Amos 6:14 - Tedim Bible

¹⁴ Topa, mihonpite’ Pasian in hih bangin ci hi: No Israel mite a do dingin minam khat ka khangsak ding a, Leilu lamah, Hamath khua lutna ciangka panin, leitaw lamah, Arabah lui kikal dong, note hong nuai gawp ding uh hi, a ci hi.

Tedim Bible Revision 2017

¹⁴ Topa, Vanglian Pasian in hih bangin ci hi: No Israel mite a do dingin minam khat ka khangsak dinga, leilu lamah, Hamath khua lutna ciangka panin, leitaw lamah Arabah lui kikal dong, note hong nuai gawp ding uh hi, a ci hi.

Amos 6:14 Referans Kwoze

2 KUMPI NIHNATE 14:25

Amah in, Gathhefer pana kamsangpa, Amittai’ tapa, a nasem Jonah tung tawnin Israel Pasian, Topa’ thugen bangin, Hamath lutna panin Arabah Tuipi dong Israel gamgi ngahkik hi.

1 KUMPI MASATE 8:65

Tua ahih ciangin tua hunin Solomon leh amah tawh a om Israel khempeuh in Topa i Pasian mai-ah ni sagih sung, Hamath lutna panin Izipt Lui dong kikhopna lianpi khat bawlin pawi khat kham uh hi.

Hosea 10:5

Beth-aven khua a bawngno milim a taanna hangun Samaria khuapi sunga a teeng mite lau-in liing ding uh a, amaute leh tua milim na a sem siampite thuum ding uh hi. A etlawmna teng a maiman’ ciangin tau ding uh hi.

Isaiah 7:20

Tua ni ciangin Topa in Gun gal khat pan a, a kikawm temta ahi Assiria kumpipa zangin a sam leh a khemul mettol ding a, a khamul zong metkhia ding hi.

2 KUMPI NIHNATE 17:6

Hoshea’ kum kua-na kumin Assiria kumpipa in Samaria la a, amah in Assiria ah Israel mite ciahpih a, Halah gam sung, leh Gozan gam a, gun om Habor, leh Media khuapite sungah amaute koih hi.

2 KUMPI NIHNATE 15:29

Israel kumpipa Pekah’ hun lai takin Assiria kumpipa Tiglath-pileser hong pai-in Ijon, Abelbethma-akah, Janoah, Kedesh, Hazor, Gilead, leh Galili, Naftali gam khempeuh la hi; amah in galmatin mite Assiria ah ciahpih hi.

Ezekiel 47:20

“Ni tumna lam gamgi pen, Mediterranean Tuipi hi toin Hamath khua lutna tawh a kitang ciang hi to ding hi.

Amos 3:11

Tua ahih ciangin galte in a gam uh umcihin, a panmun teng uh susia ding a, a inn lianpipite uh luh gawp ding uh hi. Topa in ci hi.