Amos 7:11 - Tedim Bible

¹¹ Amah in hih bangin thu gen a, ‘Gal sungah Jeroboam si ding a, Israel mite amau’ gam panin, salin kipaikhiatpih ding hi,’ ci hi,” ci-in a khia hi.

Tedim Bible Revision 2017

¹¹ Amah in hih bangin thu gen a, ‘Gal sungah Jeroboam si dinga, Israel mite amauʼ gam panin salin kipaikhiat pih ding hi,’ ci hi,” ci-in a khia hi.

Amos 7:11 Referans Kwoze

2 KUMPI NIHNATE 17:6

Hoshea’ kum kua-na kumin Assiria kumpipa in Samaria la a, amah in Assiria ah Israel mite ciahpih a, Halah gam sung, leh Gozan gam a, gun om Habor, leh Media khuapite sungah amaute koih hi.

Amos 7:9

Isaak’ suan leh khakte’ biakna munte kinusia cipin, Israel mite’ siangtho munte kisusia ding a, Kumpi Jeroboam’ innkuante a do dingin gal ka kuansak ding hi,” hong ci hi.

Late 56:5

Amaute in ka vai siatsak ding sunthapai-in hanciam uh a, amau’ ngaihsutnate khempeuh uh keima siat nading ahi hi.

Sawltak 6:14

Bang thu a gen hiam na cih uh leh, ‘Tua Nazareth mi Zeisu in hih inn a sugawp ding a, Moses in eite hong piak ngeina a kikheelsak ding hi,’ ci-a a gen thu ka za zo uh hi,” ci-in teci a pang uh hi.

Mattiu 26:61

“Hihpa in, ‘Keimah in Pasian biakna innpi ka susia ding a, ni thum khit ciangin ka lam kik zo ding hi,’ a ci hi,” ci-in teci a pang uh hi.

Jeremiah 26:9

Bang hangin, ‘Hih biakinnpi in Shiloh tawh kibang ding a, hih khuapi-ah a teeng om loin gam simtham a suak ding hi,’ ci-in Topa’ minin thu hilh na hi hiam?” ci-in a gen uh hi. Topa’ biakinnpi sungah mi khempeuh in Jeremiah a umcih uh hi.

Jeremiah 36:16

Tua thute khempeuh a zak khit uh ciangin lau-in khat leh khat a ki-en gapgap uh a, Baruk kiangah, “Hih thute khempeuh kumpipa’ kiangah i koh kul ding hi,” a ci uh hi.

Amos 1:1

Tekoa khua-a teeng tuucingte lakah Amos a kici mi khat om hi. Uzziah in Judah kumpi hi-in, Joash’ tapa Jeroboam in Israel kumpi a sep laitak, zinlin’ ma kumnih hun lai takin, Pasian in Amos tungah hih thute kilangsak hi.

Amos 7:10

Beth-el a, om siampi Amaziah in Israel Kumpi Jeroboam kiangah thu puak a, “Amos in Israel mite lakah nang hong sawm hi. Ama thugen in i gamsung siasak ding hi.

Amos 7:12

Tua ciangin Amaziah in Amos kiangah, “Kamsanga kineipa aw, na Judah gamah ciah in la, tua lai-ah na nuntak nading nasemin, thu va gen gen in.

Micah 1:16

Judah mite aw, na it mahmah uh na tate uh, sal-in hong kilaksak ding ahih manin, amaute hangin na dahna lim-un na sam uh met un la, musane bangin na lu uh tolsak un.