Amos 7:13 - Tedim Bible

¹³ Hih lai in kumpipa’ biakna mun, minam bup biakinn ahih manin, Bethel-ah thu hong gen nawn kei in,” a ci hi.

Tedim Bible Revision 2017

¹³ Hih lai pen kumpipaʼ biakinn mun, minam bup biakinn mun ahih manin Bethel ah thu hong gen nawn kei in,” a ci hi.

Amos 7:13 Referans Kwoze

Amos 2:12

Ahi zongin note in Nazir mite, leenggahzu na dawnsak uh a, kamsangte in ka thu a genloh nadingun thu na pia uh hi.

1 KUMPI MASATE 12:32

Tua ciangin Jeroboam in Judah a, om pawi tawh a kibangin a kha giatna a ni sawm-le-nga ni-in pawi khat bawl a, biakna tau tungah biaknate pia hi; tua mah bangin amah in Beth-el ah bawlin ama bawlsa bawngnote tungah biakna pia hi. Tua ciangin amah in ama bawlsa mual tunga biakna siampite Beth-el ah koih hi.

1 KUMPI MASATE 12:29

Amah in Beth-el ah khat koihin, Dan ah adang khat koih hi.

1 KUMPI MASATE 13:1

En in, Topa’ thu tawh Judah panin Pasian’ mi khat Bethe-el ah hong pai hi. Paknamtui hal dingin biakna tau gei-ah Jeroboam na ding hi.

Sawltak 5:40

Ama kam a ngai uh a, sawltakte a sap khit uh ciangin a sat uh a, Zeisu’ min tawh thuhilh lo dingin a khamcip uh a, a khah uh hi.

Sawltak 5:28

siampi ukpa in, “Tua min tawh thu na hilh loh nadingun kote in pha takpi-in kong kham uh hangin, Jerusalem khua note’ thuhilhna tawh na dimsak zo uh a, kote tungah hihpa’ si hong tun’ nading note in na hanciam uh hi,” ci-in a gen hi.

Isaiah 30:10

amaute in thu mutheite tungah, “Mu nawn kei un,” ci-in, kamsangte tungah “Kote’ tungah thuman hong gen kei un; kote’ tungah thuzol bek hong gen un la, thutak ahi lote genkhol un,

Amos 3:14

Amau’ khialhna hangin Israelte daan ka piak ni ciangin, Beth-el a, biakna taute zong ka susia ding a, biakna tau kite kitanin lei-ah kia ding hi.

Amos 5:5

A bia dingin Be-ersheba-ah pai kei un. Beth-el-ah hong zong kei un, a mawkna suak ding hi. Gilgal-ah zong lut kei un, Gilgal mite, sal a suak ding uh hi lel hi.

Amos 7:9

Isaak’ suan leh khakte’ biakna munte kinusia cipin, Israel mite’ siangtho munte kisusia ding a, Kumpi Jeroboam’ innkuante a do dingin gal ka kuansak ding hi,” hong ci hi.

Amos 7:16

Tu-in Topa’ thugen ngai in. Israel mite lang khatah ka thugen ding nong kho a, Isaak’ suan leh khakte lang khatah ka thugen ding nong kham hi.

2 KUMPI NIHNATE 14:24

Amah in Topa muhna ah a sia gamta hi; Israel a khialhsakna, Nebat’ tapa Jeroboam’ khialhnate khempeuh panin amah kihem khia lo hi.

Jeremiah 26:9

Bang hangin, ‘Hih biakinnpi in Shiloh tawh kibang ding a, hih khuapi-ah a teeng om loin gam simtham a suak ding hi,’ ci-in Topa’ minin thu hilh na hi hiam?” ci-in a gen uh hi. Topa’ biakinnpi sungah mi khempeuh in Jeremiah a umcih uh hi.