Amos 5:6 - Tedim Bible

⁶ Topa zong un, tua hi leh na nungta ding uh hi. Amah na zon’ kei uh leh, Josef mite tungah amah mei bangin hong kuang ding a, tua mei in Bethel-a om mite kang tumin, tua mei a phelh ding kuamah om lo ding hi.

Tedim Bible Revision 2017

⁶ Topa zong un; tua hileh na nungta ding uh hi. Amah na zon kei uh leh Josef mite tungah meikuang bangin amah hong kuang dinga, tua mei in Bethel a om mite kangtumin, tua mei a phelh ding kuamah om lo ding hi.

Amos 5:6 Referans Kwoze

Isaiah 55:6

“A kimuh theih hun lai-in Topa zong un la, a nai om lai-in amah sam un;

Amos 5:14

Note na nuntak theih nadingun, siatna gamta loin, thuman-a gamtat ding hanciam un. Tua hi leh na gensa uh mah bangin, Topa, mihonpite’ Pasian in note hong ompih ding hi.

Amos 5:4

Tua ahih manin Topa in Israel mite tungah hih bangin ci hi: Kei hong zong un, tua hi leh na nungta ding uh hi.

Ezekiel 33:11

Amaute kiangah hih bangin gen in: Keimah in a nungta Topa Pasian ka hih mah bangin mawhnei mi khat a si ka muh ciangin nuam ka sa het kei hi. A mawh gamtatna khawlin a nuntak ding ka deihna hi zaw hi. Israel mite aw, na mawh gamtatnate uh khawl un. Bang hangin si nuam se na hi uh hiam?

Zekhariah 10:6

Judah mite, ka thahatsak ding a, Josef’ innkuan ka honkhia ding hi. Amaute ka khasiat ding a, innah ka ciahpih kik ding hi. Amaute cik mah-a ka nial ngei loh bang keekin, nuam takin om ding uh hi. Keimah in Topa, amau’ Pasian ka hi a, amau’ thungetnate ka pia ding hi.

Amos 6:6

Leenggahzu, hai lianpi pi-in na dawn uh a, sathau hoih pente tawh na kizut uh hi. Ahi zongin Josef minamte’ siatna hangin, them khat zong na dah het kei uh hi.

Ezekiel 37:19

amaute kiangah, Topa Pasian in hih bangin ci hi: Israel ciangkhut la-in Judah ciangkhut tawh ka koihkhawm ding hi. Tua ciangkhut nihte ciangkhut khat-in ka bawl ding a, ka khut sungah ka tawi ding hi, ci hi, ci-in gen in.

Jeremiah 7:20

Tua ahih manin Topa in kong cih-inah: En in, ka hehna leh ka thangpaihna hih munah ka bua ding-a, mihingte tung leh ganhingte tung, lo lai-a singkungte leh lei laka singgahte tungah ka sung ding hi. Ka hehna a kuang ding a, a kisumit kei ding hi.

Jeremiah 4:4

Judah mite leh Jerusalem khua mite aw, Topa’ tungah vun at un la, na lungtang uh vun at un. Na tua cih kei leh na bawl uh mawhnate hangin, ka hehna mei bangin hong kuangkhia ding a, a phelh zo kuamah om lo ding hi,” a ci hi.

Isaiah 1:31

A thahat mipa pen patlom tawh kibang ding a, ama nasepna pen mei-ek suak ding hi; kuamah in phelh zo loin amaute gel kangtum khawm ding uh hi.

1 KUMPI MASATE 11:28

Jeroboam in nasep siam mahmah khat hi a, Solomon in hih a khangno mipa a kizen mi hi ci-in a theih ciangin Josef minam aana tawh na a semte khempeuh tungah a uk-in bawl hi.

2 SAMUEL NIHNA 19:20

Bang hang hiam cih leh ka khialh khitna na nasempa in thei hi; tua ahih ciangin, en in, ka to kumpipa dawn dingin a paisuk dingin Josef minam khempeuh sung panin a masa penin tu ni-in kong tung hi,” a ci hi.

Joshua 18:5

Amaute in seh sagihin khenin, leitaw lam ama gam mah-ah Judah om suakin, Josef innkuante leilu lam amau’ gamah om ding hi.

Thu-hilhkikna 4:24

Bang hang hiam cih leh Topa na Pasian un hong kangtum thei mei tawh kibang a, a haza Pasian ahi hi.

Paikhiatna 22:6

“Mei kuang in gam kang a, a kikhol an ahi a, a ding lai an ahi a, lo ahi zongin a kat leh, mei a kangsakpa in a cing takin ditkikna bawl ding hi.

Late 27:8

“Ka mai hong zong in,” na ci khin zo hi. Ka lungsim in nang tungah, “Topa aw, nangma mai kong zong hi,” ci hi.

Isaiah 55:3

Ka mite aw, ka thu ngai un la, kei kiangah hong pai un; nuntakna na ngah theih nadingun hong za un; David tungah ka kamciam mah bangin, keima itna kip ahi tawntung thuciamna note tawh ka bawl ding hi.

Amos 3:14

Amau’ khialhna hangin Israelte daan ka piak ni ciangin, Beth-el a, biakna taute zong ka susia ding a, biakna tau kite kitanin lei-ah kia ding hi.

Zefaniah 2:3

Kiniamkhiatin, Topa’ thupiakna a mang, Judah gam mi khempeuh aw, Topa’ kiang zuan un. A manin gamta un la, kiniamkhiat un. Tua hi leh, Topa’ hehna hong kilat ni ciangin, tua hehna daan panin na peng thei ding uh hi.

Thu-hilhkikna 32:22

Bang hang hiam cih leh ka hehna in mei tawh kuang a, Leinuai thukna mun dong kuang hi, leitung leh a tunga piangte kangtum a, mualte’ bulpite’ kuangsak hi.

2 KHANG TANGTHU NIHNATE 34:25

Amaute in amau’ gamtatna tawh kei hong hehsak theih nadingun amaute in kei hong nusia in, pasian dangte tungah paknamtui hal uh ahih manin hih mun tungah ka hehna kisungin dai lo ding hi.

Late 69:33

Bang hang hiam cih leh Topa in a cimawhte’ aw za a, henna sunga om ama mite simmawh lo hi.

Jeremiah 38:20

Jeremiah in, “Amaute kiangah nang hong kipia lo ding hi. Tu-a kong gen bangin Topa’ thu mang in. Tua hi leh nang adingin hoih ding a, na nuntakna hong kihu ding hi.

Ezekiel 21:3

Israel gam mite tungah Topa ahi keima thugen, hih bangin gen in: ‘Note ka hong langpan’ hi. Ka namsau dokin, note a sia a pha a kibangin kong that mang khin ding hi.