Amos 4:5 - Tedim Bible

⁵ Lungdam kohna-in silngo sawh anlum va pia un la, ut thu-a biak piaknate va pia-in va kisial un. Hihte pawl in note’ hih nop pawl ahi hi, Topa in ci hi.

Tedim Bible Revision 2017

⁵ Lungdam kohna-in silngo sawh anlum va pia unla, utthu-a biakpiaknate va pia-in va kisial un. Hihte pawl pen noteʼ hih nop pawl ahi hi, Topa in ci hi.

Amos 4:5 Referans Kwoze

Hosea 9:10

Topa in hih bangin gen hi. Israel kong muh cilin hoih mahmah a, sehnel gam sungah gah a zun kiuhkeuh leenggah tawh kibang hi. Na pu na pate uh ka muh cilin hoih mahmah a, a hun ciangin a min a zun sitset theigah muh tawh kibang hi. Ahi zongin Baalpeor a tun’ uh ciangin amaute in Baal milim bia pah uh ahih manin, amau’ biak milimte ka muhdah zahin amaute nangawn ka mudah pah hi.

Late 81:12

Tua ahih ciangin amau ut banga gamta dingin amau lungsim khauhna bangin ka tasak hi.

Mattiu 6:2

“Tua ahih ciangin, note in hehpihna na piak uh ciangin mi simtatte in phatna a ngah nop manun, kikhopna inn sung leh lam lai-a a mai-ah peengkul a tumsak uh bangin na hih kei un. Aman takpi kong cih-inah, amau in a phattuamna uh a ngah zo uh hi.

Hosea 9:1

Israel mite aw, mi dangte bangin lungdamin kipak kei un. Na Pasian uh na nusia uh a, ama tungah na citak kei uh hi. Numei paktatte bangin mun citeng ah Baal tungah na kizuak uh a, a hong leina ante hangin na lungdam uh hi.

ROM (Romans) 1:28

Amaute in Pasian thei nuam lo uh ahih ciangin a kituak lo nate ahih nading Pasian in amaute gitlohna lungsim sungah a piak mah bangin,

Mattiu 23:23

“A simtat laitheite leh Farisaite aw, note in gimna na thuak ding uh hi. Bang hang hiam na cih uh leh, leengmasel, anis leh, kummin, sehsawm suah sehkhat na piak uh hangin, thuman thukhenna, midangte hehpihna, gamtatna phate ahi Thukham sungah a lianpen thute na tang kei uh hi. Adangte sangin, hihte na tan’ ding uh a kilawm zaw hi.

Mattiu 15:9

Mite’ thukham a hilh uh a, A mawkna-in kei hong bia uh hi,” a ci hi.

Siampi Laibu 23:17

Note in na ten’na uh panin veii dingin seu seh sawmsuah seh nih a kibawl anlum lum nih nong paipih ding uh hi; tuate in annel kibawl, silngo sawh a, ki-em, Topa tungah anpal a, a kipia hi ding hi.

Jeremiah 7:9

Note in na gu-in, tual that-in, angkawmin, a hi lopi kiciam-in, Baal kiangah meihal biakna pia-in, na theih ngei loh uh pasian dangte delhin,

Jeremiah 7:10

tua ciangin ka min tawh a kilo hih biakinn sungah ka mai-ah hong pai-in hong ding-in, ‘Hong kihonkhia zo hi,’ na cih khit uh ciangin hih a muh thadah huai nate khempeuh va hih kik zel ding na hi uh hiam?

Amos 5:21

Na biakna pawite uh mudahin ka deih kei a, na biak kikhopna te uhah ka lung a kim kei hi.

Amos 5:22

Meihal biakna leh an tawh biakna nong paipih uh hangin, tuate kong sang kei ding a, Thu-nuam-a biakpiak nading a, nong paipih uh a thau mahmah ganhingte zong, et-in ka nei vet kei ding hi.

Isaiah 1:1

Judah gam kumpite ahi Uzziah, Jotham, Ahaz leh Hezekiahte’ hun lai in, Amoz’ tapa Isaiah in Judah gam leh Jerusalem khua tawh kisai a muh mangmuhnate in:

Isaiah 1:11

Topa in hih bangin ci hi: “Note’ biak piakna a tampite pen kei’ tungah bang hi leltak ahi hiam? Tuutalte leh ganhing thaute’ sathau tawh meihal biaknate ka kham ta hi; bawng talte, tuunote, keltalte’ sisan-ah kei ka lungkim kei hi.