Amos 5:18 - Tedim Bible

¹⁸ Topa’ ni hong tun’ ding a ngaklah note’ adingin, bangzahin lauhuai ding hiam? Note’ adingin tua ni a hoihna bang om ding hiam? Tua ni in lungzin’ ni hi a, lungtaii ni hi lo hi.

Tedim Bible Revision 2017

¹⁸ Topaʼ ni hong tun ding a ngaklah note adingin bangzah takin lauhuai ding ahi hiam? Note adingin tua ni a hoihna hong om ding ahi hiam? Tua ni pen lungzin ni hi a, lungtaii ni hi lo hi.

Amos 5:18 Referans Kwoze

Joel 1:15

Kalai! A hun hong nai ta! Topa’ ni hong nai ta a, Vanglianpa’ suksiatna hong nai ta hi.

Joel 2:31

Topa’ ni, tua a lauhuai hun hong tun’ ma-in, ni hong mialin, kha, sisan hong bang ding hi.

Jeremiah 30:7

Nu ei! tua ni lianpi hong tung ding a, nidang tawh teh theih hi lo ding hi! Jakob’ suante’ gimna ngah hun hi ding a, ahih hangin amau a suakta veve ding uh hi.

Malakhi 4:1

Vanglianpen Topa in hih bangin ci hi: “En un, mi kiphasak khempeuh leh migilo khempeuh, a zung a hiang cih om loin buhtu bangin a kattum ding hun hong tung ding hi. Tua ni ciangin khat zong suakta loin a vekpi-in kangtum khin ding uh hi.

Isaiah 9:19

Vanglianpen Topa’ hehna hangin meikuang bangin gamsung kang a, mite pen mei-a kicih sing tawh kibang uh hi; kuamah in a sanggampa zahtuan lo hi.

Isaiah 5:30

Tua ni ciangin amaute in tuipi ging bangin Israel tungah ngik ding uh hi. Mi khatpeuh in leitang en leh, khuamialna leh lungzin’na bek om hi; meiite in khua mialsak hi.

Joel 2:10

Amau’ mai-ah leipi liing a, vanpi nangawn liing damdam hi. Ni leh kha zong mial ta a, aksite zong taang nawn lo hi.

2 PETER NIHNA 3:4

“Topa hong paikik ding cih thuciamna in koi-ah a om hiam? I pute i pate a si khin zo uh hi; ahi zongin na khempeuh a pian’sak cila kipan a pian’ ngei bangin a om lai hi,” ci-in kosiatna tawh a hong pai ding uh hi.

Ezekiel 12:27

“Ezekiel aw, na maang muhnate leh na thugen kholhnate pen mailam hun saupi ciangin a piang pan dingin Israel mite in ngaihsun kha uh hi.

Ezekiel 12:22

“Ezekiel aw, bang hangin ‘Hun beibei a, genkholhnate a tung om lo hi,’ cih paunak pen Israel mite lakah zat belin kinei ahi hiam?

2 PETER NIHNA 3:10

Guta bangin Topa’ Ni in hong tung ding hi. Tua Ni ciangin vantungte in aw lian mahmah tawh mangthang ding a, a nate zong sa lua-in a kisia ding uh hi. Leitunga kipan leitungah kibawl na khempeuh a kangtum ding uh hi.

Jeremiah 17:15

En in, amaute in, “Topa’ hong tawn’nate koi lai takah om ahi hiam? Tu-in hong tung ta hen!” a ci uh hi.

Thu-hilhkikna 32:24

gilkialna tawh amaute bei ding uh a, meikuang sa mahmah leh gu nei natna in amaute ne-tum ding hi; keimah in amaute a pet dingin ha hiam a nei gamsate, amaute a tu dingin gu a nei gulte ka sawl ding hi.

Isaiah 8:22

amaute in lei lak a et suk hangun, lungkhamna leh khumialna, lungzing-a gimna bek om hi; khuamial ngeungau sungah amaute kihawlkhia ding hi.

Isaiah 13:6

Topa’ ni hong nai ahih manin nakpi-in kap un; Vanglian Pa’ kiang panin suksiatna hong tung ta ding hi.

Jeremiah 13:16

Topa in khua mialsak a, khuamialna mual tungah na tuk ma-un na lamet uh khuavak pen khua mial bikbek a suah ma-in, Topa na Pasian uh pahtawi un.

Joel 2:11

Ama mi honpite tam mahmah uh ahih manin, amaute thu pia-in a mai uh-ah Topa awng a, ama thupiakna banga a semte hat mahmah uh hi. Topa’ ni ding nak kihtakhuai mahmah ahih manin, kua in thuak zo peuhmah ding ahi hiam?

Obadiah 1:15

Bang hang hiam cih leh minam kimte tunga ka thukhen nading ni a nai zo hi. Na bawl bangin nangma tungah a hong kibawl ding hi. Na hih bangin na lu bukah a hong tu kik ding hi.

Isaiah 24:18

Lauhuaina panin a tai mipa gum sungah kia ding a, gum sung panin a taikhiat ciangin thangzak sungah awk ding hi. Bang hang hiam cih leh van panin guahpi hong bua ding a, leitung bulpite kiling ding hi.

Isaiah 58:2

Amaute pen, thuman-a a gamta, amaute’ Pasian’ biakna ngeina kipte a nusia lo minam bang keekin, ni simin amaute in kei hong zong uh a, keima lampite thei nuam uh hi; amaute in keima kiang panin a maan thukhenna hong ngen uh a, Pasian kiangah nai nuam uh hi.