Amos 4:6 - Tedim Bible

⁶ Na khuapi khempeuh uhah kial tungsakin, an nek ding nei loin note a hong koihpa in keimah hi napi-in, keima lamah nong kihei tuan kei uh hi, Topa in ci hi.

Tedim Bible Revision 2017

⁶ Na khuapi khempeuh uh ah kial tungsakin, annek ding nei loin note a hong koihpa pen keimah hi napi-in, keima lamah nong kihei tuan kei uh hi, Topa in ci hi.

Amos 4:6 Referans Kwoze

Haggai 2:17

Na an ciin’ khempeuh uh cingteek sakin ka kausansak a, tuate nangawn a susia dingin gialpi ka kiatsak hangin note na kisik nuam kei lai lai uh hi, Topa in ci hi.

Jeremiah 5:3

Topa aw, nangmah in thuman en gige hilo na hi hiam? Nangmah in amaute na sat hangin a awlmawh tuan kei uh hi; na sukgawp hangin na thu hilhna a ngai tuan kei uh hi. Amaute’ maitang suangtum sangin sakzaw a, a kisik nuam kei uh hi.

Isaiah 9:13

Amaute a satpa’ lamah mite kihei lo a, Vanglianpen Topa zong lo uh hi.

Mangmuhna 2:21

Tua numei a kisikkik nading hun ka hehpih zawh hangin, amah in a gitloh gamtatna a kisik nuam kei hi.

Hosea 5:15

Ka mite in a mawhna hangun gimna thuakin kei hong zon’ kik mateng ka tuaci nusiat phot ding hi. A lungkham uh ciangin kei hong zong ding uh a,

Siampi Laibu 26:26

Keimah in note’ nuntakna an ka suksiat ciangin, nupi sawm in meibung khat sungah na anlum uh em ding a, na anlum uh a tawi tehin hong pia kik ding hi; note in na ne ding uh a, na kham zo kei ding uh hi.

Ezekiel 16:27

“Tu-in nangmah daan a pia ding leh na nopsakna teng a la khia dingin ka khut ka liik khin hi. Nang hong mudahin, na gamtat hoih lohna hangin nang a hong hua Filistia mite khut sungah nang kong pia zo hi.

Isaiah 26:11

Topa aw, na khut kisang lap a, na galte in mu lo uh hi. Amaute, maizumna thuak sak in la, amaute’ adingin na geelsa meite, amaute haltum sak in. Na mite ading na hanciamna thu, na galte tungah kilangsak in.

Isaiah 3:1

Bang hang hiam cih leh, en un, Topa, Vanglianpen Topa in Jerusalem khua leh Judah gam panin nuntakna leh lu hin’na, nuntakna an khempeuh leh nuntakna tui khempeuh;

2 KHANG TANGTHU NIHNATE 28:22

Hih Kumpi Ahaz mah pen—a lungkham hunin Topa tungah citak lo zawlai hi.

2 KUMPI NIHNATE 8:1

Tu-in Elisha in a tapa a nuntakna a hin’ kiksak numei kiangah, “Ding in, na innkuan tawh kihemkhia in la, na hih theihna peuhpeuh ah peem in; bang hang hiam cih leh Topa in kialpi khat tungsak a, gam sungah tua kialpi kum sagih sung hong tung ding hi,” ci khin zo hi.

2 KUMPI NIHNATE 4:38

Tua ciangin tua gam sungah kialpi a tun’ lai takin Gilgal ah Elisha hong paikik hi. Kamsangte ama mai-ah a tut lai takin amah in a nasemte kiangah, “Beel lianpi suang in la, kamsangte’ ading meh huan in,” a ci hi.

1 KUMPI MASATE 18:2

Tua ahih ciangin Ahab kiangah amah kilak tawm dingin Elijah pai hi. Tu-in Samaria ah kialpi nasia hi.

1 KUMPI MASATE 17:1

Tu-in Gileah gamsung Tishbe khua panin Tishbe mi Elijah in Ahab kiangah, “A mai-ah ka din’na Israel Pasian, Topa in a nungta ahih mah bangin keima thu tawh loin daitui ahi a, guah ahi zongin hong tung ding kumte sungah om lo ding hi,” a ci hi.

Thu-hilhkikna 28:38

Khaici tampi lo-ah na tuh ding uh a, ahi zongin tawmno bek na khawm ding uh hi; bang hang hiam cih leh kauphe in nemang ding hi.

Jeremiah 14:18

Lo lai-ah paikhia leng, namsau-a kithat lumte bekbek ka mu a, khuapi sungah lut leng, kial-a puksite bekbek ka mu hi! Kamsangte leh siampite in koi-ah pai ding cih thei lo pi-in gam sungah an ngenin a vak kawikawi uh hi,’ ci-in va gen in.”

Ezekiel 14:21

“Topa Pasian’ thugen in hih bang ahi hi. Mihing ganhing a sumai dingin daan nasia pen li ahi gal, kialpi, a kihtakhuai gamsate, leh natna, Jerusalem ah ka tungsak ding hi.

Joel 1:16

Eima mit muh mahmahin lo ante kisusia a, eite’ Pasian’ inn sungah lungdamna bei ta hi.

Siampi Laibu 26:23

“Hih banga hihna tawh kei lamah note hong kihei loin, kei tawh kilehngatin na pai lai uh leh,

Ruth 1:1

Thukhente in a uk hun lai-in tua gam sungah kialpi tung a, Judah gam sunga Bethlehem khuami khat, amah leh a zi leh a tapa nihte tawh Moab gamah a peem dingin pai uh hi.

Isaiah 9:12

A mai-a om Siria mite leh a nunga om Filistia mite in kamka-in Israel netum uh hi. Hih thute khempeuh hangin ama hehna dam zo nai lo a, ama khut kilamto lai hi.

Hosea 11:5

Tua hi napi, kei lamah amaute hong kihei nuam lo uh ahih manin, Izipt gamah pai kikin, Assiria mite, amau’ kumpi hi ding hi.