Amos 5:12 - Tedim Bible

¹² Bang hang hiam cih leh na khialhna tampite uh, leh na mawhna tampite uh ka thei khin a, thuman mite gimsakin, sumgolh na la uh a, thukhenna zumah mi zawngte’ thu a manin na khen kei uh hi.

Tedim Bible Revision 2017

¹² Bang hang hiam cih leh na khialhna tampite uh le na mawhna tampite uh a vekin ka thei khin hi. Thuman mite gimsakin, sumgolh na la uh a, thukhenna zumah mizawngteʼ thu a manin na khen kei uh hi.

Amos 5:12 Referans Kwoze

Amos 5:10

Note in thukhen zumah thutang a deihpa na mudah uh a, thuman a genpa na hua uh hi.

Isaiah 1:23

Na uliante, mi lehdote hi a, gutate tawh a kikhawlte ahi hi. Mi khempeuh in sumgolh leh letsong deih uh hi. Amaute in pa nei lote pan’pih lo uh a, meigongnu’ thu amaute in sang lo uh hi.

Malakhi 3:5

Vanglianpen Topa in hih bangin ci hi: “Note tungah thukhen dingin ka hong pai ding a, ai tawite, numei tawh mawhte, a man lopi-a teci pangte, nasemte’ thaman piakna ah khemna a zangte, meigong, tagah, leh gamdang mite a zawhthawh bawlte, leh kei hong zahtak lo mi khempeuhte’ lang khatah thakhatin teci pangin thu ka khen ding hi.

1 SAMUEL MASA 8:3

Ahih hangin a tapate amah bangin gamta lo uh a, meetna lamah kihei uh hi; amaute in sumgolh la-in thuman heikhia uh hi.

Jeim 5:6

Midik tungah thu na khen uh a, na that zo uh hi. Amah in no hong thuk kei hi.

Jeim 5:4

Ngai un, note’ lo lai-ah an atte na kheem uh a, a thaman uh pia loin na om uh a hih ciangin tua thaman in kiko-in a om hi. Tua lo-ah a at mite a kikona aw un zong vantungmite’ Topa’ bil sungah a tum zo hi.

Sawltak 7:52

No na pute na pate un a bawlsiat loh kamsang kua ahi hiam? ‘Midik Pa hong pai ding ci-a a genkholh mite a that uh hi. Tu-in tua Midik Pa a heekte, a thatte na suak zo uh hi.

Micah 7:3

A sia lam-a gamtat ding siam mahmah uh a, uliante leh thukhente in sumgolh ngenin, mi liante in amau’ deih teng pulak uh a, kipawlin vaihawm khawm uh hi.

Micah 3:11

Khuapi ukte in sumgolh ngah nading bekin thu khenin, siampite in sum ngah nading bekin thu gen uh a, kamsangte in zong sum ngah theih nading bek mahin, mailam thu genkhol uh hi. Tua bang hi napi-in amaute in Topa, muan’in nei uh a, “Topa in eite hong ompih a, i tungah siatna hong tung lo ding hi,” ci uh hi.

Amos 2:16

Tua ni ciangin galhang pente nangawn, tai mang ding uh hi, Topa in ci hi.

Kah la 3:34

Topa in thong sunga lunggimna i thuaknate a hong thei hi.

Jeremiah 29:23

Bang hang hiam cih leh amaute Israel gamah hai gamtat uh hi: a innvengte’ zite mawhpih uh a, thu ka piak lohpi ka min tawh zuauthu a gen uh hi. Keimah Topa in ka mu a, teci ka hi hi, hong ci hi,” ci-in a gelh hi.

Isaiah 66:18

Bang hang hiam cih leh amau nasepnate leh amau ngaihsutnate ka thei a, minam khempeuh a khawm dingin ka hong pai hi; amaute hong pai-in ka minthan’na mu ding uh hi.

Isaiah 47:9

Aisan siamnate leh mibum siamna vang lianpi na neih hangin ta khuaisuahna leh meigon’na, hih thu nihte thakhat thu-in ni khat sungin a kicing takin nang tungah hong tung veve ding hi.

Isaiah 33:15

Thuman in gamta-in thutang na gen uh leh na suakta ding uh hi. Na vangliatna uh mizawngte khemna-in zang kei un la, sumgolh deih kei un. Mi that ding a vaihawmte’ thu ngai loin siatna lang khatah mit si un.

Isaiah 5:23

mimawhte sumgolh tawh khah a, midikte a mawhsakte in gimna ngah ta hen!

Paunak 22:22

Bangmah hong hih zo lo ding cihna tawh nuamtak sa-in, mizawngte’ neihsa mawksut kei in la, zum-ah khia-in mawk bawlsiat kei in.

JOB (Job) 31:21

Zum thukhenna-ah zo na ning cih ngaihsutna tawh tagah khatpeuh ka kheem taak leh,

Ruth 4:1

Tua ciangin kulh kongpi-ah Boaz paito-in tua mun-ah tusuk hi; en in, tanaute, Boaz’ genpa hong pai hi. Tua ahih ciangin Boaz in, “Hong pai dih in, lawm aw; hih lai-ah tu dih in,” a ci hi; tua ciangin amah hong kihei-in hong tusuk hi.

Thu-hilhkikna 31:21

Siatna leh haksatnate amaute tungah a tun’ ciangin hih la in teci-in amaute lang khatah pang ding hi (bang hang hiam cih leh a suan leh khakte un mangngilh lo ding uh hi); bang hang hiam cih leh piak dingin ka kiciam leitangah amaute ka paipih ma-in, amau’ vaihawm kholh a ngimnate uh ka thei hi,” a ci hi.

Thu-hilhkikna 16:18

“Na minam uh tawh kizui-in Topa na Pasian un note hong piakna khuate ah thukhente leh uliante na koih ding uh hi; amaute in a man thukhenna tawh mite thukhen ding uh hi.

Late 127:5

A thallawng dimin tua bang thaltang a neipa in mi lungdam ahi hi. Amah guallel-in zahhuai ngeilo ding hi.

Paunak 17:8

Sumgolh a zangte in ai bangin ngaihsun uh a, a deih khempeuh uh a ngah sak dingin ngaihsun uh hi.

Ezekiel 13:22

Keima gen hilo pi-in, na thu zuau gen teng uh tawh mi hoihte na lunggimsak uh a, mi gilote a nuntak theih nadingun hong kihei loh nadingin na lehhanthot zawsop uh hi.

Hosea 5:3

Israelte’ gamtatna khempeuh ka thei khin a, kei tungah bangmah hong iim thei lo ding uh hi. Kei tungah hong citak lo uh a, amaute, misia suak khin uh hi, a ci hi.

Amos 2:3

Tuate lakah Moab gam ukte ka sisak ding a, a uliante ka that ding hi.

Amos 5:7

Thutang lumletin thuman mite lei a den’na, note’ adingin bangzahin nasia ding ahi hiam?

Amos 8:4

Mi cimawhte tuancil gawpin, gamsung mi zawngte a susia gawp mite aw, hih thu ngai un.

Paikhiatna 23:3

ama' thu neihna-ah mi zawngpa na lang neih kei ding uh hi.

Paikhiatna 23:6

“Ama'thu neihna-ah na mi zawngpa’ thutan’na na heikhiatsak kei ding hi.

JOB (Job) 20:19

Bang hang hiam cih leh amah in mizawngte bawlsia-in don lo a, midangte’ inn lamsate sutin a tang hi.