11

Amah in hih bangin thu gen a, ‘Gal sungah Jeroboam si ding a, Israel mite amau’ gam panin, salin kipaikhiatpih ding hi,’ ci hi,” ci-in a khia hi.

Jeremiah 29:21

A vanglian Topa, Israel mite’ Pasian in kei’ min tawh note’ kianga zuauthu a hong hilh Ko-laiah’ tapa Ahab leh Ma-aseiah’ tapa Zedekiah-te tawh kisai-a kong gen-inah: En un, keimah in amaute Babilon kumpipa Nebukhadnezzar’ khut sungah ka pia ding a, amah in no’ muhin amaute a thatlum ding hi.

Zekhariah 14:2

Jerusalem khuapi a sim dingin Topa in minam khempeuh kaikhawm ding hi. A khuapi kila-in, innte kiluh gawpin, numeite zong kibuan ding hi. Mi a lang bang sal-in kipaikhiatpih ding a, a dangte ahih leh kipaikhiatpih lo ding hi.

Kah la 5:11

Zion mual-ah ka zite uh hong kibuansak a, Judah khua khempeuh ah ka ta nungakte uh a hong kibuansak hi.

Jeremiah 28:12

Kamsangpa Hananiah in Jeremiah kamsangpa’ ngawng panin a hakkol lakhia a, a kuaihtan sak zawh tawlkhat khit ciangin Topa in Jeremiah hopih a,

Jeremiah 20:6

Pashhur aw, nang leh na inn sung uh a, omte khempeuh sal dingin Babilon khua-ah na pai ding uh a, tua lai munah nang na si ding hi. Nang leh a man lopi-a na thuhilh a ngai na lawmte khempeuh tawh hong kivui ding uh hi,” a ci hi.

Isaiah 13:16

Amau’ muhna mah ah a naungeekte uh leilak kiden’ gawp nading hi; amaute’ inn kiluhin, a zite uh kibuansak ding hi.

Late 78:55

Amah in, minamte, amau’ mai panin hawlkhia-in; amau’ luah ding neihsa hawmsak a, Israel minamte amau buk sungah teeng sak hi.

Jeremiah 14:16

A hilh uh mite in zong kial leh namsau thuak-in amaute-a kipan a zite uh, a tapate uh leh a tanute uh Jerusalem khua kongzing lakah kipaaithang dinga, kuamah in a vui kei ding hi. Bang hang hiam cih leh amau’ gitlohna amau tung mahah ka buaksuk ding hi,” hong ci hi.

Amos 6:7

Tua ahih ciangin note in salin a pai masapente na hi ding uh a, na nopsakna teng uh bei ta ding hi.

Amos 8:1

Topa in hih bangin hong musak hi: Seeng sunga kikoih singgah min ka mu hi.

Amos 9:1

Biaknatau gei-ah Topa a ding ka mu a, hih bangin thu a pia hi: “Biakinn lim khempeuh a kilin’ theih nadingin biakinn khuampi luzang satgawp in. Tuate satkham in la mite’ luzang tusak in. Tua lai panin a suakta kha teng, gal sungah ka sisak ding hi. A taikhia, a suakta, kuamah om lo ding hi.

Amos 9:8

Keimah in hih a khial Israel kumpigam ka encik a, hih leitung panin amaute ka susia ding hi. Ahi zongin a vekpi-un susia mang loin, pawlkhat ka siit lai ding hi.

Micah 1:16

Judah mite aw, na it mahmah uh na tate uh, sal-in hong kilaksak ding ahih manin, amaute hangin na dahna lim-un na sam uh met un la, musane bangin na lu uh tolsak un.

Isaiah 22:18

hong pingpeipei ding a, lei tanzau munah bawlung bangin hong lawn ding hi; na topa’ inn sung’ adingin maizumna ahi nang pen tua munah si-in, na kisaktheihpih na sakol leengte lakah na tuk ding hi.