Amos 7:15 - Tedim Bible

¹⁵ Ka tuucin’na panin Topa in hong samkhia a, ama mi Israelte tungah thugen dingin hong sawl hi.

Tedim Bible Revision 2017

¹⁵ Ka tuucinna panin Topa in kei hong sam khia a, ama mi Israel-te tungah thugen dingin a hong sawl hi.

Amos 7:15 Referans Kwoze

2 SAMUEL NIHNA 7:8

Tua ahih ciangin tu-in ka nasempa David kiangah hih bangin na gen ding hi, ‘Vanglianpen Topa in hih bangin ci hi: Ka mi Israelte tungah ulian dingin lonona mun, tuute na zuihna panin nang kong la hi;

Mattiu 9:9

Zeisu in tua mun panin paikhia a, Mattiu kici mi khat siah don’na buk sungah tu-a om a mu hi. “Ka nung hong zui in,” a cih ciangin ding-in a zui hi.

Jeremiah 1:7

Ahih hangin Topa in, “‘Naupang khat ka hi lel hi,’ ci kei in; bang hang hiam cih leh kong puakna khempeuhte’ kiangah na pai ding a, kong sawl peuhpeuh na gen ding hi.

Sawltak 5:20

“Note pai un la, biakna innpi sungah ding un la, hih Nuntakna thu mite kiangah va hilh un,” ci-in thu a pia hi.

Sawltak 4:20

Kote ka hih uh leh, ka muhsa uh, ka theihsa uh thute gen loin ka om thei kei ding uh hi,” ci-in a dawng uh hi.

Sawltak 1:8

Ahih hangin Kha Siangtho in nomau tungah hong kumsuk khit ciangin vangliatna na ngah ding uh a, Jerusalem khua-a kipan Judah gam, Samaria gam khempeuh leh leimong dongin ka teci na hi ding uh hi,” a ci hi.

1 SAMUEL MASA 10:11

Amah in kamsangte tawh mailam thu a genkholhna amah a theisa mi khempeuhte in a muh uh ciangin, mite khat leh khat in “Kish’ tapa tungah bang tung ahi hiam? Saul zong kamsang suak ahi hiam?” kici uh hi.

Jeremiah 26:12

Tua ciangin Jeremiah in kumpi ulian khempeuhte leh mi khempeuhte’ kiangah, “Topa in na zaksak uh ahi hih biakinnpi leh hih khuapi lang khatah ka gen thu khempeuh a gen dingin kei hong sawl hi.

1 KUMPI MASATE 19:19

Tua ahih ciangin tua lai panin amah paikhia a, ama mai-ah bawngtal kap sawm-le-nih tawh lo a kho Shafat’ tapa Elisha mu a, amah a sawm-le-nihna tawh na om hi. Elijah in ama gei nawkin ama tungah a puan lawn hi.

Amos 3:8

Humpinelkai a hawk ciangin, kua lau loin om thei ahi hiam? Topa Pasian in thu a gen ciangin, kua in ama thu gen loin om thei ding ahi hiam?