Amos 4:9 - Tedim Bible

⁹ Na ankungte uh lung ne sakin ka vulsak a, na ankungte uh cina sakin a kaang dikdekin ka bawl hi. Na huante uh leh na leenggui lote uh, a hawm guakin ka koih hi. Na theikungte uh leh na oliv kungte uh kauphe in gai khin hi. Tua bang hi napi-in kei lamah nong kihei kei uh hi, Topa in ci hi.

Tedim Bible Revision 2017

⁹ Na ankungte uh lung nesakin ka vulsak a, na ankungte uh cinasakin a kang dikdekin ka bawl hi. Na huante uh le na leenggui lote uh a hawmguakin ka koih hi. Na theikungte uh le na oliv kungte uh kauphe in gai khin hi. Tua bang hi napi-in kei lamah nong kihei kei uh hi, Topa in ci hi.

Amos 4:9 Referans Kwoze

Haggai 2:17

Na an ciin’ khempeuh uh cingteek sakin ka kausansak a, tuate nangawn a susia dingin gialpi ka kiatsak hangin note na kisik nuam kei lai lai uh hi, Topa in ci hi.

Thu-hilhkikna 28:22

Topa in pulnatna, leh cisa natna, meima nasia, leh a sa mahmah natna, leh keutumna, leh huihpi mutgawpna, leh a nom tawh note hong vatgawp ding hi; note na siat mateng uh tuate in hong delh ding hi.

Joel 1:4

A pettan kauphete’ nek bang teng, kauphe honte in ne tum a, kauphe honte’ nek bang teng, a tuan kuaphete in ne tum a, a tuan kauphete’ nek bang teng, a susia kauphete in ne mang khin hi.

Amos 4:6

Na khuapi khempeuh uhah kial tungsakin, an nek ding nei loin note a hong koihpa in keimah hi napi-in, keima lamah nong kihei tuan kei uh hi, Topa in ci hi.

Amos 4:8

Dangtak manin thanemin khuapi nih, khuapi thum mite tui zong dingin a khuavengte kiangah pai uh a, ahi zongin tuidawn tawm ding nangawn a kicing om lo hi. Tua hi napi-in kei kiangah nong kihei kei uh hi, Topa in ci hi.

Joel 2:25

Note a hong sim dingin ka hong sawl, kauphe honpi, a tuan kauphe, a susia kauphe, a pettan kauphe hih ka galkap honte’ hong neksak kum sunga piang teng taang kong piakik ding hi.

Joel 1:7

Amaute in i leenggui teng susia a, i theikung teng ne tum uh a, a hiangte kang sengsang hi.

Jeremiah 5:3

Topa aw, nangmah in thuman en gige hilo na hi hiam? Nangmah in amaute na sat hangin a awlmawh tuan kei uh hi; na sukgawp hangin na thu hilhna a ngai tuan kei uh hi. Amaute’ maitang suangtum sangin sakzaw a, a kisik nuam kei uh hi.

Jeremiah 3:10

Hih bang teng hi napi a sanggamnu, numei gina lo Judah, a lungsim khempeuh tawh hong kilehkik loin, a kilehkik hong kineih bek hi, Topa in kong ci hi,” hong ci hi.

Isaiah 1:5

Bang hangin note hong kisat beh lailai nadingin lehdo teitei na hi uh hiam? Israel aw, na lutang khempeuh liamma dim a, na lungsim leh na ngaihsutna gim mahmah hi.

2 KHANG TANGTHU NIHNATE 6:28

“Gam sungah kialpi tungin, pulnatna ahi a, ankung natna ahi a, ankung zawngkhalna ahi a, kauphe ahi a, lung ahi zongin om a; amau’ khuapi khatpeuh peuh ah a galte un umcihin; bang bang gimna, bang bang natna hi taleh;

1 KUMPI MASATE 8:37

“Gam sungah kialpi tungin, pulnatna ahi a, ankung natna ahi a, ankung zawngkhalna ahi a, kauphe ahi a, lung ahi zongin om a, amau’ khuapi khat peuhpeuh ah a galte un umcihin, bangbang gimna, bangbang natna hita leh,

Thu-hilhkikna 28:42

Na singte khempeuh uh leh na lei pan uh a, a gahte khempeuh kauphete in tang ding uh hi.

Isaiah 50:11

Ahih hangin mei vaksak a, meilah kuang a kiguan note khempeuh aw, tu-in na meivakna leh na meilah kuang pana khuavak sungah pai-in, kalsuan un; hih in ka khut pana na ngah ding uh ahi hi. Lungkhamin na lumsuk ding uh hi.

Habakkuk 3:17

Thei gahte hut khin a, leengguite a gah kei zongin, olive kungte gah lo a, lo-ah an a piang kei zongin, tuu khempeuh si khin a, ganbuk khempeuh a hawm khin zongin,

Isaiah 9:12

A mai-a om Siria mite leh a nunga om Filistia mite in kamka-in Israel netum uh hi. Hih thute khempeuh hangin ama hehna dam zo nai lo a, ama khut kilamto lai hi.

Hosea 11:5

Tua hi napi, kei lamah amaute hong kihei nuam lo uh ahih manin, Izipt gamah pai kikin, Assiria mite, amau’ kumpi hi ding hi.

Malakhi 3:11

Lo panin a piang na ante uh, kauphe ka nesak nawn kei ding a, na leenggui uh gah pha mahmah ding hi.