Amos 4:3 - Tedim Bible

³ Na omna uh tawh a kinaipen kulh vang tawnin, ganhing sisa kaihkhiat bangin hong kikai khia ding a, ninlom lakah hong kilawn khia ding hi,” Topa in ci hi.

Tedim Bible Revision 2017

³ Na omna uh tawh a kinai pen kulh vang tawnin, ganhing si sa kaihkhiat bangin hong kikai khia dinga, ninlom lakah hong kilawn khia ding hi,” Topa in ci hi.

Amos 4:3 Referans Kwoze

Ezekiel 12:5

Tua bangin amaute in hong et lai takin na kawm sulet in la, tua vang panin na van la khia in.

Ezekiel 12:12

Amaute a uk ulianpa in khuamial lakah ama van a liangko-ah pua-in paikhia ding hi. Ama paikhiat nadingin amaute in kulh tawhvang sakin tua panin amah suakta ding hi. Amah in a mai humcip ding ahih manin a paina mun mu thei lo ding hi.

Mattiu 16:26

Mi khat in leitung khempeuh a ngah hangin ama nuntakna mangthang leh, bang phattuamna ngah ding ahi hiam? Mi khat in ama nuntakna bang sum tawh lei kik thei ding ahi hiam?

Zefaniah 1:18

Topa’ heh thukna ni hong tun’ ciangin, amau’ ngun leh amau’ khamte in honkhia zo lo ding hi. Ama hehna meikuang in leitung khempeuh kangtum ding a, thakhat thu-in leitunga teeng mi khempeuh sumai ding hi.

Isaiah 31:7

Bang hang hiam cih leh a kuamah peuh in no adingin na bawlsa uh, mawhna ahi na ngun milimte uh leh na kham milimte uh na paihkhiat hun uh hong tung ding hi.

Isaiah 2:20

Amah pen leitung liingsak gawp dingin a thawh ni hun ciangin, Topa kihtakna leh alian ama minthan’na panin suang hawmpite sung leh keen hawmte sungah a buk theih nadingun, mite in biak ding a, amau bawl ngun milimte leh kham milimte pen buite leh bakte paih ding uh hi.

2 KUMPI NIHNATE 25:4

Tua ciangin khuapi kulh sulet uh hi; Khaldea mite khuapi kiimah a ompi mahin, kumpipa’ huan kiang lam kulhpi nih kikal kulh kongpi lampi zui-in kumpipa leh a galhang mi khempeuh zanin tai uh hi. Amaute Arabah lam manawhin pai uh hi.

2 KUMPI NIHNATE 7:15

Tua ahih ciangin amaute Jordan ciang dong va pai uh hi; en in, lampi khempeuh Siriate in nawhsa-in a paihkhiat uh puante leh nate tawh paak zeizai hi. Tua ciangin kamtaite hong kikin kumpipa kiangah gen uh hi.

Thukhente 5:17

Jordan gal khatah Gilead om hi; Dan, bang hangin teembawte tawh om ahi hiam? Asher in tuipi gei-ah tu lai a, leilak a tun’na gei-ah teeng hi.

Jeremiah 52:7

Tua ciangin khua kulhpi kiphutlet a, khuapi kimkotah Khaldea mite om napi-in, galkapte in zan laitak-in kumpipa’ huan gei-a kulh tegel kikal-a kongpi tawnin a taikhia sim uh a, Arabah leizang lam a manawh uh hi.

Amos 6:7

Tua ahih ciangin note in salin a pai masapente na hi ding uh a, na nopsakna teng uh bei ta ding hi.