Amos 5:15 - Tedim Bible

¹⁵ Thusia mudahin thupha deih un la, thukhen zumah a manin thu khen un. Tua hi leh, Josef minam a suakta sunte tungah, Topa, mihonpite’ Pasian hong thunuam kha thei ding hi.

Tedim Bible Revision 2017

¹⁵ Thusia mudahin thupha deih unla, thukhen zumah a manin thu khen un. Tua hileh Josef minam a suakta sunte tungah Topa, Vanglian Pasian hong thunuam kha thei ding hi.

Amos 5:15 Referans Kwoze

ROM (Romans) 12:9

Simtat loin itna lungsim om ta hen. Gitlohna mudahin gamtat hoih beel un.

3 JOHAN THUMNA 1:11

Ka it mi aw, a sia lam zui kei in, a hoih lam zui in. A hoih a gamta mi in Pasian tawh kipawl hi. A hoih lo a a gamta mi in Pasian a mu nai kei hi.

Joel 2:14

Topa, i Pasian in a lungsim kheelin, an hauhsakna tawh thupha hong pia kha ding hi. Tua hi leh ama tungah an leh leenggahzu tawh biakna i pia thei ding hi.

Late 97:10

Topa in gitlohna a mudahte it a, amah in a mi siangthote’ nuntakna kem hi; amah in migilote khut sung panin amaute honkhia hi.

ROM (Romans) 8:7

Bang hang hiam na cih uh leh, ci leh sa lungsim in Pasian’ Thukham mang lo tham loin a mang zo lo ahih maninah Pasian tawh a kido hi.

Micah 5:3

Tua ahih ciangin, numei naupai nu, a nau a suah khit mateng, amau’ galte khut sungah Topa in amaute pia phot hi. Ama hong khan’ ciangin, sal-a om a gam mite, a mipihte uh tawh hong kigawm kik ding hi.

Paikhiatna 32:30

A zing ciangin Moses in mite kiangah, “Note in khialhna lianpi khat na bawl khin uh hi. Tu-in Topa' kiangah kei ka pai ding hi; note’ khialhna thu-ah kilemna ka va bawl thei kha ding hi,” a ci hi.

Jonah 3:9

Eite i sih loh nadingin Pasian kisik kik-in a hehna damsak lo ding hi, kua in ci thei na hi uh hiam?” a cisak hi.

Amos 5:24

Thutang, tui bangin luang khiasak un la, thuman, a kang ngei lo lui tui bangin luangsak un.

Late 36:4

A lupna tungah siat gamtat ding sawm a, hoih lohna-ah amah kibulhtawm hi; amah in siatna nolh lo hi.

1 KUMPI MASATE 20:31

Tua ciangin a nasemte in ama kiangah, “Tu-in en in, Israel kumpite in hehpihna a nei kumpite hi, ci-in i za hi; puanhampi i kawngah tengin i lu tungah khauhual vialin Israel kumpipa kiangah pai ni; amah in na nuntakna hong suaktasak kha ding hi,” a ci uh hi.

ROM (Romans) 7:22

Ka sung mi hangin Pasian’ Thukham a pha ka sa hi.

Micah 2:12

Ahi zongin no Israel mi a om laite khempeuh pel loin kong kaikhawm kik taktak ding hi. Tuubuk sunga tuu khum bangin, gankhawk sunga tuuhon kaihkhop bangin, note kong kaikhawm kik ding a, na gam sung uh, mi tampite’ husa tawh kidim kik ding hi, ci hi.

Amos 6:12

Sakolte, suangken tungah tai thei ngei a, bawngtalte tawh tuipi tung kikho thei ngei ahi hiam? Tua hi napi-in note in, thutang pen, gu na suaksak uh a, thuman zong, a khial na suaksak uh hi.

Amos 5:10

Note in thukhen zumah thutang a deihpa na mudah uh a, thuman a genpa na hua uh hi.

Amos 5:6

Topa zong un, tua hi leh na nungta ding uh hi. Amah na zon’ kei uh leh, Josef mite tungah amah mei bangin hong kuang ding a, tua mei in Bethel-a om mite kang tumin, tua mei a phelh ding kuamah om lo ding hi.

Jeremiah 31:7

Bang hang hiam cih leh Topa in kong cih-inah, “Jakob adingin lungdamna tawh ngaih takin la sa un la, gam khempeuh lak a, gam lianpen adingin awng un. ‘Topa in Israel mi a om laite, ama’ mite hong honkhia khin zo hi,’ ci-in tangko un la, phat un.

Late 119:104

Na thuhilhnate hangin thu theihtelna ka ngah hi; tua ahih ciangin a man lo lampi khempeuh ka mudah hi.

Late 37:27

Siatna panin kihem in la, gamtat hoih in; tua hi leh na kipsuak ding hi.

Late 34:14

Siatna panin kihemkhia in la, a hoih bawl in; nopna zong in la, delh in.

2 KUMPI NIHNATE 19:4

Ama topa ahi Assiria kumpipa in a nungta Pasian a zahko dingin a sawl a ulianpa’ kammalte khempeuh Topa na Pasian in za-in Topa na Pasian in a zaksa thute nial khin kha ding hi; tua ciangin a om lai mite adingin thungen in,” a ci uh hi.

2 KUMPI NIHNATE 15:29

Israel kumpipa Pekah’ hun lai takin Assiria kumpipa Tiglath-pileser hong pai-in Ijon, Abelbethma-akah, Janoah, Kedesh, Hazor, Gilead, leh Galili, Naftali gam khempeuh la hi; amah in galmatin mite Assiria ah ciahpih hi.

2 KUMPI NIHNATE 13:7

Bang hang hiam cih leh Jehoahaz’ adingin galkap sakol tung tuang sawmnga leh leeng sawm leh khe galkap tulsawm bang bek om lai hi; bang hang hiam cih leh Siria kumpipa in amaute susia-in ancilna a, leivui bangin amaute bawl hi.

2 SAMUEL NIHNA 16:12

Topa in ka thuakna hong en-in, tu ni-a kei hong samsiatna hangin Topa in a hoih tawh kei hong thuk kha ding hi,” a ci hi.

Late 80:1

Tuuhon bangin Josef a paipih, Israel Tuucingpa aw, ngai in! Nang, Kherubte tunga tu-pa aw,

Daniel 2:49

Kumpipa in Daniel’ ngetna mah bangin Shadrak, Meshak, leh Abednego-te Babilon gam khawk uk dingin koih a, Daniel pen kumpi inn sungah a omsak hi.

Amos 7:3

Topa in zong a lungsim hong kheel kik a, “Tua na muh bangin hong piang nawn lo ding hi,” hong ci hi.

Jonah 1:6

Teembaw ukpa in amah a muh ciangin, “Ihmu pa aw, bang na cihna hiam? Tho in la, na pasian kiangah thu ngen in! I sih loh nadingin amah in eite hong ngaihsun kha thei ding hi,” a ci hi.

Zefaniah 2:3

Kiniamkhiatin, Topa’ thupiakna a mang, Judah gam mi khempeuh aw, Topa’ kiang zuan un. A manin gamta un la, kiniamkhiat un. Tua hi leh, Topa’ hehna hong kilat ni ciangin, tua hehna daan panin na peng thei ding uh hi.

Malakhi 3:18

Tua ciangin, midikte leh migilote, leh keima na hong semte leh hong sem lote a kilamdan’na na mu kik ding uh hi,” a ci hi.

Jeremiah 18:8

tua ka gen sa minam leh gam in a siatna panin a kihei kik leh, ama tung-a siatna tun’ sak ding-a ka seh sa pen ka kisikkik ding a, ka tungsak nawn kei ding hi.

Jeremiah 22:3

Topa in a cih-inah, thumanin diktat un la, bawlsiatna a thuakte a bawlsiate’ khut sung panin honkhia un. Minam dangte, pa neilote leh meigongte simmawh bawl kha loin amau tungah ngongtat kha kei un la, hih munah zong mawhna nei lo mite that kei un.

Ezekiel 45:9

“Topa Pasian in hih bangin ci hi: No Israel a uk uliante aw, na mawh gamtatna uh sau vei lua zo ta hi. Na ngongtatnate uh leh mi na nenniamnate uh khawl un la, thuman thutangin na sem un. Amau leitang panun ka mite notkhia nawn kei un. Topa Pasian keimah in hih thu kong gen hi.

Micah 3:2

thuhoih deih loin thusia na deih zawsop uh hi. Note in mite vun na hing hawkkhiat uh a, a guh uh na hing kheuh uh hi.