Amos 5:11 - Tedim Bible

¹¹ Note in mi zawngte tuancilin, a an teng uh laksak na hih manun, suangseek inn na lam hangun a sungah na teeng kha kei ding uh a, leenggui lo hoih na neih hangun a leenggahzu na dawn kha kei ding uh hi.

Tedim Bible Revision 2017

¹¹ Note in mizawngte tuancilin, a an neih teng khempeuh uh laksak na hih manun, suangseek inn na lam hangun tua suang inn sungah na teeng kha kei ding uh a, leenggui lo hoih na neih hangun a leenggahzu na dawn kha kei ding uh hi.

Amos 5:11 Referans Kwoze

Zefaniah 1:13

Amau’ neihsa khempeuh kisut ding a, a innte uh kisuksiatsak ding hi. Inn a lam hangun a sungah teeng kha lo ding uh a, leenggui a suan hangun leenggahzu dawn kha lo ding uh hi,” ci hi.

Micah 6:15

Khai na tuh uh hangin a gah na at kei ding uh hi. Oliv gah na cil uh hangin a thau na zang kha kei ding uh a, leenggah na cil uh hangin a zu na dawn kha kei ding uh hi.

Thu-hilhkikna 28:30

Zi dingin lawm khat na dong ding uh a, midang khat in na luppih ding hi; inn na lam ding uh a, tua sungah na teeng kei ding uh hi; leenggui lo na zuan ding uh a, a gah na khawm kei ding uh hi.

Jeim 2:6

Note na hih uh leh, mizawngte na thudon kei uh hi. Sum haute in note hong bawlsia uh a, thukhenna tokhom mai-ah hong kai uh hilo ahi hiam?

Haggai 1:6

Khaici tampi na tuh uh hangin an tawm bek na la uh a, an nek ding na neih tei uh hangin na kham ding uh na nei kei uh hi. Dawn ding leenggahzu na neih tei uh hangin na kham ding uh na nei kei uh hi. Puan silh ding na neih tei uh hangin a lum khop ding na nei kei uh hi. Sum thalawhte in zong a khamkhop ding uh thalawh zo lo uh hi.

Micah 2:2

Lo deih le uh, mi’ aa sut uh a, inn deih le uh, mi’ aa mah sut uh hi. Mite bawlsia-in, a inn leh a neihsa sut uh hi.

Amos 3:15

Keimah in phalbi leh khuakhal innte ka susia ding a, saiha tawh a kibawl innte kisia-in, inn lian khempeuh beimang ding hi, Topa in ci hi.

Isaiah 16:10

An tampi a pian’ ngeina lo lai-ah lungdamna leh nuamna om nawn lo hi; leenggui lote sungah lasakna om lo a, lungdam-a kikona om nawn lo hi; leenggah cilna ah kuamah in leengtui suk lo hi; leenggah lawh cianga kikona aw kidaisak ta hi.

Ezekiel 26:12

Note’ neihsa na hoih khempeuh, na galte un a ut ut-un zang ding uh hi. Kulhte supai-in inn hoihpipite satthang gawp ding uh hi. Inn-a kizang sing leh suang, leh na khempeuh la-in tuipi sung den’ nading uh hi.

Amos 2:6

Topa in hih bangin ci hi: Israelte a khialh kikkik nilohna hangun, pel loin amaute daan ka tat ding hi. Bang hang hiam cih leh amaute in, leiba a loh zawh loh man bekin midik kim lai zuak uh a, khedap bu khat man a loh zawh loh man bekin mi cimawhte sila-in zuak uh hi.

Amos 3:9

Assiria gam mun muanhuaina sunga om mite, leh Izipt gam mun muanhuainna sunga om mite tungah thu zasak un la, “Samaria-ah hong kikhawm un la, tua lai-a buaina lianpite, kinen’niamnate hong mu in,” ci un.

Amos 4:1

Bashan gam bawngpite bangin a thau mahmah, mi zawngte nengniamin, mi cimawhte a sugawp, na pasalte uh kiangah, “Ka dawn ding bang khat peuh hong puak in,” ci-in a vaikhak no Samaria numeite aw, hih thu lim takin ngai un:

Amos 6:11

Topa in thu a piak ciangin, inn liante kisatzanin, inn neute kisatnen ding hi.

Amos 6:12

Sakolte, suangken tungah tai thei ngei a, bawngtalte tawh tuipi tung kikho thei ngei ahi hiam? Tua hi napi-in note in, thutang pen, gu na suaksak uh a, thuman zong, a khial na suaksak uh hi.

Amos 8:4

Mi cimawhte tuancil gawpin, gamsung mi zawngte a susia gawp mite aw, hih thu ngai un.

Micah 1:6

Tua ahih ciangin Topa in hih bangin ci hi: Samaria khuapi, gamlaka ninkholna mun, leenggui suan’na mun lel dingin ka bawl ding hi. A khua sunga suangte zong guam sungah ka nil suk ding a, a khuapi bulpite ka dawksak ding hi.

Malakhi 1:4

Esau’ suan-le-khak Edom mite in, “I khuapite a kisiat khit hangin i lamkik ding hi,” ci le uh, Topa in, “A ut uh leh lam uh hen, ahi zongin ka susia kik veve ding hi. Midangte in, ‘Gam gilo, Topa’ heh tawntungna minamte,’ ci-in ko ding uh hi,” ci-in dawng ding hi.

Siampi Laibu 26:16

keimah in note tungah hih bangin kong hih ding hi: note tungah hong tung dingin keimah in thakhat thu-a dipkuatna, zawngkhalna, leh mite siasakin nuntakna a kiamsak ding cisa natna kong tung sak ding hi. Note’ lo pawi in a mawkna hi ding hi; bang hang hiam cih leh na galte un tuate ne ding hi;

JOB (Job) 20:19

Bang hang hiam cih leh amah in mizawngte bawlsia-in don lo a, midangte’ inn lamsate sutin a tang hi.

Ezekiel 34:21

Note in a cidam lote na ki uh tawh si gawpin, a hon lak panin na nawtkhia uh hi.

Hosea 9:2

Ahi zongin tua ante, oliv thaute leh leenggahzute na kham takun na nei kha kei ding uh hi.

Amos 2:7

Amaute in mi zawngte’ lutang leivui lakah tuancil uh a, keima min siangtho a ninsak dingin, biakinn-a numei paktatte kiangah tangvalte leh papite pai uh hi.

Amos 9:14

Ka mi Israelte, amaute’ gam ka tun’ kik ding a, a kisia a khuapite uh lampha kikin, a sungah teeng ding uh hi. Amaute in leenggui suanin, a zu dawn ding uh a, huan bawlin, a sunga piangte ne ding uh hi.