Amos 7:1 - Tedim Bible

¹ Topa Pasian in hih bangin hong mu sak hi: Kumpipa’ gan an ding lopa a ki-at khit phet, sel kik dingin a kisak lai takin, Topa in kauphe honpi piangsak hi.

Tedim Bible Revision 2017

¹ Topa Pasian in hih bangin hong musak hi: Kumpipaʼ gan an ding lopa a ki-at khit phet, selkik dingin a kisak laitakin Topa in kauphe honpi a piangsak hi.

Amos 7:1 Referans Kwoze

Joel 1:4

A pettan kauphete’ nek bang teng, kauphe honte in ne tum a, kauphe honte’ nek bang teng, a tuan kuaphete in ne tum a, a tuan kauphete’ nek bang teng, a susia kauphete in ne mang khin hi.

Amos 8:1

Topa in hih bangin hong musak hi: Seeng sunga kikoih singgah min ka mu hi.

Amos 4:9

Na ankungte uh lung ne sakin ka vulsak a, na ankungte uh cina sakin a kaang dikdekin ka bawl hi. Na huante uh leh na leenggui lote uh, a hawm guakin ka koih hi. Na theikungte uh leh na oliv kungte uh kauphe in gai khin hi. Tua bang hi napi-in kei lamah nong kihei kei uh hi, Topa in ci hi.

Joel 2:25

Note a hong sim dingin ka hong sawl, kauphe honpi, a tuan kauphe, a susia kauphe, a pettan kauphe hih ka galkap honte’ hong neksak kum sunga piang teng taang kong piakik ding hi.

Zekhariah 1:20

Tua ciangin Topa in sek tawi mihing li hong lak hi.

Amos 7:7

Topa in hih bangin hong musak hi. Khaukhai zang-a a kiciang kulh gei khatah, Topa a ding ka mu a, a khut sungah khaukhai khat tawi hi.

Amos 7:4

Tua ciangin Topa Pasian in hih bangin hong musak leuleu hi: Amah in meikuang tawh a mite daan pia dingin hong kithawi a, tuipite keutum sak a, leitung zong haltum dingin hong kipan hi.

Ezekiel 11:25

Topa in kei hong muhsaksa thute khempeuh, sal-a om mite kiangah ka gen hi.

Jeremiah 24:1

Babilon kumpipa Nebukhadnezzar in Jerusalem khua panin Jehoiakim’ tapa Judah kumpipa Jekoniah leh Judah kumpi uliante, khutsiamte leh siksek siamte, Babilon khua-ah sal dingin a pai khiatpih khit ciangin Topa in hih mang hong musak hi. Topa’ biakinnpi mai-ah theigah bawm nih dim ka mu hi.

Isaiah 33:4

tangngol in na a khop bangin amau’ van nusiatte kikaikhawm a, kauphe honpi bangin van tawmin mite phe zaizai hi.

Malakhi 3:11

Lo panin a piang na ante uh, kauphe ka nesak nawn kei ding a, na leenggui uh gah pha mahmah ding hi.