Amos 6:1 - Tedim Bible

¹ Israel minamte in muan-a hong neih, minam laka ulian ahi, Zion-ah nuntak nuama a om hithiat, Samaria-ah lungmuang taka a om note’ adingin, zumhuai mahmah hi.

Tedim Bible Revision 2017

¹ Israel minamte in muanin a hong neih, i minam lakah ulian ahi, Zion ah nuam takin a om hithiat, Samaria ah lungmuang takin a om note adingin zumhuai mahmah hi.

Amos 6:1 Referans Kwoze

Jeim 5:5

Note in leitungah lungdam nopsakna ngahin na om zo uh hi. Kithah ni adingin na lungsim uh na vaak thau zo uh hi.

Amos 4:1

Bashan gam bawngpite bangin a thau mahmah, mi zawngte nengniamin, mi cimawhte a sugawp, na pasalte uh kiangah, “Ka dawn ding bang khat peuh hong puak in,” ci-in a vaikhak no Samaria numeite aw, hih thu lim takin ngai un:

Zefaniah 1:12

Tua hun lai takin Jerusalem khua sung, meivak tawh ka zong ding a, thu phawk loin amau’ ngeina bang bangin om cip a, ‘Topa in a pha hita leh a sia hita leh, bangmah bawl ngei lo hi,’ a ci mite, daan ka pia ding hi.

Thukhente 18:7

Tua ciangin mi ngate pai khia-in Laish tung uh a, tua lai-a om mite, Sidon mite’ om bang danin dai takin omin bangmah in a upmawh lohna, leitungah bangmah kisam loin a hauhna, leh amaute Sidonte kiang panin gamla omin kuamah tawh kizopna a neih lohna, lungmuang tak-a a teen’na uh mu uh hi.

Jeim 1:18

Ama pian’ sakte lakah eite in a gah masa bel i suah nadingin thuman thutak tawh ama deihna bangin eite hong piangsak hi.

Jeremiah 49:31

“Babilon kumpipa aw, tho in. Nuamtak, ngaihmuang taka a om gam va sim in. Tua khuapite in kongpi lah nei loin a kalhna siktawn lah neilo uh a, a tuaci om mawk uh hi.

Isaiah 33:14

Zion-a om mawhnei mite lau uh a, Pasian thu a ngaihsun lo mite lau-in lingcip uh hi. Amaute in, “Pasian’ thukhenna in a kuang tawntung mei tawh kibang hi. Tua bang meikuang kua in thuak zo ding i hi hiam?” ci uh hi.

1 PETER MASA 5:7

Pasian in note hong keem ahih ciangin, na lunghihmawhna khempeuh uh ama tungah na koih un.

Amos 8:14

Samariah milim pasian Ashimah min tawh kiciam a, ‘Dan khuapi pasian a nungta ahih mah bangin,’ a ci mite leh ‘Beersheba khuapi pasian a nungta ahih mah bangin,’ a ci mite pukin thokik nawn lo ding uh hi,” ci hi.

Jeremiah 7:4

‘Hih in Topa’ biakinn ahi hi, Topa’ biakinn ahi hi, Topa’ biakinn ahi hi,’ a kicici zuauthute um kei un.

1 KUMPI MASATE 16:24

Amah in Shemer’ tung panin ngun talen nih-in Samaria mual lei hi; amah in kulh tawh a mual um a, tua mual a neipa Shemer’ min tamin a lamsa khuapi min Samaria phuak hi.

Kah la 1:1

Khat vei lai-a mi a dim taka a teen’na Jerusalem khuapi in bang zah ta-a gamdai ahi hiam? Leitung bup in a zahtak khuapi tu-in meigong tawh a kibang hi. Leitung khuapi khempeuhte’ lak panin a thupipen tu-in sal-in a kiman khin zo hi.

Jeremiah 48:11

“Moab gam in a neu lai-a kipanin nuam takin a om den hi. Gam dangah kipaikhiatpih ngei lo a, thawl khat pan thawl khat-a tei kawikawi lenggahzu tawh kibang lo hi. A limna kilamdang ngei loin a gimnam zong kikhel ngei lo hi.

Late 123:4

A ut ut-a gamta mite’ hong zahkona, mi kiphasakte’ hong simmawhna tawh sau vei ka gim lua khin ta uh hi.

Amos 3:2

Leitung minam khempeuh lakah note bek hong thei-in, note bek ka hong don hi. Tua ahih manin na khialhna khempeuh uh hangin, note daan ka hong pia ding hi.

Amos 3:9

Assiria gam mun muanhuaina sunga om mite, leh Izipt gam mun muanhuainna sunga om mite tungah thu zasak un la, “Samaria-ah hong kikhawm un la, tua lai-a buaina lianpite, kinen’niamnate hong mu in,” ci un.

Amos 5:27

Damaskas khengin gam khatah, salin note kong paisak ding hi, Mihonpite’ Pasian min nei Topa in ci hi.

Paunak 1:32

Bang hang hiam cih leh thu thei lote in, pilna a don loh manun sihlawh uh a,

Jeremiah 2:3

Israel mite Topa’ ading-a a tuam om hi a, ama’ an lakna-ah an palte ahi uh hi. Amaute a ne peuhpeuh a mawh suak uh a, gimna a thuak uh hi, Topa in hong ci hi, ci-in va gen in,” hong ci hi.

Jeremiah 5:5

Mi liante’a kiangah pai-in, ka va kiho ding uh hi; amaute in Topa’ lampi a thei uh a, amau’ Pasian’ deihna a thei uh hi,” ci-in ka ngaihsun hi. Ahih hangin a vekpi-in ka ukna hong nial khin uh a, ka hakkol kuaitan-in ka henna khaute a sutat khin zo uh hi.

Amos 9:10

Keima mite sung panin, “I tungah siatna hong tung ngei lo ding hi,” a ci mawh neite khempeuh, gal sungah si ding uh hi.

Micah 3:1

Israel a uk makaite aw, hih thu ngai un. Note in thutang thuman a deih dinga kilawm hi napi-in,