Amos 6:4 - Tedim Bible

⁴ Saiha kibawl lupna tungah a lum hithiat, tutphah nip tungah a kizia hiathiat, tuuno sa leh bawngno sa, duhduha a ne, note in gimna na thuak ding uh hi.

Tedim Bible Revision 2017

⁴ Saiha kibawl lupna tungah a lum hithiat, tutphah nip tungah a kizia hiathiat, tuuno sa le bawng no sa, duhduhin a ne note in gimna na thuak ding uh hi.

Amos 6:4 Referans Kwoze

Jeim 5:5

Note in leitungah lungdam nopsakna ngahin na om zo uh hi. Kithah ni adingin na lungsim uh na vaak thau zo uh hi.

Amos 3:12

Topa in hih bangin ci hi: Tuucingpa in humpinelkai’ nek baang tuu khebom nih ahi a, a bil them khat beek ahi zongin a ngah teei mah bangin, tutphah nip kiu khat leh lupna them khat tawh a kibang, Samaria sunga om Israel mi tawmno khat suakta tei ding hi.

Luka 16:19

“Nidang lai-inah sumhaupa khat a om hi. Tua pa in puansan leh saihadial puan silhin ni simin nuamin an pha bel ne-in a om hi.

Isaiah 22:13

ahih hangin note in lungdamna leh kipahna, bawngtalte leh tuute gawhna, sa nekna leh leenggahzu nekna na nei zawsop uh a, “Zing ciangin si ding i hih ciangin ne-in dawn ni” na ci uh hi.

Late 73:7

A lungsim panun gitlohna pusuak sak uh a, a ngaihsutna uh gitlohna tawh dimlet hi.

Esther 1:6

Tua huang sungah suangkang khuamte kiphut a, khau malneu leh khau dupsan tawh ngun kualte ah kikhihin a kikhai dalna puan pakte kikhungin, suangmanpha a san, a dum, a kang, leh a vom, a nam tuamtuamte kizangin a kizeem suangphah kiphah tungah kham leh ngun kibawl lupnate kikoih hi.

Jeremiah 16:8

Pawi kibawlna innah na pai kei ding a, amau tawh nekhawm dawnkhawm dingin na tu kei ding hi.

Ezekiel 16:49

Na sanggamnu’ mawhna in: Amah leh a tanute in nek ding tampi nei-in nuamsa mahmahin dai takin om uh ahih manin amaute kiphasak uh a, a zawng a cimawhte don lo uh hi.

Ezekiel 23:41

Lupna hoih mahmah tungah tu-in a mai uhah sabuai limtakin koih uh hi. Tua sabuai tungah keima piaksa paknamtui leh oliv thaute koih uh hi.

Amos 8:3

Tua ni ciangin kumpi inn sunga lungdam lasakna awgingte, kahna awging suak ding hi. Mun khempeuhah mi siluang dim ding a, mun citengah kipaithangin gamdai ding hi,” Topa in ci hi.

Micah 6:12

Na mi haute uh mi zawngte tungah tatsia mahmah in, na khua sung mi khempeuh uh zuau gen vive hi uh a, a kam un khemna thu bekbek gen hi.

Piancilna 37:25

Tua ciangin amaute an ne dingin tu uh hi; a khuadak toh uh leh Gilead panin Ishmael mite a kalaohte uh tawh singnai, lingsi, Mirrah paknamtui pua-in Izipt-ah puak suk dinga a pai mu uh hi.

Isaiah 28:1

Efraim minam zukhamte’ kisaktheihna leihoih zangkuam i lutunga kisuang, a vulgawp paak ahi, a vanglian ama hoihna tawh zukham a, a pukte’ kisak theihna tua kumpi lukhu in gim ngah ta hen!