Amos 7:12 - Tedim Bible

¹² Tua ciangin Amaziah in Amos kiangah, “Kamsanga kineipa aw, na Judah gamah ciah in la, tua lai-ah na nuntak nading nasemin, thu va gen gen in.

Tedim Bible Revision 2017

¹² Tua ciangin Amaziah in Amos kiangah, “Kamsang kineih pa aw, na Judah gamah ciah inla, tua lai ah na nuntakna ding na semin, thu va gen in.

Amos 7:12 Referans Kwoze

1 KORIN MASA 2:14

Kha Siangtho a nei lo mi in Pasian’ Kha Siangtho’ thute a mang kei hi. Bang hang hiam na cih uh leh, tuate haina a sa a, tua thute Kha Siangtho bek tawh kikhentel thei ahih ciangin amah in a thei zo kei hi.

Mattiu 8:34

Tua ciangin, khuazangin Zeisu dawn dingin a kuankhia uh a, Zeisu a muh uh ciangin, “Ko gam pan taikhia in,” ci-in a thuum uh hi.

1 SAMUEL MASA 9:9

(Tua ma lai-in Israelte sungah mi khat in Pasian kiangah thu dong dingin a pai ciangin amah in, “Hong pai in, thu-mu-pa kiangah pai ni,” a ci hi; bang hang hiam cih leh tuhun-a kamsang i cihte tua ma-in thu-mu-pa kici hi).

1 PETER MASA 5:2

Note lakah a om Pasian’ tuu honte cin’ nading thu panin, zawhthawhna tawh cing loin, a siangtho lo sum hauh nading hi loin, hehpihna lungsim tawh,

ROM (Romans) 16:18

Bang hang hiam na cih uh leh, eite Topa Khazih’ na sem loin amau gilpi na bek a sem uh a, kamsiam leh kamzol tawh a pha mite a kheem thei uh hi.

Sawltak 16:39

amaute mah hong pai uh a, thuumin a lakkhiat khit uh ciangin khua sung pan a paikhiat nading a ngen uh hi.

Luka 13:31

Tua lai takin Farisaite kimkhat hong pai uh a, “Paikhia in la, tai in. Herod in nang hong that nuam hi,” a ci uh hi.

Malakhi 1:10

Vanglianpen Topa in, “Ka biakna tau tungah, bangmah-a a kimang lo mei na tawh mawkmawk theih loh nadingun, note khatpeuh in biakinn kongkhakte khak le uh cin ka ut hi. Note tungah ka lungkim kei a, nong puak uh biak piaknate kong sang kei ding hi.

Amos 2:12

Ahi zongin note in Nazir mite, leenggahzu na dawnsak uh a, kamsangte in ka thu a genloh nadingun thu na pia uh hi.

Ezekiel 13:19

Mangbuhham khut khat dim leh anlum them tawm khat na ngah theih nadingun ka mite mai-ah kei nong minsiasak uh hi. A si dingin a kilawm lopite na that nuam uh a, a hing dingin a kilawm lopite na hingsak nuam uh hi. Tua bangin ka mite tungah zuau thu genin, amaute in note’ thugen hong um uh hi.

Isaiah 56:11

Uite in nakpi takin duhna lian nei uh a, amaute in kham hun cih nei ngei lo uh hi. Tuucingte in zong thu theihna nei lo uh hi; amaute khempeuh amau tum ciatin gamta uh a, a vekpi-un amaute’ ngah nading lam lam ciatah kihei uh hi.

Isaiah 30:10

amaute in thu mutheite tungah, “Mu nawn kei un,” ci-in, kamsangte tungah “Kote’ tungah thuman hong gen kei un; kote’ tungah thuzol bek hong gen un la, thutak ahi lote genkhol un,

2 KHANG TANGTHU NIHNATE 16:10

Tua ciangin thu-mupa tungah Asa heh a, amah kol bulhin thong sungah koih hi; bang hang hiam cih leh hih thu hangin ama tungah nakpi takin heh hi. Tua hun mahin Asa in mi pawl khat zong gitlohna tawh gimsak hi.

1 SAMUEL MASA 2:36

Na inn sung panin a suakta mite khempeuh ngun peek khat ahi a, anlum lum khat ngen ding ahi zongin ama kiangah pai-in, “An tawm ka nek theih nadingin siampipa omna mun khat peuhpeuh ah kei hong koih in, ci-in kong thum hi,” ci ding uh hi,’ a ci hi,” ci-in a gen hi.

Amos 7:11

Amah in hih bangin thu gen a, ‘Gal sungah Jeroboam si ding a, Israel mite amau’ gam panin, salin kipaikhiatpih ding hi,’ ci hi,” ci-in a khia hi.