Amos 5:8 - Tedim Bible

⁸ Van-a aksi Seguk leh Zawlzawngte bawlin, khuamial pen khuavak suaksak a, sun pen zan suaksakin, tuipi panin tuite samkhia a, leitungah tui a bua khiapa a min in, Topa ahi hi.

Tedim Bible Revision 2017

⁸ Van a om aksi Seguk le Zawlzawngte bawlin, khuamial pen khuavak suaksak a, sun pen zan suaksakin, tuipi panin tuite sam khia a, leitungah tua tui a bua khia pa a min pen Topa ahi hi.

Amos 5:8 Referans Kwoze

Amos 4:13

Bang hang hiam cih leh mualte bawlin, huihte a piangsakpa, ama ngaihsutna mihingte tungah kilangsakin, sun nitaang kimlai zanin a bawlpa, leitung khempeuh a ukpa’ min in Topa, mihonpite’ Pasian ahi hi.

JOB (Job) 9:9

Amah in van-a om Khawlei-uikai, Zawlzawng, Seguk, leh Khanglam aksite a bawlpa ahi hi.

Amos 9:6

Topa in vantungah a inndeite bawl a, vankuumpi tawh leitung a khuhsuk hi. Amah in tuipi panin tuite samkhia a, lei tungah tua tuite sung hi. Hih bangin a bawlpa’ min in Topa ahi hi.

Amos 8:9

Tua ni ciangin sun kim laipi mahin ni ka tumsak ding a, sunkim laipi mahin leitungah khua ka mialsak ding hi. Topa Pasian ahi keimah in hih thu kong gen khin hi.

Late 104:20

Nangmah in khuamial na bawl a, gamlak ganhing khempeuh a vakkhiat hun in zan sung ahi hi.

Late 105:28

Amah in khuamial sawlin, leitung khimzing sak hi; ahih hangin Izipt mite in ama thu langpang uh hi.

JOB (Job) 12:22

Amah in khuamial sung panin thuthukte kalkhia a, a kithei zolo thute kitelsak hi.

Luka 1:79

A tung panin ni suakin eite kiangah hong tang ding hi,” ci-in a gen hi.

Mattiu 4:16

Khuamial sungah a om mite in, Khuavakna a mu uh hi; Sihna liim gam sungah a tute tungah, Khuavak a taang zo hi,” a ci hi.

Isaiah 59:10

Mittaw bangin kawm i zawt a, mit nei lote bangin i mai hi; suntang laipi-in khuamial sung bangin i tuk a, a hat mite lakah mi si tawh i kibang hi.

Isaiah 42:16

Amau’ theih loh lampi ah mittawte ka paipih ding a, amau’ theih ngei loh sul zuihpih-in ka kha ding hi. Amau’ mai-ah khuamial pen khuavak suaksakin, a phokna munte a tam-in ka bawl ding hi. Hihte pen keima hih ding nate hi a, tuate sem loin ka nusia kei ding hi.

JOB (Job) 38:34

Van-a om meiite in guah hong zuksak theih nading, nangmah in sawl thei na hi hiam?

JOB (Job) 37:13

Pasian in mihingte daantah nading ahi a, a pahtakna a lah nading ahi zongin, leitungah tu-a bangin a piangsak hi.

Jeremiah 16:21

“Tua ahih manin, en un, amaute ka hilh ding hi. Tu tung peuhmahin ka min in Topa hi, cih a theih nadingun ka vangliatna leh ka hatna ka theisak ding hi,” ci-in Topa in a gen hi.

Jeremiah 33:2

“Leitung bawla a kipsak Topa, a min Topa a kici Topa in kong gen-inah: