Amos 5:4 - Tedim Bible

⁴ Tua ahih manin Topa in Israel mite tungah hih bangin ci hi: Kei hong zong un, tua hi leh na nungta ding uh hi.

Tedim Bible Revision 2017

⁴ Tua ahih manin Topa in Israel mite tungah hih bangin ci hi: Kei hong zong un; tua hileh na nungta ding uh hi.

Amos 5:4 Referans Kwoze

2 KHANG TANGTHU NIHNATE 15:2

tua ciangin Asa dawntuah dingin amah pai-in ama kiangah, “Ka thu ngai un, Asa leh Judah mite leh Benjaminte aw: Note in amah tawh na om lai teng uh Topa in note tawh om hi. Amah na zon’ uh leh amah na mu ding uh a, ahih hangin amah na nusiat uh leh amah in note hong nusia ding hi.

Zefaniah 2:3

Kiniamkhiatin, Topa’ thupiakna a mang, Judah gam mi khempeuh aw, Topa’ kiang zuan un. A manin gamta un la, kiniamkhiat un. Tua hi leh, Topa’ hehna hong kilat ni ciangin, tua hehna daan panin na peng thei ding uh hi.

Late 14:2

A pil gamtat, Pasian a zong a om uh hiam cih a theih nadingin Topa in vantung panin mihing’ tate ensuk hi.

Isaiah 55:3

Ka mite aw, ka thu ngai un la, kei kiangah hong pai un; nuntakna na ngah theih nadingun hong za un; David tungah ka kamciam mah bangin, keima itna kip ahi tawntung thuciamna note tawh ka bawl ding hi.

Mattiu 7:8

Bang hang hiam na cih uh leh, a ngente khempeuh in a ngah uh hi. A zongte khempeuh in a mu uh hi. A kiute khempeuh ading kongkhak a hon’ ding hi.

1 KHANG TANGTHU MASATE 28:9

“Tu-in nang, ka tapa Solomon aw, na pa’ Pasian thei in la, na lungsim khempeuh leh utna lungsim tawh ama na sem in; bang hang hiam cih leh Topa in lungsim khempeuh zong a, ngimna leh ngaihsutna khempeuh thei hi. Nangmah in amah na zon’ leh nangmah in amah na mu ding hi; ahih hangin amah na nusiat leh amah in nang hong paaikhia paisuak ding hi.

2 KHANG TANGTHU NIHNATE 20:3

Tua ciangin Jehoshafat lau a, amahmah in Topa’ lamlah nading zong a, Judah gam khempeuh ah antan’ ding thu zasak hi.

Amos 5:6

Topa zong un, tua hi leh na nungta ding uh hi. Amah na zon’ kei uh leh, Josef mite tungah amah mei bangin hong kuang ding a, tua mei in Bethel-a om mite kang tumin, tua mei a phelh ding kuamah om lo ding hi.

Late 69:32

Nen’niamna a thuakte hih musak un la lungdam hen; Pasian a zong note aw, na lungsim uh nosuak sak kik un.

Late 27:8

“Ka mai hong zong in,” na ci khin zo hi. Ka lungsim in nang tungah, “Topa aw, nangma mai kong zong hi,” ci hi.

Late 22:26

Gimna thuakte in kham takin ne ding uh a, amah a zongte in Topa phat ding uh hi. A lungsim uh nuam tawntung ta hen!

2 KHANG TANGTHU NIHNATE 34:3

Bang hang hiam cih leh ama uk a kum giatna sung, amah naupang ahih laipi mahin, amah in a pu David’ Pasian zon’ ding kipan hi; a kum sawm-le-nihna ciangin amah in Judah leh Jerusalem panin mual dawn a, biak piaknate, Asherah milimte, leh a kiseek leh a kisung milimte beisiang sak ding kipan hi.

Thu-hilhkikna 4:29

Ahih hangin tua lai panin Topa na Pasian uh na zong ding uh a, na lungsim khempeuh uh leh, na nuntakna khempeuh uh tawh na zon’ uh leh amah na mu ding uh hi.

Thu-hilhkikna 32:46

amaute kiangah, “Hih thu khempeuh lim takin a hih theih nadingun na tate uh tungah na hilh theih nadingun, tu ni-a note tungah kong piak thu khempeuh na lungsim uhah koih un.

Thu-hilhkikna 32:47

Bang hang hiam cih leh hih in note adingin a thuneu hi loin, note’ nuntakna hi a, a luah dingin Jordan gal khatah na paina gam sung uhah hih thu tawh sau veipi na hing ding uh hi,” a ci hi.

Isaiah 31:1

Izipt gamah huhna ngen dingin paisuk a, sakolte suan’ in a nei, leengte a tam manin muang a, sakol tuangte a hat mahmah manin a suang, ahih hangin Israelte’ Siangtho Pa a suang lo, Topa thu a dong lote in gimna ngah ta hen!

Ezekiel 18:9

Amah in ka thupiakte mangin, ka thukhamte hoih takin zui hi. Tua bang mi in mihoih ahih manin nungta ding hi, Topa Pasian in ci hi.

2 KUMPI NIHNATE 20:3

“Nangma mai-ah thuman tak leh lungsim khempeuh tawh ka gamtatna, leh nangma muhna ah a hoih ka sepna thu tu-in hong phawk in, kong thum hi, Topa aw,” a ci hi. Tua ciangin Hezekiah nakpi takin kap hi.

2 KHANG TANGTHU NIHNATE 20:4

Tua ciangin Topa’ tung pan huhna zong dingin Judah mite hong kikhawm hi; Judah khuapi khempeuh panin Topa thu dong dingin amaute hong pai uh hi.

Late 69:33

Bang hang hiam cih leh Topa in a cimawhte’ aw za a, henna sunga om ama mite simmawh lo hi.

Jeremiah 38:20

Jeremiah in, “Amaute kiangah nang hong kipia lo ding hi. Tu-a kong gen bangin Topa’ thu mang in. Tua hi leh nang adingin hoih ding a, na nuntakna hong kihu ding hi.

Hosea 10:12

Khai tuh bangin thuman tuhin, kei nong itna hangun a piang thuphate at un. Note’ Topa keima lamah nong kihei nading uh a hun hita ahih manin lo thak lei kalkham un. Tua hi leh kei hong pai-in note tungah thupha kong pia ding hi, ka ci hi.