Amos 7:10 - Tedim Bible

¹⁰ Beth-el a, om siampi Amaziah in Israel Kumpi Jeroboam kiangah thu puak a, “Amos in Israel mite lakah nang hong sawm hi. Ama thugen in i gamsung siasak ding hi.

Tedim Bible Revision 2017

¹⁰ Bethel ah a om siampi nasem Amaziah in Israel Kumpi Jeroboam kiangah thu puak a, “Amos in Israel mite lakah nang hong sawm hi. Ama thugen in i gam sung siasak ding hi.

Amos 7:10 Referans Kwoze

Jeremiah 38:4

Tua ciangin kumpipa’ uliante in kumpipa’ kiangah, “Hih mipa i thatlum ding hi. Bang hang hiam cih leh hih thute a gen manin hih khuapi sunga a om lai galkapte leh mi khempeuhte lungkia sakin thazaw sak hi. Hih mipa in i gam mite’ phattuam nading zong loin a gim ngah nading uh a zong zaw hi,” a ci uh hi.

Mattiu 21:23

Zeisu biakna innpi-ah lut a, thu a hilh lai takin siampi liante leh upate a kiangah pai uh a, “Hih nate bang thuneihna tawh bawl na hi hiam? Hih thu kua in hong pia ahi hiam?” ci-in a dot uh ciangin,

1 KUMPI MASATE 13:33

Hih thu khit ciangin ama gamtat sia panin Jeroboam kihei tuan lo a, mite khempeuh sung panin mual tunga biaknate a, sem ding siampite bawl kik hi; amah in a ut peuhpeuh mualtunga biakna siampi dingin ap hi.

Sawltak 24:5

Bang hang hiam na cih leh, Nazareth mipawl ukpa ahi, leitung mun khempeuh ah Judah mi khempeuh misuam dingin a hansuah, hih mi gilo kote’n ka mu zo uh hi.

Sawltak 7:54

Amaute in hih thu a zak uh ciangin a lungso uh a, Stefen tungah a ha a gawi uh hi.

Sawltak 5:28

siampi ukpa in, “Tua min tawh thu na hilh loh nadingun kote in pha takpi-in kong kham uh hangin, Jerusalem khua note’ thuhilhna tawh na dimsak zo uh a, kote tungah hihpa’ si hong tun’ nading note in na hanciam uh hi,” ci-in a gen hi.

Luka 23:2

“Hih pa in komau pawlte kheem a, ‘Khazih kici kumpipa ka hi hi. Kaisar kumpipa phiangsiah pia kei un,’ ci-in a kham kote’n ka za uh hi,” ci-in Zeisu a mawhsak uh hi.

Jeremiah 18:18

Tua ciangin amaute in, “Hong pai un, Jeremiah sawm ni. Bang hang hiam cih leh eite hong hilh dingin siampite ahi zongin, i dot dingin mipilte ahi zongin, Pasian’ thu hong gen dingin kamsangte ahi zongin i nei hi. Hong pai un, amah mawhsakin ama’ thu peuhmah mal khat zong i mang kei ding hi,” a ci uh hi.

1 KUMPI MASATE 18:17

Ahab in Elijah a muh ciangin, ama kiangah, “Nang in Israel mite a lungkhamsakpa na hi hiam?” a ci hi.

Piancilna 37:8

A sanggamte in ama' kiangah, “Kote' tungah nang in hong uk ding na hi hiam?” Kote’ tungah ukna nei ding na hi hiam?” ci uh hi. Tua ahih ciangin amaute in a mangte leh a thugente hangin amah mudah kan uh hi.

Jeremiah 36:16

Tua thute khempeuh a zak khit uh ciangin lau-in khat leh khat a ki-en gapgap uh a, Baruk kiangah, “Hih thute khempeuh kumpipa’ kiangah i koh kul ding hi,” a ci uh hi.

Amos 1:1

Tekoa khua-a teeng tuucingte lakah Amos a kici mi khat om hi. Uzziah in Judah kumpi hi-in, Joash’ tapa Jeroboam in Israel kumpi a sep laitak, zinlin’ ma kumnih hun lai takin, Pasian in Amos tungah hih thute kilangsak hi.

Amos 3:14

Amau’ khialhna hangin Israelte daan ka piak ni ciangin, Beth-el a, biakna taute zong ka susia ding a, biakna tau kite kitanin lei-ah kia ding hi.

Amos 5:5

A bia dingin Be-ersheba-ah pai kei un. Beth-el-ah hong zong kei un, a mawkna suak ding hi. Gilgal-ah zong lut kei un, Gilgal mite, sal a suak ding uh hi lel hi.

Amos 7:11

Amah in hih bangin thu gen a, ‘Gal sungah Jeroboam si ding a, Israel mite amau’ gam panin, salin kipaikhiatpih ding hi,’ ci hi,” ci-in a khia hi.

Amos 5:10

Note in thukhen zumah thutang a deihpa na mudah uh a, thuman a genpa na hua uh hi.