Amos 5:7 - Tedim Bible

⁷ Thutang lumletin thuman mite lei a den’na, note’ adingin bangzahin nasia ding ahi hiam?

Tedim Bible Revision 2017

⁷ Thutang lumletin thuman mite lei a denna, note adingin bangzahin nasia ding ahi hiam?

Amos 5:7 Referans Kwoze

Amos 6:12

Sakolte, suangken tungah tai thei ngei a, bawngtalte tawh tuipi tung kikho thei ngei ahi hiam? Tua hi napi-in note in, thutang pen, gu na suaksak uh a, thuman zong, a khial na suaksak uh hi.

Zefaniah 1:6

Lam pial a, kei hong zui nawn lote, thu dong dingin kei kiangah hong pai lote, ka susia ding hi,” ci hi.

Hosea 10:4

Amaute a kampi bek uh hi a, a kampi bek-un thu genin thuciamna bawl uh hi. Lo lai-a tumakuakte sungah gunei kiak a po mah bangin thusia neihna hong khang hi.

Ezekiel 3:20

“Mi hoih mahmah khat in gamtat siat ding hong kipan leh a lauhuaina munah amah ka koih ding hi. Amah hilhkhol kei lecin, si ding hi. Ama mawhna hangin si ding a, ama gamtat hoihsate phawkin ka nei kei ding hi. Ama sihna sisan thu nang kong ngawh ding hi.

Thu-hilhkikna 29:18

-

Ezekiel 33:18

Mi hoih khat in a gamtat hoih, khawlin gamtat siat ding hong kipan leh, tua a gamtat siatna hangin a mah si ding hi.

Ezekiel 18:24

Ahi zongin mihoih khat in a gamtat hoihna teng khawlin, migilote’ gamtat bangin a mindaihuai, gamtat siate gamtat ding hong kipan leh, amah nungta paisuak ding ahi hiam? Nungta het lo ding hi. A hoih ama gamtatnasate kiphawksak lo ding hi. Ama cihtaklohna leh ama mawhna hangin si ding hi.

Isaiah 10:1

A cimawh ka mite thutang heikhiat sakin, keima mite sungah a zawngte’ thuneihna sutkhia-in, meigong numeite’ neihsate amau’ aa suaksakin, pa nei lote’ neihsa a sut a man lo thukhensatna pia a, nenniamna thu lai-a, a gelhte in gimna ngah ta hen!

Isaiah 5:7

Bang hang hiam cih leh Vanglianpen Topa’ leenggui lo pen Israel mite hi a, Judah mite pen lungdamna tawh a suan kungte ahi hi; amah in thutan’na lamen a, ahih hangin sisan luan’na om hi; thumanna lamen a, ahih hangin kahna om hi:

Isaiah 1:23

Na uliante, mi lehdote hi a, gutate tawh a kikhawlte ahi hi. Mi khempeuh in sumgolh leh letsong deih uh hi. Amaute in pa nei lote pan’pih lo uh a, meigongnu’ thu amaute in sang lo uh hi.

Late 125:5

Ahih hangin amau’ gitlohna a zui mite pen siatna bawlte daan na piak ciangin, amaute tawh pia khawm in. Israelte tungah nopna om ta hen!

Late 36:3

Ama kammalte in siatna leh khemna vive hi a, pil gamtatna leh hoih gamtatna bei khin ta hi.

Paunak 21:7

Migilote, a manin gamta nuam lo uh ahih manin, amau’ gamtat siatna mah awkpih uh hi.

Isaiah 5:20

A phate sia ci-in, a siate pha ci a, khuavak dingin khuamial koihin, khuamial dingin khuavak koih a, a khum dingin a kha koihin, a kha dingin a khum a koihte in gimna ngah ta hen!

Amos 2:3

Tuate lakah Moab gam ukte ka sisak ding a, a uliante ka that ding hi.

Amos 3:10

Topa in hih bangin ci hi: Hih mite in a manin gamtat ding thei lo uh a, giloin mi’ na a suh uh vante tawh, a inn lianpipite uh kidimsak uh hi.

Isaiah 46:12

“Dikna tawh a kigamlate, a lungsim khauh mite aw, ka thu hong ngai un:

Micah 3:9

Ngai un! Israel a uk makaite aw, Note in thutang deih loin, thuman kimlai a khialin na hei uh hi.

Habakkuk 1:4

Thukham in thu nei zo loin a mawkna suak a, thu a manin kisem ngei lo hi. Thutang thute kileh hei-in, migilote in thuman mite zo zawsop hi.