Amos 6:10 - Tedim Bible

¹⁰ Mi khatpeuh a sihna inn panin, mi si pua khia-in a vui dingin, a behte khatpeuh hong pai ciangin, innsung tawng-a a bu mi khatpeuh kiangah, “Hih lai-ah a si dang a om hiam?” ci-in a dot ciangin, “Om lo hi, pau kei in. Topa’ min na lawh khak ding kidawm in,” ci-in kidawng kik ding hi.

Tedim Bible Revision 2017

¹⁰ Mi khatpeuh a sihna inn panin a vui dingin a si pua khia-in, a behte khatpeuh hong pai ciangin, inn sung tawng ah a bu mi khatpeuh kiangah, “Hih lai ah a si dang a om hiam?” ci-in a dot ciangin, “Om lo hi; pau kei in. Topaʼ min na lawh khak ding kidawm in,” ci-in kidawngkik ding hi.

Amos 6:10 Referans Kwoze

Amos 8:3

Tua ni ciangin kumpi inn sunga lungdam lasakna awgingte, kahna awging suak ding hi. Mun khempeuhah mi siluang dim ding a, mun citengah kipaithangin gamdai ding hi,” Topa in ci hi.

1 SAMUEL MASA 31:12

a hang mi khempeuh ding-in zan tawntung pai uh a, Bethshan kulh tung panin Saul’ luang leh a tapate’ luangte va la uh hi; tua ciangin amaute Jabesh ah hong tungin tua lai-ah hal uh hi.

Amos 5:13

Tua ahih manin hih bang hun siat hun lai takin, thu ngaihsun thei mite pau loin a om khikhe, lamdangsak ding hi lo hi.

Ezekiel 24:21

Israel mite kiangah hih bangin thu gen in hong ci hi. Ama cihna in: Note in na kisaktheihpih uh, a sungah paipai-in na etet nop uh ka biakinn pen a ninsak ding ka hi hi. Tua ciangin note’ nung-a a om lai na tate uh, namsau-in si ding uh hi, ci hi.

Ezekiel 20:39

Topa Pasian in, “Israel mite khempeuh aw, na milimte uh bia un! Ahih hangin tu-a kipanin keima thu nong man’ uh kul ding a, na milimte uh letsong piakna tawh ka min siangtho na daisak nawn kei ding uh hi,” hong ci hi.

Jeremiah 44:26

Ahih hangin Topa’ thugenna hong ngai un, no Izipt gama om Judah mite aw; en un, Topa in kong cih-inah, Izipt gama om Judah mi khat beek in, ‘Topa a nuntak bangin,’ ci-in ka min zangin a kiciam nawn loh nadingun ka min lianpi tawh ka kiciam khin zo hi.

Jeremiah 16:6

Hih gamah miliante leh mineute a si ding uh a, kivui loin, amau adingin kuamah kap loin, kuamah in a pumpi uh kui liam loin, a sam uh a met kei ding uh hi.

Gamlak-vakna 17:12

Israel mite in Moses kiangah, “En in, kote a si ka hi ta uh a, a mawkna ka hi ta uh hi; kote khempeuh a mawkna ka hi ta uh hi.

2 KUMPI NIHNATE 23:16

Tua ciangin Josiah kihei-in mual tunga om hante mu hi; tua ciangin amah in mi sawlin hante sung panin a guhte la sak a, hih nate a genkhol Pasian’ mipa in a gen Topa’ thugen tawh kizui-in biakna tau tungah tuate halin susia hi.

2 KUMPI NIHNATE 6:33

Amaute tawh amah a kiho lai takin ama kiangah kumpipa hong paisukin, “Hih lungkhamna Topa’ kiang pan ahi hi! Bang hangin Topa ngak lai ding ka hi hiam?” a ci hi.

Jeremiah 9:21

Bang hang hiam na cih uh leh tawlet vangte panin sihna hong lutin, kumpipa’ inn sungah zong hong lut hi. Kong zinga naupangte a vatmang a, sumbuka tangvalte a vatlum hi.