Amos 6:2 - Tedim Bible

² Kalneh khua-ah pai un la va en un. Tua ciangin Hamath khuapi lian ah paisuak un la, Filistiate’ khuapi Gath dong va paisuk un. Judah leh Israel kumpi gamte sangin hoih zaw a, amau’ gam in note’ gam sangin lianzaw ahi hiam?

Tedim Bible Revision 2017

² Kalneh khua ah pai unla limtakin va en un. Tua ciangin Hamath khuapi lian ah va paisuak unla, Filistia-teʼ khuapi Gath khua dong va pai suk un. Judah le Israel kumpi gamte sangin hoih zaw tuan a, amauteʼ gam pen noteʼ gam sangin lian zaw tuan ahi hiam?

Amos 6:2 Referans Kwoze

Nahum 3:8

Nineveh aw, a kimkot ah tui in a umcih a, amah a dal dingin tuipi nei a, a kulh dingin a kimkot ah tui a om, Thebes khuapi sangin gina zaw kisa zenzen na hi hiam?

2 KUMPI NIHNATE 18:34

Hamath leh Arpad’ pasiante koi-ah om ahi uh hiam? Sefarvaim, Hena, leh Ivvah pasiante koi-ah om ahi uh hiam? Keima khutsung panin amaute in Samaria a honkhia uh hiam?

Piancilna 10:10

Ama' kumpi gam kipatna in Babilon, Erek, Akkad leh Kalneh hi a, tuate khempeuh Shinar gamsungah om hi.

2 KHANG TANGTHU NIHNATE 26:6

Amah kuankhia-in Filistiate va sim a, Gath khuapi kulh, Jabneh khuapi kulh leh Ashdod khuapi kulh sucim hi; tua ciangin amah in Ashdod gam sung leh Filistiate gam sung mun dangte ah khuapite lam hi.

1 SAMUEL MASA 17:4

Filistiate giahphual panin Gath khuami Goliath a kici a makai, a tun’ pi kua val a sang mi khat hong paikhia hi.

2 KUMPI NIHNATE 19:13

Hamath kumpipa, Arpad kumpipa, Sefarvaim khuapi kumpipa, Hena kumpipa, ahih kei leh Ivvah kumpipa koi-ah om ahi hiam?’ ci un,” a ci hi.

2 KUMPI NIHNATE 17:30

Babilon mite in Sukkoth-benoth pasian lim, Kuth mite in Nergal pasian lim, Hamath mite in Ashima milim,

2 KUMPI NIHNATE 17:24

Tua ciangin Assiria kumpipa in Babilon, Kuthah, Avva, Hamath, leh Sefarvaim panin mite paipih a, Israel mite’ tangin Samaria khuapite ah amaute koih hi; amaute in Samaria gam luahin a khuapite-ah teeng uh hi.

1 KUMPI MASATE 8:65

Tua ahih ciangin tua hunin Solomon leh amah tawh a om Israel khempeuh in Topa i Pasian mai-ah ni sagih sung, Hamath lutna panin Izipt Lui dong kikhopna lianpi khat bawlin pawi khat kham uh hi.

1 SAMUEL MASA 17:23

Amaute tawh a kiho lai takin, en in, Gath khuami Filistiate, a makaipi Goliath min nei-pa, Filistia uliante lak panin hong paikhia-in a masa-a mah bangin kam hong pau hi. David in ama kampau za hi.

1 SAMUEL MASA 5:8

Tua ahih ciangin amaute in mi sawlin Filistia uliante khempeuh khawm uh a, Israelte’ Pasian’ thuciamna singkuang bang cih ding i hi hiam?” a ci uh hi. Amaute in dawngin, “Israelte’ Pasian thuciamna singkuang Gath-ah koihsak ni,” a ci uh hi. Tua ahih ciangin amaute in Israelte’ Pasian’ thuciamna singkuang tua lai-ah paipih uh hi.

Jeremiah 49:23

Damaskas khua tawh kisai-in, “Hamath khua leh Arpad khuate in thusia za uh ahih manin lung mangin a om uh hi. Tuipi dai thei lo bangin a launa uh dai thei lo hi.

1 SAMUEL MASA 5:10

Tua ahih ciangin amaute in Pasian’ thuciamna singkuang Ekron-ah puak uh hi. Ahih hangin Pasian’ thuciamna singkuang Ekron a tun’ ciangin Ekron mite kiko uh a, “Kote leh ka mite uh a that dingin amaute in Israelte’ Pasian’ thuciamna singkuang ko kiangah hong paipih uh hi,” a ci uh hi.

2 SAMUEL NIHNA 8:9

Hamath kumpipa To-i in Hadadezer’ galkap buppi David in a zawhna thu a zak ciangin,