Amos 5:1 - Tedim Bible

¹ Israel mite aw, kap kawm-a kong thugenna, lim takin na ngai un:

Tedim Bible Revision 2017

¹ Israel mite aw, kap kawmin kong thugenna, limtakin ngai un:

Amos 5:1 Referans Kwoze

Ezekiel 19:1

Israel uliante hih bangin tamlawh in hong ci hi.

Jeremiah 9:17

Tua ahih manin a vanglian Topa in a cih-inah: “Ngaihsun un la, numei kapte hong pai dingin va sam un; a kahsiam tata vaikhak un.

Jeremiah 9:10

“Mualte adingin kap-in tau un la, gamlak lo nona munte adingin thuum un. Bang hang hiam cih leh tuate keu gawp a, kuamah pai nawn lo hi, bawng ham zong kiza nawn lo hi; van-a leeng vasate leh gamsate a taimang ta uh hi.

Jeremiah 7:29

Jerusalem mite aw, na lu uh mettol un la, na sam uh paaimang un; mual tungah va kap un. Bang hang hiam cih leh Topa in hih a gilo khang mite ka nial zo a, ka taisan khin zo hi.

Micah 2:4

Tua bang hun hong tun’ ciangin, mite in note’ gim ngahna thu gentehna-in zangin, dah la phuakin sa ding uh a, “Eite i sia khin taktak hi. Topa in i gam hong laksak a, ei hong mante tungah hong piaksak hi,” ci ding uh hi.

Amos 5:16

Tua ahih ciangin Topa, mihonpite’ Pasian in hih bangin ci hi: Mihon omna lamkabom khempeuh ah, mite in nasa-in thuumin tau ding uh a, kongzing khempeuh ah kap ding uh hi. Khua neu-a mite a thuum dingin kisam ding a, a kah siam mite a kap dingin kicial ding hi.

Amos 4:1

Bashan gam bawngpite bangin a thau mahmah, mi zawngte nengniamin, mi cimawhte a sugawp, na pasalte uh kiangah, “Ka dawn ding bang khat peuh hong puak in,” ci-in a vaikhak no Samaria numeite aw, hih thu lim takin ngai un:

Amos 3:1

Israel mite aw, note lang khata Topa’ thugen, hih thu lim takin ngai un: Izipt gam panin na minam bup-un note kong paikhiatpih hi.

Ezekiel 32:16

Hih in kah la-in a kisa ding tamlawhna hi a, Izipt leh a mite tamlawhna-in minam dang numeite in nei ding uh hi. Topa Pasian in hih thu ka gen khin hi,” hong ci hi.

Ezekiel 32:2

“Ezekiel aw, Izipt kumpipa Faro tamlawh in la, hih bangin ci in: Minam dangte lakah, humpinelkai bangin na kingaihsun a, ahi zongin nangmah in gun sung tok gawpin gun a ninsak, awle tawh na kibang zaw hi.

Ezekiel 28:12

“Ezekiel aw, Tai-ar kumpipa in a thuak ding tawh kisai-in tamlawh in la, Topa Pasian ahi keima thugen, hih bangin gen in: Nidang lai-in kicing etteh pha khat na hi a, pilna leh hoihna tawh na kidim hi.

Ezekiel 27:2

“Ezekiel aw, Tai-ar khuapi tamlawhna kah la khat sa in.

Ezekiel 26:17

Tua ciangin nang tawh kisai-in hih bangin dah la hong phuah ding uh hi: A minthang khuapi kisusia ta a, a teembawte tuipi pan maimang ta hi. Hih khuapi mite in tuipi uk ngei a, tuipi gei-a teeng mi khempeuh’ kihtak hi ngei hi.

Ezekiel 19:14

Hih leenggui mei in kang a, a hiang a gah kangtum mang hi, a hiangte lian kik nawn lo ding a, kumpi ciangkhut suak kik ngei nawn lo ding hi. Hih a tunga pen tamlawhna hi a, a kisa zelzel mun khat ahi hi.

Jeremiah 9:20

Numeite aw, Topa’ kammal ngai dih un, a kam pan-a hong gingkhia thu na bil uhah lut sak un; na tanute uh kahdan hilh un la, na inn vengte ciat uh kah la hilh un.

Jeremiah 9:9

Hih thute hangin daantat lo ding ka hi hiam? Topa in kong ci hi. Hih bang minam khat tungah ka phu la lo ding ka hi hiam?

Jeremiah 18:13

“Tua ahih manin Topa in kong cih-inah: Minam dangte lakah, hih bang thu a kiza ngei hiam, dong dih un. Ka mituam Israel in a mulkimhuai na khat a hih zo hi.

Amos 8:14

Samariah milim pasian Ashimah min tawh kiciam a, ‘Dan khuapi pasian a nungta ahih mah bangin,’ a ci mite leh ‘Beersheba khuapi pasian a nungta ahih mah bangin,’ a ci mite pukin thokik nawn lo ding uh hi,” ci hi.