Amos 4:13 - Tedim Bible

¹³ Bang hang hiam cih leh mualte bawlin, huihte a piangsakpa, ama ngaihsutna mihingte tungah kilangsakin, sun nitaang kimlai zanin a bawlpa, leitung khempeuh a ukpa’ min in Topa, mihonpite’ Pasian ahi hi.

Tedim Bible Revision 2017

¹³ Bang hang hiam cih leh mualte bawlin huihte a piangsak pa, ama ngaihsutna mihingte tungah kilangsakin, sun nitaang kimlai zanin a bawlpa, leitung khempeuh a ukpaʼ min, Topa, Vanglian Pasian ahi hi.

Amos 4:13 Referans Kwoze

Amos 5:8

Van-a aksi Seguk leh Zawlzawngte bawlin, khuamial pen khuavak suaksak a, sun pen zan suaksakin, tuipi panin tuite samkhia a, leitungah tui a bua khiapa a min in, Topa ahi hi.

Micah 1:3

Ama mun siangtho panin Topa hong pai a, amah in leitung mualsang dawnte hong siksuk ding hi.

Amos 9:6

Topa in vantungah a inndeite bawl a, vankuumpi tawh leitung a khuhsuk hi. Amah in tuipi panin tuite samkhia a, lei tungah tua tuite sung hi. Hih bangin a bawlpa’ min in Topa ahi hi.

Isaiah 47:4

Eite hong Tanpa— Vanglianpen Topa cihna min a neipa— in Israelte’ Siangtho Pa ahi hi.

Daniel 2:28

Ahih hangin thusim a lak thei vantungah Pasian khat a om hi. Amah in mai lamah bang thu hong piang ding cih nangmah Nebukkhadnezzar kumpipa tungah a hong hilh zo hi.

Jeremiah 13:16

Topa in khua mialsak a, khuamialna mual tungah na tuk ma-un na lamet uh khuavak pen khua mial bikbek a suah ma-in, Topa na Pasian uh pahtawi un.

Late 65:6

nangma thahatna tawh mualte a bawl, vangliatna tawh a kidim,

Thu-hilhkikna 33:29

Israel aw, mi nuamsa na hi hi. Nang hong kihuhna lum, leh na gualzawhna namsau ahi Topa in nang banga, a hotkhiat mi kua om ahi hiam? Na galte in hong mai-etin na kiangah hong pai ding uh a, amau’ pumpi na tuancil ding hi,” a ci hi.

Zekhariah 12:1

Vanpi zalin, leitung piangsak a, mihingte tungah nuntakna a pia Topa in Israel mite tawh kisai-in thu gen a,

Amos 8:9

Tua ni ciangin sun kim laipi mahin ni ka tumsak ding a, sunkim laipi mahin leitungah khua ka mialsak ding hi. Topa Pasian ahi keimah in hih thu kong gen khin hi.

Jeremiah 51:19

Jakob’ Pasian in tua bang hi lo a, amah in na khempeuh a piangsakpa ahi hi. Ama’ mi dingin Israel mite teel a, ama’ min in a vanglian Topa ahi hi.

Jeremiah 10:16

Jakob’ Pasian in tua bang hi lo a, amah in na khempeuh a piangsakpa ahi hi. Ama’ mi dingin Israel mite teel a, Ama’ min in a vanglian Topa ahi hi.

Isaiah 40:12

Kua in ama khut kuak sungah tuite tehin, ama khaap tawh vantungte teh a,lawh sung khatah leitung leivui khempeuh guang-in, pongkhaina tawh mual liante khai a, tawi tehna tawh mual neute teh ahi hiam?

Thu-hilhkikna 32:13

Amah in leitung a sangna munte tungah amaute tuang sak a, amaute in gamlak pana piangte a ne uh hi; suangpi panin amaute khuaizu hup sakin, meisuang tawh kibang suang panin sathau a ne sak hi.

Paikhiatna 14:20

Izipt honpite leh Israel honpite' kikal-ah pai hi. Tua lai-ah meii leh khuamial om hi; zan tawntung khat leh khat kinai kha loin zingsang khua hong vak hi.

Paikhiatna 10:22

Tua ahih ciangin Moses in vantung lamah a khut zan a, Izipt leitang tung khempeuhah ni thum sung khuamial sahpi om hi;

Johan 3:8

Huih in ama ut bangin a nung hi. Tua huih ging na zak hangin koi pan hong pai a, koilam pai ding cih na thei kei hi. Kha Siangtho tawh a suakte khempeuh in tua bang ahi uh hi,” a ci hi.

Habakkuk 3:19

Topa Pasian in keima thahatna ahi hi; sakhi khe bangin ka khe hong zaptelsak a, mun sangna ah, lungmuang takin hong paisak hi. (Bang hang hiam cih leh amah in khausai lasakna vante tawh tum theihte hong makaihpa ahi hi).

Amos 6:8

Topa Pasian thupi takin kiciam khin a, Topa, mihonte’ Pasian in hih bangin ci hi: Israelte’ kiphatsakna ka hua a, a munmuanhuaite uh ka mu nuam kei hi. Tua ahih manin a khuapi leh a sunga om teng, galte khut sungah ka pia ding hi.

Amos 5:27

Damaskas khengin gam khatah, salin note kong paisak ding hi, Mihonpite’ Pasian min nei Topa in ci hi.

Amos 3:13

Tu-in ngai un la, Jakob’ suan leh khakte hilhkhol un, mihonpite’ Pasian ahi, Topa Pasian in ci hi.

Jeremiah 51:16

Amah a pau ciangin vantung-ah tuite ging hunhun a, leimong panin tuikhu a suaksak hi. Guahzuk nadingin khua phiasak a, a saal sung panin huih a nungsak hi.

Jeremiah 10:13

Amah a pau ciang vantungah tuite ging hunhun-a, leimong panin tuikhu a suaksak hi. Guah zuk nadingin khua phiasak a, a saal sung panin huih a nung sak hi.

Isaiah 48:2

Note tua bang hi napi-in, khuapi siangtho sunga a teeng mite hi a, Israel Pasian i muang hi. Ama min in vanglian Topa ahi hi, ci-in na kisathei zaw lai uh hi.

Isaiah 5:30

Tua ni ciangin amaute in tuipi ging bangin Israel tungah ngik ding uh hi. Mi khatpeuh in leitang en leh, khuamialna leh lungzin’na bek om hi; meiite in khua mialsak hi.

Late 147:18

Amah in thupia-in tuate tuisak hi; amah in a huih nungsak a, tuite a luang hi.

Late 139:2

Nangmah in ka heksukna, ka hektohna khempeuh na thei hi; nangmah in ka ngaihsutnate gamlapi pek panin na thei hi.

Late 135:7

Amah in leimong panin meiipi kai sakin, guahzuk nadingin khuaphialepte bawl a, ama saalte panin huih pusuak sak hi.

Johan 2:25

Bang hang hiam i cih leh, amah in mi khempeuh thei a; mite sungah a omte khempeuh zong thei ahih ciangin, mi khat in midang khat thu ama kiangah a gensak ding a kul kei hi.

Mattiu 9:4

Zeisu in amau lungsim a theih ciangin, “Na sin sung uhah hoih lohna thu bang hangin ngaihsun na hi uh hiam?

Daniel 2:30

Tu-in midangte sangin ka pil zawk mana kei tungah tua a hong kilak hi loin, Kumpipa in na mangmat a khiatna leh na ngaihsut thu na theih nadingin a hong kilak ahi zaw hi.

Joel 2:2

Tua ni a mial, a lungzin’ huai ni, meii kai-in khuazin’ ni hi ding hi. Mual tungah meiipi a kai bangin, sim zawh lohin kauphe honpi hong leeng hi. Cik mahin hih bang om ngei nai lo a, cik mah ciangin zong omkik nawn lo ding hi.

JOB (Job) 9:7

Amah in ni a suah loh nadingin thu pia a, aksite sin cip hi.

Isaiah 45:7

Keimah in khuavak leh khuamial piangsakin, a pha nate leh a sia nate ka piangsak a, hih nate khempeuh a bawlpa in keimah Topa ka hi hi.

Jeremiah 46:18

“A vanglian Topa keimah in Kumpipa ka hi hi. Taber mual in mual khempeuh sangin sang zaw-in Karmel mual in tuipi tungah sangpi-in a dawktoh bangin, no hong simpa’ thahatna a lian mahmah ding hi.

Hosea 12:6

Pasian’ huhna tawh note khempeuh kihei kik un la, thuman thutangin gam ta un. Pasian muang tawntung un.